Page Text
________________
अकविल-सुसुणिद्ध-सुगंधदीहसिरया छत्त-ज्झय-थूभ-दामिणि-कमंडलु-कल-वावि-सोत्थिय-पडाग-जव-मच्छकुम्म-रहवर-मगरज्झइ-अंक-थाल-अंकुस-अट्ठावय-सुपइट्ठग-मयूर-सिरियाभिसेय-तोरण-मेइणि-उदहि-वरभवणगिरि-वरआयंस-सलीलगय-उसभ-सीह-चामरउ-त्तमपसत्थ-बत्तीसलक्खणधरीओ हंससरिसगईओ कोइलमहरगिरसुस्सराओ कंता सव्वस्स अनुमयाओ ववगयवलिपलियं-वंग-दुव्वण-वाहि-दोहग्ग-सोगमुक्का उच्चत्तेणं य नराण थोवूणमुस्सिआओ सभावसिंगारचारुवेसा संगयगय-हसिय-भणिय-चिट्ठिय-विलास-संलावनिउणजुत्तो-वयार-कुसला सुंदरथण-जहण-वयण-कर-चलण-नयण-लावण्ण-रूव-जोव्वण-विलासकलिया नंदनवनविवर-चारिणीउव्व अच्छराओ भरहवासमाणुसच्छराओ अच्छेरगपेच्छणिज्जाओ पासाईयाओ जाव पडिरूवाओ ते णं मण्या ओहस्सरा हंसस्सरा कोंचस्सरा नंदिस्सरा नंदिधोसा सीहस्सरा सीहधसा सूसरा सूसरणिग्धोसा छयाउज्जोवियंगमंगा वज्जरिसहनाराय-संघयणा समचउरंसंठाणसंठिया छवि-निरालंका अनुलोमवाउवेगा कंकग्गहणी कवोयपरिणामा सउणि-पोसपिटुं-तरोरुपरिणया छद्धणुसहस्सभूसिया तेसि णं मणुयाणं बे छप्पण्णा पिढिकरंडकसया पन्नत्ता वक्खारो-२
समणाउसो पउमुप्पलगंधसरिसणीसाससुरभिवयणा ते णं मणुया पगइउवसंता पगइपयणुकोहमानमाया-लोभा मिउमद्दवसंपन्ना अल्लीणा भद्दगा विणीया अप्पिच्छा असण्णिबिसंचया विडिमंतरपरिसवणा जहिच्छियकामकामिणो ।
[३५] तेसि णं भंते मणुआणं केवइकालस्स आहारढे समुप्पजइ गोयमा अट्ठमभत्तस्स आहारवेसमुप्पज्जइ पुढवी पुप्फफलाहारा णं ते मणुआ पन्नत्ता समणाउसो तीसे णं भंते पुढवीए केरिसए आसाए पन्नत्ते गोयमा से जहाणामए गुलि वा खंडेइ वा सक्कराइ वा मच्छंडियाइ वा पप्पडमोयएइ वा भिसेइ वा पुप्फुत्तराइ वा पउमुत्तराइ वा विजयाई वा महाविजयाइ वा आकासियाइ वा आदंसियाइ वा आगासफलोवमाइ वा उग्गाइ वा अणोवमाइं वा भवे एयारूवे नो इणठे समढे सा णं पुढवी इत्तो इतृतरिया चेव जाव मणा मतरिया चेव आसाएणं पन्नत्ता तेसि णं भंते पप्फफलाणं केरिसए आसाए पन्नत्ते गोयमा से जहाणामए रण्णो चाउरंतचक्कवट्टिस्स कल्लाणे भोयणजाए सयसहसनिप्फन्ने वण्णेणुववेए जाव फासेणववेए आसायणिज्जे विसायणिज्जे दीवणिज्जे दप्पणिज्जे मयणिज्जे बिहणिज्जे सव्विंदिअगायपल्हायणिज्जे भवे एयारूवे नो इणढे समढे तेसि णं पुप्फलाणं एत्तो इतराए जाव मणामतराए चेव आसाए पन्नत्ते ।
[३६] ते णं भंते मणुया तमाहारमाहारेत्ता कहिं वसहिं उति गोयमा रुक्ख गेहालया णं ते मणुया पन्नत्ता समणाउसो तेसि णं भंते रुक्खाणं केरिसए आगारभावपडोयारे पन्नत्ते गोयमा कूडागारसंठिया पेच्छा-च्छत्त-झय-थूभ-तोरण-गोपुर-वेड्या-चोप्पालग-अट्टलग-पासाय-हम्मिय-गवक्खवालयग्गपोइया-वलभीघरसंठिया अण्णे इत्थ बहवे वरभवणविसिट्ठसंठाणसंठिया दुम्मगणा सुहसीयलच्छाया पन्नत्ता समणाउसो |
___ [३७] अत्थि णं भंते तीसे समाए भरहे वासे गेहाइ वा गेहावणाइअ वा गोयमा नो इणढे समढे रुक्खगेहालया णं ते मण्या पन्नत्ता समणाउसो अत्थि णं भंते तीसे समाए भरहे वासे गामाइ वा जाव सण्णिवेसाइ वा गोयमा नो इणढे समढे जहिच्छिय कामगामिणो मं ते मणया पन्नत्ता अत्थि णं भंते तीसे समाए भरहे वासे असीइ वा मसीइ वा किसीइ वा वणिएत्ति वा पणिएत्ति वा वाणिज्जेइ वा गोयमा नो इणटे समढे ववगयअसि-मसि-किसि वणिय-पणिय-वाणिज्जा णं ते | पन्नत्ता समणाउसो
दीपरत्नसागर संशोधितः]
[11]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |