Page Text
________________
जातिगुम्मा नवणीइयागुम्मा कुंदगुम्मा महाजाइगुम्मा रम्मा महामेहणिकुरंबभूया दसद्धवण्णं कुसुमं कुसुर्मेति जे णं भरहे वासे बहुसमरमणिज्जं भूमिभागं वायविधुअग्गसाला मुक्कपुप्फपुंजोवयारकलियं करेंति तीसे णं समाए भरहे वासे तत्थ-तत्थ बहुईओ वणराईओ पन्नत्तओ-किण्हाओ किण्होभासाओ जाव मणोहराओ रयमत्तछप्पय-कोरग-भिंगारग कोंडलग-जीवंजीवग- नंदीमुह-कविल-पिंगलक्खग-कारंडव-चक्क-वाय
कलहंस-हंस-सारसअणेगसउण गणमिहुणवियरियाओ सगुण्णइयमहुरसरणाइयाओ संपिंडियदरियभमर-महुयरिपहकरपरिलिंतमत्तछप्पय-कुसुमसवलोलमहुरगुमगुमंतगुंजंतदेसभागाओ नाणाविहगुंच्छ-गुम्म-मंडवग-सोहियाओ वावीपुक्खरणीदीहियाहि य सुणिवेसियरम्मजालघर-गाओ विचित्तसुहकेउ भूयाओ अब्भिंतरपुप्फ-फलाओ बाहिरप-त्तच्छण्णाओ पत्तेहि य पुप्फेहि य ओच्छण्णपरिच्छण्णाओ साउफलाओ निरोगयाओ अकंटयाओ सव्वोउयपुप्फफलसमिद्धाओ पिंडिम जाव पासादीयाओ दरिसणिज्जाओ अभिरूवाओ पडिरूवाओ
I
वक्खारो-२
[३३] तीसे णं समाए भरहे वासे तत्थ-तत्थ मत्तंगाणाणं दुमगणा पन्नत्ता जहा- से चंदप्पभ जाव ओछण्णपडिच्छण्णा चिट्ठति एवं जाव अणिगणा नामं दुमगणा पन्नत्ता ।
[३४] तीसे णं भंते समाए भरहे वासे मणुयाणं केरिसए आगारभावपडोयारे गोयमा तेणं मणुया सुपइट्ठियकुम्मचारुचलणा जाव लक्खण-वंजण-गुणववेया सुजाय-सुविभत्त-संगयंगा पासादीया [दरिसणिज्जा अभिरूवा] पडिरूवा तीसे णं भंते समाए भरहे वासे मणुईणं केरिसए आगारभावपडोयारे पन्नत्ते गोयमा तो णं मणूईओ सुजायसव्वंगसुंदरीओ पहाणमहिलागुणेहिं जुत्ताओ अइकंतविसप्पमाणमउय-सुकुमाल-कुम्मसंठिय-विसिट्ठचलणाओ उज्जु-मउय- पीवर - सुसाहयंगुलीओ अब्भुण्णय-रइय
तलिण-तब-सुइ निद्धणक्खा रोमरहिय-वट्ट-लट्ठसंठिय- अजहण्ण-पसत्थलक्खण-अक्कोप्पजंघजुयला
सुणिम्मिय-सुगूढसुजाणू
मंसलसुबद्धसंधीओ
कयलीखंभाइरेकसंठिय-निव्वण-सुकुमाल - मउय
मंसलअविरलसमसंहिय-सुजायवट्टपीवरणिरंतरोरू
अट्ठावयवीचिपट्ठसंठिय-पसत्थ- विच्छिण्ण-पिहुलसोणी वज्जविराइय-पसत्थलक्खणनिरोदरा
वयणायामप्पमाण-दुगणियविसाल-मंसल - सुबद्धजहणवरधारिणीओ तिवलियवलिय-तणुणमियमज्झियाओ उज्जुय-सम-सहिय-जच्चतणु-कसिण- निद्ध-अदेज्ज-लडह-सुजायसुविभत्त-कंत-सोभंत-रुइ-लरमणिज्जरोमराई गंगावत्त-पयाहिणावत्त-तरंगभंगुर - रविकिरण-तरुणबोहियआकोसायंतप-उम-गंभीर - वियडणाभा अणुब्भड -पसत्थ- पीणकुच्छी सण्णयपासा संगयपासा सुजायपासा मियमइयपीणरइयपासा अकरंडुय-कणगरुयगनिम्मलसुजाय-निरुवहयगायलट्ठी कंचणकल-सप्पमाण-समसहित-लट्ठ-चूचुयआमे-लग-जमलजुयल वट्टिय-अब्भुण्णयपीणरइपीवरपयो-हराओ गोपुच्छवट्टसम-संहिय-नमिय-आदेज्ज - ललियबाहा तंबा मंसलग्गहत्था
निद्धपाणिलेहा रवि-ससि संख-चक्क-सोत्थिय-विभत्तसुवि- रइयपाणि-लेहा पीणुण्णयक्ख-वक्ख-वत्थिप्पएसा पडिपुण्णगलकवोला चउरंगुल - सुप्पमाण-कंबुरवरिसगीवा मंसल - संठिय-पसत्थहणुगा दाडिमपुप्फप्पगासपीवरपलंगकुंचियवराधरा सुंदरुत्त-रोट्ठा दहिदगरय-चंदकुंदवासंतिमउलधवल-अच्छिद्दविमलदसणा रत्तुप्पलपत्त-मउयसुकुमाल कण-वीरम-उल-अकुडिलअब्भुग्गय-उज्जुतुंगणासा
भुंजगअणुपुव्वतणुयपीवरकोमलबरंगुलीया
सारदणवकमलकुमुयतुवलयविमलदलणियरसरिस लक्खणप-सत्थअजिम्हकंतना पत्तल-चवलायंततंबलोयणाओ आणामियचावरुइल- किण्ह-ब्भराइ-संगय-सुजाय-भुमगा अल्लीण पमाणजुत्तसवणा सुसवणा पीण-मट्ठ-गंडलेहा चउरंस-पसत्थ समणिडाला कोमुईरयणियर - विमलपडिपुन्नसोमवयणा छत्तुण्णउत्तिमंगा [दीपरत्नसागर संशोधितः ]
[10]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |