________________ उच्चत्तेणं केवइयं सव्वग्गेणं पन्नत्ते गोयमा जंबुद्दीवे दीवे एगं जोयणसयसहस्सं आयाम-विक्खंभेणं तिण्णि जोयणसय-सहस्साइं सोलस य सहस्साइं दोण्णि य सत्तावीसे जोयणसए तिण्णि य कोसे अट्ठावीसं च धणुस्सं तेरस य अंगुलाई अद्धंगुलं य किंचिविसेसाहियं परिक्खेवेणं एगं जोयणसहस्सं उव्वेहेणं नवणउइं जोयणसहस्साइं साइरेगाइं उड्ढं उच्चत्तेणं साइरेगं जोयणसयसहस्सं सव्वग्गेणं पन्नत्ते जंबुद्दीवे णं भंते दीवे, गोयमा सिय सासए सिय असासए से केणटेणं भंते एवं वुच्चइ० गोयमा दव्वट्ठयाए सासए वण्णपज्जवेहि गंध-रस-फास-पज्जवहिं असासए से तेणटेणं गोयमा एवं वच्चइ-सिय सासए सिय असासए गं भंते दीवे कालओ केवच्चिरं होड़ गोयमा न कयावि नासि न कयावि नत्थि न कयावि न भविस्सइ भुविं च भवइ य भविस्सइ य धुवे निइए सासए अक्खए अव्वए अवट्ठिए निच्चे जंबुद्दीवे दीवे पन्नत्ते / [363] जंबुद्दीवे णं भंते दीवे किं पुढविपरिणामे आउपरिणामे जीवपरिणामे पोग्गलपरिणामे गोयमा पुढविपरिणामेवि आउपरिणामेवि जीवपरिणामेवि पोग्गलपरिणामेवि जंबुद्दीवे णं भंते दीवे सव्वपाणा सव्वभूया सव्वजीवा सव्वसत्ता पुढविकाइयत्ताए आउकाइयत्ताए जाव वणस्सइकाइयत्ताए उववण्णपुव्वा हंता गोयमा असइं अदुवा अनंतखुत्तो / [364] से केणटेणं भंते एवं वुच्चइ-जंबुद्दीवे दीवे जंबुद्दीवे दीवे गोयमा जंबुद्दीवे णं दीवे तत्थ-तत्थ देसे तहिं-तहिं बहवे जंबूरुक्खा जंबूवणा जंबुवणसंडा निच्चं कुसुमिया जाव पडिमंजरिवडेंसगधरा सिरीए अईव-अईव उवसोभेमाणा-उवसोभेमाणा चिट्ठति जंबूए सुदंसणाए अणाढिए नामं देवे महिढिए जाव पलिओवमट्ठिईए परिवसइ से तेणटेणं गोयमा एवं वुच्चइ-जंबुद्दीवे दीवे जंबुद्दीवे दीवे | __ [365] तए णं समणे भगवं महावीरे मिहिलाए नयरीए माणिभद्दे चेइए बहूणं समणाणं बहूणं समणीणं बहूणं सावयाणं बहूणं सावियाणं बहूणं देवाणं बहूणं देवीणं मज्झगए एवमाइक्खइ एवं भासइ एवं पन्नवेइ एवं परूवेइ जंबुद्दीवपन्नत्ती नामं अज्जो अज्झयणे अटुं च हेउं च पसिणं च कारणं च वागरणं च भुज्जो-भुज्जो उवदंसेइ-त्ति बेमि / 0 मुनि दीपरत्नसागरेण संशोधितः सम्पादित्तश्च सत्तमो वक्खारो समत्तो . 18) जंबुद्दीवपन्नत्ती - सत्तम उवंग समत्तं Proof correction is not done दीपरत्नसागर संशोधितः] [121] [१८-जंबूद्दीवपन्नत्ति]
