Page Text
________________
[३५४] एवं भाणियव्वं जाव भावकेउस्स अग्गमहिसीओ ।
[३५५] चंदविमाणे णं भंते देवाणं केवइयं कालं ठिई पन्नत्ता गोयमा जहण्णेणं चउभागपलिओवमं उक्कोसेणं पलिओवमं वाससयसहस्समब्भहियं चंदविमाणे णं देवीणं जहण्णेणं चउभाग-पलिओवमं उक्कोसेणं अद्धपलिओवमं पन्नासाए वाससहस्सेहिमब्भहियं सुरविमाणे देवाणं जहण्णेणं चउब्भागपलिओवमं उक्कोसेणं पलिओवमं वाससहस्समब्भहियं सुरविमाणे देवीणं जहण्णेणं चउब्भापलि-ओवमं उक्कोसेणं अद्धपलिओवमं पंचहिं वाससएहिं अब्भहियं गहविमाणे देवाणं जहण्णेणं चउब्भाग-पलिओवमं उक्कोसेणं पलिओवमं गहविमाणे देवीणं जहण्णेणं चउब्भागपलओवमं उक्कोसेणं अद्धपलिओवमं नक्खत्तविमाणे देवाणं जहण्णेणं चउब्भागपलिओवमं उक्कोसेणं साहियं चउब्भागपलिओवमं ताराविमाणे देवाणं जहण्णेणं अट्ठभाग-पलिओवम उक्कोसेणं चउब्भागपलिओवमं ताराविमाणे देवीणं जहण्णेणं अट्ठभागपलिओवमं उक्कोसेणं साइरेगं अट्ठभागं पलिओवमं ।।
[३५६] बम्हा विण्हू य वसू वरुणे य अय विद्धी पूस आस जमे ।
अग्गि पयावइ सोमे रुद्दे अदिई वहस्सई सप्पे । [३५७] पिउ भग अज्जम सविया तट्ठा वा तहेव इंदग्गी ।
मित्ते इंदे निरई आऊ विस्सा य बोद्धव्वे । [३५८] इमा संगहणी गाहा |
[३५९] एएसि णं भंते चंदिम-सूरिय-गहगण-नक्खत्त-तारारूवाणं कयरे-कयरेहिंतो अप्पा वा बहुया वा तुल्ला वा विसेसाहिया वा गोयमा चंदिम-सूरिया दुवे तुल्ला सव्वत्थोवा नक्खत्ता संखेज्जगुणा गहा संखेज्जगुणा तारारूवा संखेज्जगुणा ।
___ [३६०] जंबुद्दीवे णं भंते दीवे जहण्णपए वा उक्कोसेपए वा केवइया तित्थयरा सव्वग्गेणं पन्नत्ता गोयमा जहण्णपए चत्तारि उक्कोसपए चोत्तीसं तित्थयरा सव्वग्गेणं पन्नत्ता जंबुद्दीवे णं भंते दीवे जहण्णपए वा उक्कोसपए वा केवइया चक्कवट्टी सव्वग्गेणं० जहण्णपए चत्तारि उक्कोसपए तीसं चक्कवट्टी सव्वग्गेणं पन्नत्ता बलदेवा तत्तिया चेव जत्तिया चक्कवट्टी वासुदेवावि तत्तिया चेव जंबुद्दीवे णं भंते दीवे केवइया निहिरयणा सव्वग्गेणं पन्नत्ता गोयमा तिण्णि छलुत्तरा निहिरयणसया सव्वग्गेणं पन्नत्ता जंबुद्दीवे णं भंते दीवे केवइया निहिरयणसया परिभोगत्ताए० जहण्णपए छत्तीसं उक्कोसपए दोणि
सत्तरा निहिरयणसया परिभोगत्ताए हव्वमागच्छति । वक्खारो-७
[३६१] जंबुद्दीवे णं भंते दीवे केवइया पंचिदियरयणसया सव्वग्गेणं पन्नत्ता गोयमा दो दसुत्तरा पंचिंदियरयणसया सव्वग्गेणं पन्नत्ता जंबुद्दीवे णं भंते दीवे जहण्णपए वा उक्कोसपए वा केवइया पंचिंदियरयणसया परिभोगत्ताए हव्वमागच्छंति गोयमा जहण्णपए अट्ठावीसं उक्कोसपए दोण्णि दसुत्तरा पंचिंदियरयणसया परिभोगत्ताए हव्वमागच्छंति जंबुद्दीवे णं भंते दीवे केवइया एगिदियरयणसया० दो दसुत्तरा एगिंदियरयणसया सव्वग्गेणं पन्नत्ता ।
[३६२] जंबुद्दीवे णं भंते दीवे केवइया एगिदियरयणसया परिभोगत्ताए हव्वमागच्छंति गोयमा जहण्णपए अट्ठावीसं उक्कोसेणं दोण्णि दसुत्तरा एगिंदियरयणसया परिभोगत्ताए हव्वमागच्छंति जंबुद्दीवे णं भंते दीवे केवइयं आयाम-विक्खंभेणं केवइयं परिक्खेवेणं केवइयं उव्वेहेणं केवइयं उड्ढं [दीपरत्नसागर संशोधितः]
[120]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |