Page Text
________________
तव
केसरवालिहराअणं ललंतथासगललाडवरभूसणाणं मुहमंडग-ओचू-लग-चामर-थासग-परिमंडियकडीणं णिज्जखुराणं तवणिज्जजीहाणं जाव परक्कमाणं महया हयहेसियाकिलकिलाइयरवेणं मणहरेणं पूरेंता अंबर दिसाओ य सोभयंता चत्तारि देवसाहस्सीओ हयरुवधारीमं देवाणं उत्तरिल्लं बाहं परिवहंति । [३४५] सोलसदेवसहस्सा हवंति चंदेसु चेव सूरेसु । अट्ठेव सहस्साइं एक्केकमी हविमाणे
|
[३४६] चत्तारि सहस्साइं नक्खत्तंमि य हवंति इक्किक्के । दो चेव सहस्साइं तारारूवेक्कमेक्कंमि |
[३४७] एवं सूरविमाणाणं जाव तारारूवविमाणाणं नवरं - एस देवसंघाए ।
[३४८] एएसि णं भंते चंदिम - सूरियगहगण - नक्खत्त- तारारूवाणं कयरे सव्वसिग्घगई कयरे सव्वसिग्घईतराए चेव गोयमा चंदेहिंतो सूरा सव्वसिग्घगई सूरेहिंतो गहा सिग्घगई गहेहिंतो नक्खा सिग्घई नक्खत्तेहिंतो तारारूवा सिग्घगई सव्वप्पगई चंदा सव्वसिग्घगई तारारूवा |
[३४९] एएसि णं भंते चंदिम - सूरिय- गहगण - नक्खत्त- तारारूवाणं कयरे सव्वमहिड्ढिया कयरे सव्वप्पिड्ढिया गोयमा तारारूवेहिंतो नक्खत्ता महिड्ढिया नक्खत्तेहिंतो गहा महिड्ढिया गहेहिंतो सूरिया महिड्ढिया सूरेहिंतो चंदा महिड्ढिया सव्वप्पिढिया तारारूवा सव्वमहिड्ढिया चंदा ।
[३५०] जंबुद्दीवे णं भंते दीवे ताराए य ताराए य केवइए अबाहए अंतरे पन्नत्ते गोयमा दुवि पन्नत्ते तं जहा - वाघाइए य निव्वाघाइए य निव्वाघाइए जहण्णेणं पंचधणुसयाइं उक्कोसेणं दो गाउयाइं वाधाइए जहण्णेणं दोण्णि छावट्ठे जोयणसए उक्कोसेणं बारस जोयणसहस्साइं दोण्णि य बायाले जोयणसए तारारूवस्स य तारारूवस्स य अबाहाए अंतरे पन्नत्ते ।
[३५१] चंदस्स णं भंते जोइसिंदस्स जोइसरण्मो कइ अग्गमहिसीओ पन्नत्ताओ गोयमा चत्तारि अग्गमहिसीओ पन्नत्ताओ तं जहा- चंदप्पभा दोसिणाभा अच्चिमाली पभंकरा तओ णं एगमेगा देवीए चत्तारि-चत्तारि देवीसहस्साइं परिवारो पन्नत्तो पभू णं ताओ एगमेगा देवी अण्णं देवीसहस्सं परिवारो विउव्वित्तए एवामेव सपुव्वावरेणं सोलस देवी सहस्सा सेत्तं तुडिए पभू णं भंते चंदे जोइसिंदे जोइसराया चंदवडेंसए विमाणे चंदाए रायहाणीए सभाए सुहम्माए तुडिएणं सद्धिं महयाहयणट्ट-गीय - दिव्वाइं जाव भोगभोगाइं भुंजमाणे विहरित्तए गोयमा नो इणट्ठे समट्ठे से केणट्टेणं भंते एवं वच्चइ-नो पभू विहरित्तए गोयमा चंदस्स जोइसिंदस्स जोइसरण्णो चंदवडेंसए विमाणे चंदाए रायहाणीए सभा सुहम्म वक्खारो-७
माणवए चेइयखंभे वइरामएस गोलवट्टसमुग्गएसु बहुओ जिण सकहाओ सण्णिक्खित्ताओ चिट्ठति ताओ णं चंदस्स जोइसिंदस्स जोइसरण्णो अण्णेसिं च बहूणं जोइसियाणं देवाणं य देवीण य अच्चणिज्जाओ व पज्जुवासणिज्जाओ से तेणट्टेणं गोयमा नो पभू पभू णं चंदे सभाए सुहम्माए चउहिं सामाणिय-साहस्सीहिं एवं जाव दिव्वाइं भोगभोगाई भुंजमाणे विहरित्तए केवलं परियारिड्ढीए नो चेव णं मेहुणवत्तियं विजया वेजयंति जयंति अपराजियासव्वेसिं गहाईणं एयाओ अग्गमहिसीओ वत्तव्वाओ इमाहि गाहाहिं- ।
[ ३५२ ] इंगालए वियालए लोहितक्खे सणिच्छरे चेव I
आहुणिए पाहुणिए कणगसणामा य पंचेव I
[ ३५३] सोमे सहिए आसासणे य कज्जोवए य कब्बडए । दुंदुभ संखसणामेवि तिण्णेव
अयकरए
I
[दीपरत्नसागर संशोधितः ]
[119]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |