Page Text
________________
धरणितलाउ अबाहा अंतो बाहि च उड्ढमहे । [३३५] संठाणं च पमाणं वहति सीहगई इढिमंता य ।
तारंतरग्गमहिसी तुडिय पहु ठिई य अप्पबहु । [३३६] अत्थि णं भंते चंदिमसूरियामं हिडिंपि तारारूवा अनुपि तुल्लावि समंपि तारारूवा अनुपि तुल्लावि उप्पिंपि तारारूवा अनुपि तुल्लावि हंता गोयमा तं चेव उच्चारेयव्वं ।
३३७] से केणदेणं भंते एवं वच्चड-अत्थि णं जहा- जहा णं तेसिं देवाणं तवणियमबंभचेराइ ऊसियाइं भवंति तहा-तहा णं तेसि णं देवाणं एवं पन्नायए तं जहा- अनुत्ते वा तुल्लत्ते वा जहा-जहा णं तेसिं देवाणं तव-नियम-बंभचेराइं नो ऊसियाई भवंति तहा-तहा णं तेसिं देवाणं एवं नो पन्नायए तं जहा- अनुत्ते वा तुल्लत्ते वा ।
_[३३८] एगमेगस्स णं भंते चंदस्स केवइया महग्गहा परिवारो केवइया नक्खत्ता परिवारो केवइया तारागणकोडाकोडीओ पन्नत्ताओ गोयमा अट्ठासीइमहग्गहा परिवारो अट्ठवीसं नक्खत्ता परिवारो छावट्ठिसस्साइं नव सया पन्नत्तरा तारागणकोडाकोडीणं पन्नत्ता |
[३३९] मंदरस्स णं भंते पव्वयस्स केवइयाए अबाहाए जोइसं चारं चरइ गोयमा एक्कारसहिं एक्कवीसेहिं जोयणसएहिं अबाहाए जोइसं चारं चरइ लोगंताओ णं भंते केवइयाए अबाहाए जोइसे पन्नत्ते गोयमा एक्कारस एक्कारसेहिं जोयणसएहिं अबाहाए जोइसे पन्नत्ते धरणितलाओ णं भंते सत्तहिं नउएहिं जोयणसएहिं जोइसे चारं चरइ एवं सूरविमाणे अट्ठहिं सएहिं चंदविमाणे अट्ठहिं असीएहिं उवरिल्ले तारारूवे नवहिं जोयण सएहिं चारं चरइ जोयसस्स णं भंते हेढिल्लाओ तलाओ केवइयं अबाहाए सूरविमाणे चारं चरइ गोयमा जसहिं जोयणेहिं अबाहाए चारं चरइ एवं चंदविमाणे नउईए जोयणेहिं चारं चरइ उवरिल्ले तारारूवे दसुत्तरे जोयणसए चार चरइ सूरविमाणाओ चंदविमाणे असीईए जोयणेहिं चारं चरइ सूरविमाणाओ जोयणसए उवरिल्ले तारारूवे चारं चरइ चंदविमाणाओ वीसाए जोयणेहिं उवरिल्ले तारारूवे चारं चरइ ।
[३४०] जंबुद्दीवे णं भंते दीवे अट्ठावीसाए नक्खत्ताणं कयरे नक्खत्ते सव्वब्भंतरिल्लं चारं वक्खारो-७
चरइ कयरे नक्खत्ते सव्वबाहिरं चारं चरइ कयरे नक्खत्ते सव्वहिडिल्लं चार चरइ कयरे नक्खत्ते सव्वउवरिल्लं चारं चरइ गोयमा अभिई नक्खत्ते सव्वभंतरं चारं चरइ मूलो सव्वबाहिरं चारं चरइ भरणी सव्वहिडिल्लगं चारं चरइ साई सव्वुवरिल्लं चारं चरइ, चंदविमाणे णं भंते किसंठिए पन्नत्ते गोयमा अद्धकविट्ठसंठाणसंठिए सव्वफालियामए अब्भुग्गयमूसियपहसिए एवं सव्वाइं नेयव्वाइं चंदविमाणे णं भंते केवइयं आयाम-विक्खंभेणं केवइयं बाहल्लेणं गोयमा ।
[३४१] छप्पन्नं खलु भाए विच्छिण्णं चंदमंडलं होइ ।
अट्ठावीसं भाए बाहल्लं तस्स बोद्धव्वं । [३४२] अडयालीसं भाए विच्छिण्णं सूरमंडलं होइ ।
चउवीसं खलु भाए बाहल्लं तस्स बोद्धव्वं । [३४३] दो कोसे य गहाणं नक्खत्ताणं त् हवइ तस्सद्धं ।
तस्सद्धं ताराणं तस्सद्धं चेव बाहल्लं ।
दीपरत्नसागर संशोधितः]
[117]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |