Page Text
________________
पुन्निमा जुत्तत्ति वत्तव्वं सिया मग्गसिरिण्णं भंते पुन्निमं किं कुलं तं चैव दो जोएड् नो भव कुलोवकुलं कुलं जोएमाणे मग्गसिर नक्खत्ते जोएइ उवकुलं जोएमाणे रोहिणी नक्खत्ते जोइ मग्गसिरिण्णं पुन्निमं जाव वत्तव्वं सिया, एवं सेसियाओवि जाव आसाढिं पोसिं जेट्टामूलिं च कुलं वा उवकुलं वा कुलोवकुलं वा सेसियाणं कुलं वा उवकुलं वा कुलोवकुलं न भण्णइ साविट्ठिण्णं भंते अमावसं कइ नक्खत्ता जोति गोयमा दो नक्खत्ता जोएंति तं जहा- अस्सेसा य महा य पोट्ठवइण्णं भंते अमावसं कइ नक्खत्ता जोएंति गोयमा दो नक्खत्ता जोएंति तं जहा- पुव्वाफग्गुणी उत्तराफग्गुणी य अस्सोइण्णं भंते दो-हत्थे चित्ता य कत्तिइण्णं दो-साई विसाहा य मग्गसिरिण्णं तिण्णि -अनुराहा जेट्ठा मूलो य पोसिण्णं दो-पुव्वासाढा उत्तरासाढा माहिण्णं तिण्णिअभिई सवणो धणइट्ठा फग्गुणिण्णं तिण्णि-सयभिसया पुव्वाभद्दवया उत्तराभद्दवया चेत्तिण्णं दोरेवई अस्सिणी य वइसाहिण्णं दो भरणी कत्तिया य जेट्टामूलिण्णं दो-रोहिणी मग्गसिरं च आसाढिण्णं- अद्या पुणव्वसू पुस्सो, साविट्ठिण्णं भंते अमावसं किं कुलं जोएइ अवकुलं जोएइ कुलोवकुलं जोएइ गोयमा कुलं वा जोएइ उवकुलं वा जोएइ नो लब्भइ कुलोवकुलं कुलं जोएमाणे महा नक्खत्ते जोएइ उवकुलं जोएमाणे अस्सेसा नक्खत्ते जोएड् साविट्ठिण्णं अमावसं कुलं वा जोएइ उवकुलं वा जोएइ कुलेण वा जुत्ता उवकुलेणं वा जुत्ता साविट्ठी अमावसा जुत्तत्ति वत्तव्वं सिया पोट्ठवइण्णं भंते अमावसं तं चेव दो जोएड् नो लब्भइ कुलोवकुलं कुलं जोएमाणे उत्तराफग्गुणी नक्खत्ते जोएइ उवकुलं जोएमाणे पुव्वाफग्गुणी नक्खत्ते जोएइ पोट्ठवइण्णं अमावसं जाव जुत्तत्ति वत्तव्वं सिया एवं माहीए फग्गुणीए आसाढीए कुलं वा उवकुलं वा कुलोवकुलं वा अवसेसियाणं कुलं वा उवकुलं वा जोड् जया णं भंते साविट्ठी पुन्निमा भवइ तया णं माही अमावसा भवइ जया णं माही पुन्निमा भवइ तया साविट्ठी अमावसा भवइ हंता गोयमा जया णं साविट्ठी तं चेव वत्तव्वं जया णं भंते पोट्ठवई पुन्निमा भवइ तया णं फग्गुणी अमावसा भवइ जया णं फग्गुणी पुन्निमा भवइ तया णं पोट्ठवई अमावसा भवइ हंता गोयमा तं चेव एवं एएणं अभिलावेणं इमाओ पुन्निमाओ अमावसाओ नेयव्वाओ - अस्सिणी पुन्निमा चेत्ती कत्तिगी
अमावसा
पुन्निमा
वइसाही
वक्खारो-७
अमावसा मग्गसिरी पुन्निमा जेट्ठामूली अमावसा पोसी पुन्निमा आसाढी अमावसा ।
[३३२] वासाणं भंते पढमं मासं कइ नक्खत्ता र्णेति गोयमा चत्तारि नक्खत्ता र्णेति तं जहा- उत्तरासाढा अभिई सवणो धणिट्ठा उत्तरासाढा चउद्दस अहोरत्ते नेइ अभिई सत्त अहोरत्ते नेई सवणो अट्ठ अहोरत्ते नेई धणिट्ठा एगं अहोरत्तं नेइ तंसि चं णं मासंसि चउरंगुलपोरिसीए छायाए सूरि अनुपरियदृइ तस्स णं मासस्स चरिमे दिवसे दो पया चत्तारि य अंगुला पोरिसी भवइ वासाणं भंते दोच्चं मासं कइ नक्खत्ता नेंति गोयमा चत्तारि तं जहाधणिट्ठा सयभिसया पुव्वाभद्दवया उत्तराभद्दा णं चउद्दस अहोरत्ते नेइ सयभिसया सत्त पुव्वाभद्दवया अट्ठ उत्तराभद्दवया एगं तंसि च णं मासंसि अट्टंगुलपोरिसीए छायाए सूरिए अनुपरियदृइ तस्स णं मासस्स चरिमे दो पया अट्ठ य अंगुला पोरिसी भवइ वासाणं भंते तइयं मासं कइ नक्खत्ता णेंति गोयमा तिण्णि नक्खत्ता णेंति तं जहा- उत्तराभद्दवया रेवई अस्सिणी उत्तराभद्दवया चउद्दस राइदिए नेइ रेवई पन्नरस अस्सिणी एगं तंसि णं मासंसि दुवालसंगुलपोरिसीए छायाए सूरिए अनुपरियट्टा तस्स णं मासस्स चरिमे दिवसे लेहट्ठाइं तिण्णि पयाई पोरिसी भवइ वासाणं भंते चउत्थं मासं कइ नक्खत्ता णेंति गोयमा तिण्णि तं जहा- अस्सिणी भरणी कत्तिया अस्सिणी चउद्दस भरणी पन्नरस कत्तियएगं तंसि च णं मासंसि सोलसंगुलपोरिसीए छायाए [दीपरत्नसागर संशोधितः]
[115]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |