Page Text
________________
[३२८] अवसेसा नक्खत्ता पन्नरसवि सूरसहगया जंति ।
बारस चेव मुहुत्ते तेरस य समे अहोरत्ते ।
[३२९] कइ णं भंते कुला कइ उवकुला कइ कुलोवकुला पन्नत्ता गोयमा बारस कुला बारस उवकुला चत्तारि कुलोवकुला पन्नत्ता बारस कुला तं जहा- धणिट्ठा कुलं उत्तरभद्दवया कुलं अस्सिणी कुलं कत्तिया कुलं मिगसिर कुलं पुस्सो कुलं मघा कुलं उत्तरफग्गुणी कुलं चित्ता कुलं विसाहा कुलं मूलो कुलं उत्तरासाढा कुलं ।
[३३०] मासाणं परिणामा होंति कुला उवकुला उ हेट्ठमगा । होंति पुण कुलोवकुला अभीइसय अद्द अनुराहा ।
[३३१] बारस उवकुला तं जहा- सवणो उवकुलं पुव्वभद्दवया उवकुलं रेवई उवकुलं भरणी उवकुलं रोहिणी उवकुलं पुणव्वसू उवकुलं अस्सेसा उवकुलं पुव्वफग्गुणी उवकुलं हत्थो उवकुलं साई उवकुलं जेट्ठा उवकुलं पुव्वासाढा उवकुलं चत्तारि कुलोवकुला तं जहा- अभिई कुलोवकुला सयभिसयाकुलोवकुला अद्दा कुलोवकुला अनुराहा कुलोवकुला कइ णं भंते पुन्निमाओ कइ अमावसाओ पन्नत्ताओ गोयमा बारस पुनिमाओ बारस अमावसाओ पन्नत्ताओ तं जहा- साविट्ठी पोट्ठवई आसोई कत्तिगी मग्गसिरी पोसी माही फग्गुणी चेत्ती वइसाही जेट्ठामूली आसाढी, साविट्ठिण्ण भंते पुन्निमासिं कइ नक्खत्ता जोगं जोति गोयमा तिण्णि नक्खत्ता जोगं जोएंति तं जहा - अभिइ सवणो धणिट्ठा पोट्ठवइण्णं भंते पुन्निमं क नक्खत्ता जोगं जोएंति गोयमा तिण्णि नक्खत्ता जोगं जोएति तं जहा - सयभिसया पुव्वभद्दवया उत्तरभद्दवया अस्सोइण्णं भंते पुण्णिमं कइ नक्खत्ता जोगं जोएंति गोयमा दो नक्खत्ता जोगं जोएंति तं जहा- रेवई अस्सिणी य कत्तिइण्णं दो-भरणी कत्तिया मग्गसिरिण्णं दो-रोहिणी मग्गसिरं च पोसिण्णं तिण्णि-अद्दा पुणव्वसू पुस्सो माघिण्णं दो-अस्सेसा मघा य फग्गुणिण्णं दो-पुव्वाफग्गुणी उत्तराफग्गुणी य चेत्तिणं
दो
वक्खारो-७
हत्थो चित्ता य विसाहिण्णं दो-साई विसाहा य जेट्ठामूलिण्णं तिण्णि - अनुराहा जेट्ठा मूलो आसाढण्णं दोपुव्वासाढा उत्तरासाढा साविट्ठिण्णं भंते पुन्निमं किं कुलं जोएइ उवकुलं जोएइ कुलोवकुलं जोएइ गोयमा कुलं वा जोएइ उवकुलं वा जोएइ कुलोवकुलं वा जोएइ कुलं जोएमाणे धणइट्ठा नक्खत्ते जोएइ उवकुलं जोएमाणे सवणे नक्खत्ते जोएइ कुलोकुलं जोएमाणे अभिई नक्कत्ते जोएइ साविट्ठिण्णं पुन्निमासिं कुलं वा जोएइ उवकुलं वा जोएइ कुलोवकुलं वा जोएइ कुलेणं वा जुत्ता उवकुलेणं वा जुत्ता कुलोवकुलेणं वा जुत्ता साविट्ठी पुन्निमा जुत्तत्ति वत्तव्वं सिया पोट्ठवइण्णं भंते पुन्निमं किं कुलं जोएइं पुच्छा गोयमा कुलं वा उवकुलं वा कुलोवकुलं वा जोएइ कुलं जोएमाणे उत्तरभद्दवया नवखत्ते जोएइ पोट्ठवइण्णं पुन्निमं कुलं वा जोएइ जाव कुलोवकुलं वा जोएइ कुलेण वा जुत्ता जाव कुलोवकुलेण वा जुत्ता पोट्ठवई पुन्नमासी जुत्तति वत्तव्वं सिया अस्सोइण्णं भंते पुच्छा गोयमा कुलं वा जोएइ उवकुलं वा जोएइ नो लब्भइ कुलोवकुलं कुलं जोएमाणे अस्सिणी नक्खत्ते जोएइ उवकुलं जोएमाणे रेवई नक्खत्ते जोएइ अस्सोइण्णं पुन्निमं कुलं वा जोएइ उवकुलं वा जोएइ कुलेण वा जुत्ता उवकुलेणं वा जुत्ता अस्सोई पुन्निमा जुत्त वत्तव्वं सिया कत्तिइण्णं भंते पुन्नियं किं कुलं पुच्छा गोयमा कुलं वा जोएइ उवकुलं वा जोएइ नो कुलोवकुलं जोएड् कुलं जोएमाणे कत्तिया नक्खत्ते जोएइ उवकुलं जोएमाणे भरणी नक्खत्ते जोएइ कत्तिइण्णं पुन्निमं कुलं वा जोएइ उवकुलं वा जोएइ कुलेणं वा जुत्ता उवकुलेणं वा जुत्ता कत्तिई [दीपरत्नसागर संशोधितः ]
[114]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |