Page Text
________________
मंदरस्स पव्वयस्स केवइयं अबाहाए अब्भंतरतच्चे चंदमंडले पन्नत्ते गोयमा चोयालीसं जोयणसहस्साई अट्ठ य बाणउए जोयणसए एगावण्णं च एगसहिभाए जोयणस्स एगसट्ठिभागं च सत्तहा छेत्ता एगं चुण्णियाभागं अबाहाए अब्भंतरतच्चे चंदमंडले पन्नत्ते एवं खलु एएणं उवाएणं निक्खममाणे चंदे तयणंतराओ मंडलाओ तयणंतरं मंडलं संकममाणे-संकममाणे छत्तीसं-छत्तीसं जोयणाइं पणवीसं च एगसद्विभाए जोयणस्स एगसट्ठिभागं च सत्तहा छेत्ता चत्तारि चुण्णियाभाए एगमेगे मंडले अबाहाए वुढं
। सव्वबाहिरं मंडलं उवसंकमित्ता चारं चरइ जंबुद्दीवे णं भंते दीवे मंदरस्स पव्वयस्स केवइयं अबाहाए सव्वबाहिरे चंदमंडले पन्नत्ते गोयमा पणयालीसं जोयणसहस्साइं तिण्णि य तीसे जोयणसए अबाहाए सव्वबाहिरए चंदमंडले पन्नत्ते जंबुद्दीवे णं भंते दीवे मंदरस्स पव्वयस्स केवइयं अबाहाए बाहिराणंतरे चंदमंडले पन्नत्ते गोयमा पणयालीसं जोयणसहस्साइं दोण्णि य तेणउए जोयणसए पणतीसं च एगसट्ठियाए जोयणस्स एगसद्विभागं च सत्तहा छेत्ता तिण्णि चुण्णियाभाए अबाहाए बाहिराणंतरे चंदमंडले पन्नत्ते जंबुद्दीवे णं भंते दीवे मंदरस्स पव्वयस्स केवइयं अबाहाए बाहिरतच्चे चंदमंडले पन्नत्ते गोयमा पणयालीसं जोयणसहस्साइं दोण्णि य सत्तावण्णे जोयणसए नव य एगसट्ठिभाए जोयणस्स एगसहिभागं च सत्तहा छेत्ता छ चुण्णियाभाए अबाहाए बाहिरतच्चे चंदमंडले पन्नत्ते एवं खलु एएणं उवाएणं पविसमाणे चंदे तयणंतराओ मंडलाओ तयणंतरं मंडलं संकममाणे-संकममाणे छत्तीसंछत्तीसं जोयणाइं पणवीसं च एगसहिभाए जोयणस्स एगसहिभागं च सत्तहा छेत्ता चत्तारि चुण्णियाए एगमेगे मंडले अबाहाए वुढिं निवड्ढेमाणे-निवड्ढेमाणे सव्वब्भंतरं मंडलं उवसंकमित्ता चारं चरइ । वक्खारो-७
[२७४] सव्वब्भंतरे णं भंते चंदमंडले केवइयं आयाम-विक्खंभेणं केवइयं परिक्खेवणं० नउणउइं जोयणसहस्साई छच्चचत्ताले जोयणसए आयाम-विक्खंभेणं तिण्णिं य जोयणसहस्साइं पन्नरस जोयणसयसहस्साइं अउणाणउइं च जोयणाइं किंचिविसेसाहिए परिक्खेवेणं पन्नत्ते अब्भंतराणंतरे सा चेव पुच्छा गोयमा नवणउइं जोयणसहस्साइं सत्त य बारसुत्तरे जोयणसए एगावण्णं च एगसट्ठिभागे जोयणस्स एगसट्ठिभागं च सत्तहा छेत्ता एगं ग्णयाभागं आयामविक्खंभेणं तिण्णि य जोयणसयसहस्साइं पन्नरस सहस्साइं तिण्णि य एगूणवीसं जोयणसए किंचिविसेसाहिए परिक्खेवेणं अब्भंतरतच्चे णं जाव पन्नत्ते गोयमा नवणउइं जोयणसहस्साइं सत्त य पंचासीए जोयणसए इगतालीसं च एगसट्ठिभाए जोयणस्स एगसहिभागं च सत्तहा छेत्ता दोण्णि य चुण्णियाभाए आयाम-विक्खंभेणं तिण्णि य जोयणसयसहस्साइं पन्नरस जोयण-सहस्साइं पंच य इगुणापन्ने जोयणसए किंचिविसेसाहिए परिक्खेवेणं एवं खलु एएणं उवाएणं निक्खममाणे चंदे जाव संकममाणे-संकममाणे बावत्तरि-बावतत्तरिं जोयणाइं एगावण्णं च एगसद्विभाए जोयणस्स एगसद्विभागं च सत्तहा छेत्ता एगं च चुण्णियाभागं एगमेगे मंडले विक्खंभवुढिं अभिवड्ढेमाणे-अभिवड्ढेमाणे दो-दो तीसाइं जोयणसयाइं परिरयवुढिं अभिवड्ढेमाणेअभिवड्ढेमाणे सव्वबाहिरं मंडलं उवसंकमित्ता चारं चरइ, सव्वबाहिरए णं भंते चंदमंडले केवइयं आयामविक्खंभेणं केवइयं परिक्खेवेणं० एगं जोयणसयसहस्सं छच्चसटे जोयणसए आयाम-विक्खंभेणं तिण्णि य जोयणसय-सहस्साइं अट्ठारस सहस्साइं तिण्णि य पन्नरसुत्तरे जोयणसए परिक्खेवेणं, बाहिराणंतरे णं पच्चा गोयमा एग जोयणसयसहस्सं पंच सत्तासीए जोयणसए नव य एगसद्विभाए जोयणस्स एगसद्विभाग च सत्तहा छेत्ता छ चुण्णियाभाए आयामविक्खंभेणं तिण्णि य जोयणसयसहस्साइं अट्ठारस सहस्साइं पंचासीइं च जोयणाइं परिक्खेवेणं, बाहिरतच्चे णं भंते चंदमंडले जाव पन्नत्ते गोयमा एगं
[दीपरत्नसागर संशोधितः]
[106]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |