Page Text
________________
जोयणसयसहस्सं पंच य चउदसुत्तरे जोयणसए एगूणवीसं च एसद्विभाए जोयणस्स एगसट्ठिभागं च सत्तहा छेत्ता पंच चुण्णियाभाए आयाम-विक्खंभेणं तिण्णि य जोयणसयसहस्साइं सत्तरस सहस्साइं अट्ठ य पणपन्ने जोयणसए परिक्खेवेणं एवं खलु एएणं उवाएणं पविसमाणे चंदे जाव संकममाणे-संकममाणे बावत्तरिं-बावत्तरि जोयणाई एगावण्णं च एगसद्विभाए जोयणस्स एगसद्विभागं च सत्तहा छेत्ता एगं चुण्णियाभागं एगमेगे मंडले विक्खंभवुढिं निवड्ढेमाणे-निवड्ढेमाणे दो-दो तीसई जोयणसयाइं परिरयवुढं निवड्ढेमाणे-निवड्ढेमाणे सव्वब्भंतरं मंडलं उवसंकमित्ता चारं चरइ ।।
२७५] जया णं भंते चंदे सव्वब्भंतरमंडलं उवसंकमित्ता चारं चरइ तया णं एगमेगेणं मुत्तेणं केवइयं खेत्तं गच्छड़ गोयमा पंच जोयणसहस्साइं तेवत्तरिं च जोयणाई सत्तत्तरिं च चोयाले भागसए गच्छड़ मंडलं तेरसहिं सहस्सेहिं सत्तहिं य पणवीसेहिं सएहिं छेत्ता तया णं इहगयस्स मणूसस्स सीयालीसाए जोयणसहस्सेहिं दोहि य तेवढेहिं जोयणसएहिं एगवीसाए य सभाएहिं जोयणस्स चंदे चक्खुप्फासं हव्वमागच्छड़ जया णं भंते चंदे अब्भंतराणंतरं मंडलं उवसंकमित्ता चारं चरइ जाव केवइयं खेत्तं गच्छइ गोयमा पंच जोयणसहस्साइं सत्तत्तरिं च जोयणाइं छत्तीसं च चोवत्तरे भागसए गच्छइ मंडलं तेरसहिं जाव छेत्ता जया णं भंते चंदे अब्भंतरतच्चं मंडलं उवसंकमित्ता चारं चरइ तया णं एगमेगेण णं केवइयं खेत्तं गच्छड़ गोयमा पंच जोयणसहस्साइं असीइं च जोयणाई तेरस य भागसहस्साइं तिण्णि य एगूणतीसे भागसए गच्छइ मंडलं तेरसहिं जाव छेत्त एवं खलु एएणं उवाएणं निक्खममाणे चंदे तयणंतराओ जाव संकममाणे तिण्णि-तिण्णि जोयणाई छण्णउइं च पंचावण्णे भागसए एगमेगे
मंडले वक्खारो-७
महत्तगई अभिवड्ढेमाणे-अभिवड्ढेमाणे सव्वबाहिरं मंडलं उवसंकमित्ता चारं चरइ जया णं भंते सव्वबाहिरं मंडलं उवसंकमित्ता चारं चरइ तया णं एगमेगेणं मुहुत्तेणं केवइयं खेत्तं गच्छइ गोयमा पंच जोयणसहस्साइं एगं च पणवीसं जोयणसयं अउणत्तरिं च नउए भागसए गच्छड़ मंडलं तेरसहिं भागसहस्सेहिं सत्तहि य जाव छेत्ता तया णं इहगयस्स मणूसस्स एक्कतीसाए जोयणसहस्सेहिं अट्ठहि य एगत्तीसेहिं जोयणसएहिं चंदे चक्खुप्फासं हव्वमागच्छड़ जया णं भंते बाहिराणंतरं पुच्छा गोयमा पंचजोयणसहस्साई एक्कं च एक्कवीसुत्तरं जोयणसयं एक्कारसय य सढे भागसहस्से गच्छद मंडलं तेरसहिं जाव छेत्ता जया णं भंते बाहिरतच्चं पुच्छा गोयमा-पंचजोयणसहस्साइं एगं च अट्ठारसुत्तरं जोयणसयं चोद्दस य पंतुत्तरे भागसए गच्छड़ मंडलं तेरसहिं सहस्सेहिं सत्तहिं पणवीसेहिं सएहिं छेत्ता एवं खलु एएणं उवाएणं जाव संकममाणे-संकममाणे तिण्णि-तिण्णि जोयणाई छण्णउइं च पंचावण्णे भागसए एगमेगे मंडले मुहत्तगई निवड्ढेमाणे-निवड्ढेमाणे सव्वब्भंतरं मंडलं उवसंकमित्ता चारं चरइ ।
[२७६] कइ णं भंते नक्खत्तमंडला पन्नत्ता गोयमा अट्ठ नक्खत्तमंडला पन्नत्त जंबुद्दीवे णं भंते दीवे केवइयं ओगाहित्ता केवइया नक्खत्तमंडला पन्नत्ता गोयमा जंबुद्दीवे दीवे असीयं जोयणसयं ओगाहेत्ता एत्थ णं दो नक्खत्तमंडला पन्नत्ता लवणे णं भंते समुद्दे केवइयं ओगाहेत्ता केवइयं नक्खत्तमंडला पन्नत्ता गोयमा लवणे णं समुद्दे तिणि तीसे जोयणसए ओगाहित्ता एत्थ णं छ नक्खत्तमंडला पन्नत्ता एवामेव सपुव्वावरेणं जंबुद्दीवे दीवे लवणसमुद्दे अट्ठ नक्खत्तमंडला भवंतीतिमक्खायं सव्वब्भंतराओ णं भंते नक्खत्तमंडलाओ केवइयं अबाहाए सव्वबाहिरए नक्खत्तमंडले पन्नत्ते गोयमा
जोयणसए अबाहाए सव्वबाहिरए नक्खत्तमंडले पन्नत्ते नक्खत्तमंडलस्स णं
[दीपरत्नसागर संशोधितः]
[107]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |