Page Text
________________
[२६२] तया णं भंते किंसंठिया अंधयारसंठिई पन्नत्ता गोयमा उड्ढीमुहकलंबुयापुप्फसंठाणसंठिया अंघयारसंठिई पन्नत्ता-अंतो संकुया बाहिं वित्थडा तं चेव जाव तीसे णं सव्वब्भंतरीया बाहा मंदरप-व्वयंतेणं छज्जोयणसहस्साइं तिण्णि य चउवीसं जोयणसए छच्च दसभाए जोयणस्स परिक्खेवेणं से णं भंते परिक्खेवविसेसे कओ आहिएति वएज्जा गोयमा जे णं मंदरस्स पव्वयस्स परिक्खेवे तं परिक्खेवं दोहिं गुणेत्ता दसहिं छेत्ता दसहिं भागे हीरमाणे एस णं परिक्खेवविसेसे आहिएति वएज्जा तीसे णं सव्वबाहिरिया बाहा लवणसमुदंतेणं तेसट्ठी जोयणसहस्साइं दोण्णि य पणयाले जोयणसए छच्च दसभाए जोयणस्स परिक्खेवेणं से णं भंते परिक्खेवविसेसे कओ आहिएति वएज्जा गोयमा जे णं जंबुद्दीवस्स दीवस्स परिक्खेवेणं से णं भंते परिक्खेवविसेसे कओ आहिएति वएज्जा गोयमा जे णं जंबुद्दीवस्स दीवस्स परिक्खेवे तं परिक्खेवं दोहिं गुणेत्ता जाव तं चेव तया णं भंते अंधयारे केवइए आयामेणं पन्नत्ते गोयमा अट्टहत्तरि जोयणसहस्साइं तिण्णि य तेत्तीसे जोयणसए जोयणतिभागं च आयामेणं पन्नत्ते जया णं भंते सूरिए सव्वबाहिरमंडलं उवसंकमित्ता चारं चरइ तया णं किंसंठिया तावक्खेत्तसंठिई पन्नत्ता गोयमा उड्ढीमुहकलंबुयापुप्फसंठाणसंठिया पन्नत्ता तं चेव सव्वं नेयव्वं नवरं नाणत्तं-जं अंधयारसंठिईए पुव्ववण्णियं पमाणं तं तावखेत्तसंठिईए नेयव्वं जं तावखेत्तसंठिईए पुव्ववण्णियं पमाणं तं अंधयारसंठिईए नेयव्वं ।
[२६३] जंबुद्दीवे णं भंते दीवे सूरिया उग्गमणमुहुत्तंसि दूरे य मूले य दीसंति मज्झंतियवक्खारो-७
मुहुत्तंसि मूले य दूरे य दीसंति अत्थमणमुहत्तंसि दूरे य मूले य दीसंति हंता गोयमा तं चेव जाव दीसंति जंबुद्दीवे णं भंते दीवे सूरिया उग्गमणमुहत्तंसि या मज्झंतियमुहत्तंसि या अत्थमणमुहत्तंसि जाव या अत्थमणमुहत्तंसि या सव्वत्थ समा उच्चत्तेणं कम्हा णं भंते जंबुद्दीवे दीवे सूरिया उगमणमुहत्तंसि दूरे य मूले य दीसंति जाव अत्थमणमुहुत्तंसि दूरे य मूले य दीसंति गोयमा लेसापडिघाए णं उग्गमणमुहुत्तंसि दूर य मूले य दीसंति लेसाहितावेणं मज्झंतियमुहुत्तंसि मूले य दूरे य दीसंति लेसापडिधाएणं अत्थमणमुहुत्तंसि दूरे य मूले य दीसंति एवं खलु तं चेव जाव दीसंति ।
[२६४] जंबुद्दीवे णं भंते दीवे सूरिया किं तीतं खेत्तं गच्छंति पडुप्पण्णं खेत्तं गच्छंति अणागयं खेत्तं गच्छंति गोयमा नो तीतं खेत्तं गच्छंति पड़प्पन्नं खेत्तं गच्छंति नो अणागयं खेत्तं गच्छंति तं भंते किं पुढे गच्छंति जाव नियमा छद्दिसिं एवं ओभासेंति तं भंते किं पुढे ओभासेंति एव आहारपयाइं नेयव्वाइं पुट्ठोगाढमणंतर-अणु-मह-आइ-विसयाणुपुव्वी य जाव नियमा छद्दिसिं एवं उज्जोवेंति तवेंति पभाति ।
[२६५] जंबुद्दीवे णं भंते दीवे सूरियाणं किं तीए खेत्ते किरिया कज्जइ पड़प्पन्ने खेत्ते किरिया कज्जइ अणागए खेत्ते किरिया कज्जइ गोयमा नो तीए खेत्ते किरिया कज्जइ पड़प्पन्ने खेत्ते किरिया कज्जइ नो अमागए खेत्ते किरिया कज्जइ सा भंते किं पुट्ठा कज्जइ अपुट्ठा कज्जइ गोयमा पुट्ठा कज्जइ नो अपुट्ठा कज्जइ जाव नियमा छद्दिसिं ।
[२६६] जंबुद्दीवे णं भंते दीवे सूरिया केवइयं खेत्तं उड्ढं तवयंति अहे तिरियं च गोयमा एगं जोयणसयं उड्ढं तवयंति अट्ठारस जोयणसयाइं अहे तवयंति सीयालीसं जोयणसहस्साइं दोण्णि य तेवढे जोयणसए एगवीसं च सद्विभाए जोयणस्स तिरियं तवयंति ।
दीपरत्नसागर संशोधितः]
[104]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |