Page Text
________________
रयणिखेत्तस्स अभिवड्ढेत्ता चारं चरइ जया णं भंते सूरिए सव्वबाहिरं मंडलं उवसंकमित्ता चारं चरड़ णं केमहालए दिवसे केमहालया राई भवई गोयमा तया णं उत्तमकट्ठपत्ता उक्कोसिया अट्ठारसमुहुत्ता राई भवई जहण्णए दुवालसमुहुत्ते दिवसे भवइ एस णं पढमे छम्मासे एस णं पढमस्स छम्मासस्स पज्जवसाणे से पविसमाणे सूरिए दोच्चं छम्मासे अयमाणे पढमंसि अहोरत्तंसि बाहिराणंतरं मंडलं उवसंकमित्ता चारं चरइ जया णं भंते सूरिए बाहिराणंतरं मंडलं उवसंकमित्ता चारं चरइ तया णं महाल दिवसे केमहालया राई भवइ गोयमा अट्ठारसमुहुत्ता राई भवइ दोहिं एगसट्ठिभागमुहुत्तेहिं ऊणा दुवालसमुहुत्ते दिवसे भवइ दोहिं एगसट्ठिभागमुहुत्तेहिं अहिए से पविसमाणे सूरिए दोच्चंसि अहोरत्तंसि बाहिरतच्चं मंडलं उवसंकमित्ता चारं चरइ जया णं भंते सूरिए बाहिरतच्चं मंडलं उवसंकमित्ता चारं चरइ तया णं केमहाल दिवसे केमहालया राई भवई गोयमा तया णं अट्ठारसमुहतात राई भवइ हिं एगसट्ठिभागमुहुत्तेहिं ऊणा दुवालस मुहुत्ते दिवसे भवइ चउहिं एगसट्ठि-भागमुहुत्तेहिं अहिए एवं खलु एएणं उवाएणं पविसमाणे सूरिए तयणंतराओ तयणंतरं मंडलं संकममाणे - संकममाणे दो-दो एगसट्ठिभागमुहु एगमेगे मंडले रयणिखेत्तस्स निवड्ढेमाणेनिवड्ढेमाणे दिवसखेत्तस्स अभिवड्ढेमाणे- अभिवड्ढेमाणे सव्वब्भंतरं उवसंकमित्ता
चारं
वक्खारो-७
मंडलं
चरइ जया णं सूरिए सव्वाबाहिराओ मंडलाओ सव्वब्भंतरं मंडलं उवसंकमित्ता चारं चरइ तया णं सव्वबाहिरं मंडलं पणिहायं एगेणं तेसीएणं राइंदियसएणं तिण्णि छावट्ठे एगसट्ठिभागमुहुत्तस रयणइखेत्तस्स निवड्ढेत्ता दिवसखेत्तस्स अभिवड्ढेत्ता चारं चरइ एस णं दोच्चे छम्मासे एस णं दोच्चस्स छम्मासस्स पज्जवसाणे एस णं आइच्चे संवच्छरे एस णं आइच्चस्स संवच्छरस्स पज्जवसाणे पन्नत्ते ।
[२६०] जया णं भंते सूरिए सव्वब्भंतरं मंडलं उवसंकमित्ता चारं चरइ तया णं किसंठिया तावखेत्तसंठिई॰ उड्ढीमुहकलंबुयापुप्फसंठाणसंठिया तावखेत्तसंठिई पन्नत्ता - अंतो संकुया बाहिं वित्थडा अंत वट्टा बाहिं पिहुला अंतो अंकमुहसंठिया बाहिं सगडुद्धीमुहसंठिया उऊभओ पासेणं तीसे दो बाहाओ अवट्ठियाओ हवंति-पणयालीसं पणयालीसं जोयणसहस्साइं आयामेणं दुवे य णं तीसे बाहाओ अणवट्ठियाओ हवंति तं जहा- सव्वब्भंतरिया चेव बाहा सव्वबाहिरिया चेव बाहा तीसे णं सव्वब्भंतरिया बाहा मंदरपव्वयंतेणं नव जोयणसहस्साइं चत्तारि छलसीए जोयणसए नव य दंसभाए जोयणस्स परिक्खेवेणं एस णं भंते परिक्खेवविसेसे कओ आहिएति० जे णं मंदरस्स पव्वयस्स परिक्खेवे तं परिक्खेवं तिहिं गुणेत्ता दसहिं छेत्ता दसहिं भागे हीरमाणे एस णं परिक्खेवविसेसे आहिएति वएज्जा तीसे णं सव्वाहिरिय बाहा लवणसमुद्दंतेणं चउणवई जोयणसहस्साइं अट्ठ य अट्ठसट्ठे जोयणसए चत्तारि य दसभाए जोयणस्स परिक्खेवेणं से णं भंते परिक्खेवविसेसे कओ आहिएति० जे णं जंबुद्दीवस्स दीवस्स परिक्खेवे तं परिक्खेवं तिहिं गुणेत्ता दसहिं छेत्ता दसहिं भागे हीरमाणे एस परिक्खेवविसेसे आहिएति वएज्जा तया णं भंते तावखेत्ते केवइयं आयामेणं० अट्ठहत्तरं जोयणसहस्साइं तिण्णि य तेत्तीसे जोयणसए जोयणतिभागं च आयामेणं पन्नत्ते ।
[ २६१] मेरुस्स मज्झयारे जाव य लवणस्स रुंदछब्भागे ।
तावायामो
एसो
नियमा
I
[दीपरत्नसागर संशोधितः ]
[103]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |