Page Text
________________
पुरिसच्छायं निवड्ढेमाणे-निवड्ढेमाणे सव्वबाहिरं मंडलं उवसंकमित्ता चारं चरइ जया णं भंते सूरिए सव्वाबाहिरमंडलं उवसंकमित्ता चारं चरइ तया णं एगमेगेणं मुहुत्तेणं केवइयं खेत्तं गच्छइ गोयमा पंचपंच जोयणसहस्साइं तिण्णि य पंचुत्तरे जोयणसए पन्नरस य सद्विभाए जोयणस्स एगमेगेणं मुहुत्तेणं गच्छड़ तया णं इहगयस्स मणूसस्स एगतीसाए जोयणसहस्सेहिं अट्ठहिं य एगत्तीसेहिं जोयणसएहिं तीसाए य सट्टिभाएहिं जोयणस्स सूरिए चक्खुप्फासं हव्वमागच्छइ एस णं पढमे छम्मासे एस णं पढमस्स छम्मास्स पज्जवसाणे से पविसमाणे सूरिए दोच्चे छम्मासे अयमाणे पढमंसि अहोरत्तंसि बाहिराणंतरं मंडलं उवसंकमित्ता चारं चरइ जया णं भंते सूरिए बाहिराणंतरं मंडलं उवसंकमित्ता चारं चरइ तया णं एगमेगेणं मुहुत्तेणं केवइयं खेत्तं गच्छड़ गोयमा पंच-पंच जोयणसहस्साई तिण्णि य चउरुत्तरे जोयणसए सत्तावण्णं च सट्ठिभाए जोयणस्स एगमेगेणं मुहुत्तेणं गच्छइ तया णं इहगयस्स मणूसस्स एगत्तीसाए जोयणसहस्सेहिं नवहि य सोलसुत्तरेहिं जोयणसएहिं इगुणालीसाए य सद्विभाएहिं जोयणस्स सहिभागं च एगसट्टिहा छेत्ता सट्ठीए चुण्णियाभागेहिं सूरिए चक्खुप्फासं हव्वमागच्छड़ से पविसमाणे सूरिए दोच्चंसि अहोरत्तंसि
बाहिरतच्चं वक्खारो-७
मंडसं उवसंकमित्ता चारं चरइ जया णं भंते सूरिए बाहिरतच्चं मंडलं उवसंकमित्ता चारं चरइ तया णं एगमेगेणं महत्तेणं केवइयं खेत्तं गच्छइ गोयमा पंच-पंच जोयणसहस्साई तिण्णि य चउरुत्तरे जोयणसए इगुणालीसं च सद्विभाए जोयणस्स एगमेगेणं मुहुत्तेणं गच्छइ तया णं इहगयस्स मणूसस्स एगाहिएहिं बत्तीसाए जोयणसहस्सेहिं एगूणपन्नाए य सद्विभाएहिं जोयणस्स सद्विभागं च एगसहिहा छेत्ता तेवीसाए चुण्णियाभाएहिं सूरिए चक्खुप्फासं हव्वमागच्छइ एवं खलु एएणं उवाएणं पविसमाणे सूरिए तयणंतराओ मंडलाओ तयणंतरं मंडलं संकममाणे-संकममाणे अट्ठारस-अट्ठारस सद्विभाए जोयणस्स एगमेगे मंडले मुहुत्तगइ निवड्ढेमाणे-निवड्ढेमाणे सव्वब्भंतरं मंडलं उवसंकमित्ता चारं चरइ एस णं दोच्चे छम्मासे एस णं दोच्चस्स छम्मासस्स पज्जवसाणे एस णं आइच्चे संवच्छरे एस णं आइच्चस्स संवच्छरस्स पज्जवसाणे पन्नत्ते ।
[२५९] जया णं भंते सूरिए सव्वब्भंतरं मंडलं उवसंकमित्ता चारं चरइ तया णं केमहालए दिवसे केमहालया राई भवि गोयमा तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ जहणिया दुवालसमुहुत्ता राई भवइ से निक्खममाणे सूरिए नवं संवच्छरं अयमाणे पढमंसि अहोरत्तंसि अब्भंतराणंतरं मंडलं उवसंकमित्ता चारं चरइ जया णं भंते सूरिए अब्भंतराणंतरं मंडलं उवसंकमित्ता चारं चरइ तया णं केमहालए दिवसे केमहालया राई भवइ गोयमा तया णं अट्ठारसमुहत्ते दिसे भवइ दोहिं एगसद्विभागमुहुत्तेहिं ऊणे दुवालसमुहुत्ता राई भवइ दोहि य एगसट्टिभागमुहुतेतहिं अहिया से निक्खममाणे सूरिए दोच्चंसि अहोरत्तंसि जाव चारं चरइ तया णं केमहालए दिवसे केमहालया राई भवइ गोयमा तया णं अट्ठारसमुहुत्ते दिवसे भवइ चउहिं एगसहिभागमुहुत्तेहिं ऊणे दुवालसमुहुत्ता राई भवइ चउहिं एगसद्विभागमुहुत्तेहिं अहिया एवं खलु एएणं उवाएणं निक्खममाणे सूरिए तयणंतराओ मंडलाओ तयणंतरं मंडलं संकममाणे-संकममाणे दो-दो एगसद्विभागमुहुत्ते मंडले दिवसखेत्तस्स निवड्ढेमाणे-निवड्ढेमाणे रयणिखेत्तस्स अभिवड्ढेमाणे-अभिवड्ढेमाणे सव्वबाहिरं मंडलं उवसंकमित्ता चारं चरइं जया णं सूरिए सव्वब्भंतराओ मंडलाओ सव्वबाहिरं मंडलं उवसंकमित्ता चारं चरइ तया णं सव्वब्भंतरमंडलं पणिहायं एगेणं तेसीएणं राइंदियसएणं तिण्णि छावढे एगसद्विभागमहत्तसए दिवसखेत्तस्स निवडढेत्ता [दीपरत्नसागर संशोधितः]
[102]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |