________________
कामभोगे पच्चणुभवमाणे विहरेज्जा ता से णं पुरिसे विउसमणकालसमयंसि केरिसयं साता-सोक्खं पच्चणुभवमाणे विहरति ओरालं समणाउसो ता तस्स णं पुरिसस्स कामभोगेहिंतो एते अनंतगुणविसिहतरा चेव वाणमंतराणं देवाणं कामभोगा वाणमंतराणं देवाणं कामभोगेहितो अनंतगुण-विसिद्वतरा चेव असुरिंदवज्जियाणं भवणवासीणं देवाणं कामभोगा असुरिंदवज्जियाणं भवणवासीणं देवाणं कामभोगेहिंतो अनंतगुणविसिट्ठतरा चेव असुरकुमाराणं इंदभूयाणं देवाणं कामभोगा असुरकुमाराणं इंदभूयाणं देवाणं कामभोगेहिंतो अनंतुगुणविसिट्ठतरा चेव गहगणनक्खत्ततारारूवाणं कामभोगा गहगणणक्खत्त-तारारूवाणं कामभोगेहिंतो अनंतगुणविसिद्वतरा चेव चंदिमसूरियाणं देवाणं कामभोगा ता एरिसए णं चंदिमसूरिया जोतिसिंदा जोतिसरायाणो कामभोगे पच्चणुभवमाणा विहरंति ।
। [२०२] तत्थ खलु इमे अट्ठासीतिं महग्गहा पन्नत्ता तं जहा- इंगालए वियालए लोहितक्खे सणिच्छरे आहुणिए पाहणइए कणे कणए कणकणए कणविताए कणसंताणए सोमे सहिते आससणे कज्जोवए कब्बडए अयकरए दुंदुभए संखे संखणाभे संखवण्णाभे कंसे कंसणाभे कंसवण्णाभे नीले नीलोभासे रुप्पे रुप्पोभासे भासे भासरासी तिले तिलुप्फवण्णे दगे दगवण्णे काए काकंधे इंदग्गी धुमकेतु हरी पिंगलए बुधे सुक्के बहस्सई राहू अगत्थी माणवगे कासे फासे धुरे पम्हे वियडे विसंधीकप्पे नियल्ले पयल्ले जडियायलए अरुणे अग्गिल्लए काले महाकाले सोत्थिए सोवत्थिए वद्धमाणगे पलंबे निच्चालोए निच्चुज्जोते सयंपभे ओभासे सेयंकरे खेमंकरे आभंकरे पभंकरे अरए विरए असोगे वीतसोगे विमले वितत्ते विवत्थे विसाले साले स्व्ते अणियट्टी एगजडी दुजडी करकरिए रायग्गले पुप्फकेतू भावकेतू ।
[२०३] इंगालए वियालए लोहितंके सणिच्छरे चेव ।
आहुणिए पाहुणिए कणाकसणामावि णं चेव । [२०४] सोमे सहिते अस्सासणे य कज्जोवए य कब्बरए ।
अयकरए दुंदुभए संखसणामावि तिण्णेव । [२०५] तिण्णेव कंसणामा नीले रुप्पी य हंति चत्तारि ।
भास तिल पुप्फवण्णे दगवण्णे काय बंधे य ।
[२०६] इंदग्गि धूमकेतू य हरि पिंगलए बुधे य सुक्के य । पाहुडं-२०
बहसति राहु अगत्थी माणवए कामफासे य । [२०७] धुरए पमुहे वियडे विसंधिकप्पे पयल्ले ।
जडियाइल्लए अरुणे अग्गिल काले महाकाले । [२०८] सोत्थिय सोवत्थिय वद्धमाणग तथा पलंबे य ।
निच्चालोए निच्चज्जोए सयंपभे चेव ओभासे । [२०९] सोयंकरे खेमंकर आभंकर पंभकरे य बोधव्वे ।
अरए विरए य तधा असोगे तह वीतसोगे य । [२१०] विमल वितत्त विवत्थे विसाल तह साल सुव्वते
चेव
अणियट्टि एगजडि य होई बिजडी य बोधव्वे । [२११] कर करिए रायग्गल बोधव्वे पुप्फ भावकेतू य ।
दीपरत्नसागर संशोधितः]
[64]
[१७-चंदपन्नत्ति
