Page Text
________________
मणुस्सलोए मणुस्सा वदंति एवं खलु राहुणा चंदे वा सूरे वा वंते एवं खलु राहुणा चंदे वा सूरे वा वंते ता जया णं राहू देवे आगच्छमाणे वा जाव परियारेमाणे वा चंदस्स वा सूरस्स वा लेसं आवरेत्ता मज्झंमज्झेणं वीतीवयति तया णं मणुस्सलोए मणुस्सा वदंतिएवं खलु राहुणा चंदे वा सूरे वा वइयरिए एवं खलु राहुणा चंदे वा सूरे वा वइयरिए ता जया णं राहू देवे आगच्छमाणे वा जाव परियारेमाणे वा चंद वा सूरस्स वा लेसं आवरेत्ताणं अहे सपक्खिं सपडिदिसिं चिट्ठति तया णं मणुस्सलोयंसि मणुस्सा वदंति - एवं खलु राहुणा चंदे वा सूरे वा धत्थे एवं खलु राहुणा चंदे वा सूरे वा धत्थे ता कतिविहे णं राहू पन्नत्ते ता दुविहे पन्नत्ते तं जहा- धूवराहू य पव्वराहू य तत्थ णं जेसे ध्रुवराहू से णं बहुलपक्खस्स पाडिवए पन्नरसतिभागेणं पन्नरसतिभागं चंदस्स लेसं आवरेमाणे आवरेमाणे चट्ठति तं जहा- पढमाए पढमं भागं जाव पन्नरसीए पन्नरसमं भागं चरमे समए चंदे रत्ते भवइ अवसेसे समए चंदे रत्ते य विरत्ते य भवति तमेव सुक्कपक्खे उवदंसेमाणे उवदंसेमाणे चिट्ठति तं जहा- पढमे पढमं भागं जाव पन्नरसीए पन्नरसमं भागं चरिमे समए चंदे विरत्ते भवति अवसेसे समए चंदे रत्ते य विरत्ते य भवइ तत्थ णं जेसे पव्वराहू से जहण्णेणं छण्हं मासाणं उक्कोसेणं बायालोसाए मासाणं चंदस्स अडतालीसाए संवच्छराणं सूरस्स । [२००]ता कहं ते चंदे ससी - चंदे ससी आहितेति वदेज् ता चंदस्स णंजोतिसिंदस्स जोतिसरण्णो मियंके विमाणे कंता देवा कंताओ देवीओ कंताई आसण-सयण-खंभभंडमत्तोवगरणाई अप्पणावि य णं चंदे देवे जोतिसिंदे जोतिसराया सोमेकंते सुभगे पियदंसणे सुरूवे ता एवं खलु चंदे ससीचंदे ससी आहितेति वदेज्जा ता कहं ते सूरे आदिच्चे - सूरे आदिच्चे आहितेति वदेज्जा ता सूरादिया णं समयाति वा आवलियाति वा आणापाणूति वा थोवेति वा जाव ओसप्पिणि-उस्सप्पिणीति वा एवं खलु सूरे आदिच्चे-सूरे आदिच्चे आहितेति वदेज्जा ।
[२०१]ता चंदस्स णं जोतिंसिंदस्स जोतिसरण्णो कति अग्गमहिसीओ पन्नत्ताओ ता चत्तारि अग्गमहिसीओ पन्नत्ताओ तं जहा - चंदप्पभा दोसिणाभा अच्चिमाली पभंकरा जहा हेट्ठा तं चेव जाव नो चेव णं मेहुणवत्तियं एवं सूरस्सवि भाणितव्वं ता चंदिमसूरिया णं जोतिसिंदा जोतिसरायाणो केरिस कामभोगे पच्चणुभवमाणा विहरंति ता से जहानामए - केइ पुरिसे पढमजोव्वणुट्ठाणबलसमत्थे पढमजोव्व
पाहुडं-२०
णुट्ठाणबल-समत्थाए भारियाए सद्धिं अचिरवत्तविवाहे अत्थत्थी अत्थगवेसणयाए सोलसवास-विप्पवसिते से णं ततो लद्धट्ठे कयकज्जे अणहसमग्गे पुणरवि नियगधरं हव्वमागए पहाते कतबलिकम्मे कतकोतुक-मंगलपायच्छिते सुद्धप्पावेसाई मंगलाई वत्थाइं पवर परिहिते अप्पमहग्घाभरणालंकितसरीरे मणुण्णं थालीपागसुद्धं अठ्ठारसवंजणाउलं भोयणं भुत्ते समाणे तंसि तारिसगंसि वासघरंसि अंतो सचित्तकम्मे बाहीरओ दूमिय-धट्ठ-मट्ठे विचित्तउल्लोय-चिल्लियतले बहुसमसुविभत्तभूमिभाए मणिरयण-पणासितंधयारे कालागुरुपवरकुंदुरुक्क-तुरुक्क-धूव-मघ-मघेंत गंधुद्धयाभिरामे सुगंधवरगंथिते गंधवट्टिभूते तंसि तारिसगंसि सयणिज्जंसि दुहओ उण्णए मज्झे नत-गंभीरे सालिंगणवट्टिए उभओ विब्बोयणे सुरम्मे गंगापुलिणवालुयाउद्दालसालिसए सुविरइयरयत्ताणे ओयवियखोमियखोमदुगूलपट्टपडिच्छयाणे रत्तंसुयसंवुडे सुरम्मे आईणगरूतबूरणवणीततूलफासे सुगंधवरकुसुमचुण्णसयणोवयारकलिए ताए तारिसाए भारियाए सद्धिं सिंगारागारचारुवेसाए संगतगतहसितभणितचिट्ठतसंलावविलासणउणजुत्तोवयारकुसलाए अनुरत्ताए अविरत्ताए मणोमुकूलाए एगंतरतिपसत्ते अन्नत्थ कत्थइ मणं अकुव्वमाणे इट्ठे सद्दफरिसरसरूवगंधे पंचविधे माणुस्स [दीपरत्नसागर संशोधितः ]
[63]
[१७-चंदपन्नत्ति]
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |