Page Text
________________
[१८९] रिक्खग्गहतरग्गं दीवसमुद्दे जतिच्छसी नाउं I तस्स ससीहिं गुणितं रिक्खग्गहतारगग्गं तु । [१९०] बहिता तु माणुसणगस्स चंदसूराणवट्ठिता जोआ । चंदा अभीइजुत्ता सूरा पुण हुंति पुस्सेहिं । [१९१] चंदातो सूरस्स य सूरा चंदस्स अंतरं होइ । पन्नाससहस्साइं तु जोयणाणं अणूणाई I [१९२] सूरस्स य सूरस्स य ससिणो ससिणो य अंतरं होइ । बाहिं तु माणुसणगस्स जोयणाणं सतसहस्सं । [१९३] सूरतरिया चंदा चंदंतरिया य दिणयरा दित्ता ।
चित्तंतरलेसागा सुहलेसा मंदसा य I [१९४] अट्ठासीतिं च गहा अट्ठावीसं च हुंति नक्खत्ता । एससीपरिवारो एत्तो ताराणं वोच्छामि I
[१९५] छावद्विसहस्साइं नव चेव सताइं पंचसतराई । एससीपरिवारो तारागणकोडिकोडीणं
[१९६]अंतो मणुस्सखेत्ते जे चंदिम-सूरिय-गह जाव तारारूवा ते णं देवा किं उड्ढोववण्णगा कप्पोववण्मगा विमाणोववण्णगा चारोववण्णगा चारट्ठितिया गतिरतिया गतिसमवण्णगा ता ते णं देवा नो उड्ढोववण्णगा नो कप्पोववण्मगा विमाणोववण्णगा चारोववण्मगा नो चारट्ठितिया गतिरतिया गतिसमावण्णाग उड्ढीमुहकलंबुयापुप्फसंठाणसंठितेहिं जोयणसाहस्सिएहिं तावक्खेत्तेहिं साहस्सियाहिं बाहिराहिं वेउव्वियाहिं परिसाहिं महताहसहस्सिएहिं - वाहय तंती - तल-ताल-तुडिय- घण-मुइंग पडुप्पवाइयरवेणं महता उक्कुट्ठिसीहनाद-बोलकलकलरवेणं अच्छं पव्वतरायं पदाहिणावत्तमंडलचारं मेरुं अनुपरियहंति ता स देवाणं जाधे इंदे चयति से कधमियाणिं पकरेंति वा चत्तारि पंच सामाणियदेवा तं ठाणं उवसंपज्जित्ताणं पाहुडं-१२
विहरति जावण्णे तत्थ इंदे उववण्णे भवति ता इंदट्ठाणे णं केवतिएणं कालेणं विरहिते पन्नत्ते ता जहण्णेणं इक्कं समयं उक्कोसेणं छम्मासे ता बहिता णं माणुस्सक्खेत्तस्स जे चंदिम-सूरिय-गह गणनक्खत-तारारूवा ते णं देवा किं उड्ढोववण्णगा कप्पो ववण्णगा विमाणोववण्णगा चारट्ठितिया गतिरतिया गतिस-मावण्णगा ता ते णं देवा नो उड्ढोववण्णगा नो जाव गतिरतिया नो गतिसमावण्णगा पक्किट्टगसंठाणसंठितेहिं जोयणसयसहस्सिएहिं तावक्खेतेहिं सयसाहस्सियाहिं बाहिराहिं वेउव्वियाहिं जाव रवेणं दिव्वाइं भोगभोगाई भुंजमाणा विहरंति सुहलेसा मंदलेसा मंदायवलेसा चित्तंतरलेसा अण्णोण्णसमोगाढाहिं लेसाहिं कूडा इव ठाणठिता ते पदेसे सव्वतो समंता ओभासंति उज्जोवेंति वें पभासेंति ता तेसि णं देवाणं जाहे इंदे चयति से कहमियाणि पकरेंति ता चत्तारि पंच सामाणियदेवा तं ठाणं तहेव जाव छम्मासे ।
[१९७]ता पुक्खरवरं णं दीवं पुक्खरोदे नामं समुद्दे वट्टे वलयागारसंठाणसंठिते सव्वतो जाव चिट्ठति ता पुक्खरदे णं समुद्दे किं समचक्कवालसंठिते नो विसमचक्कवालसंठिते ता पुक्खरोदे णं समुद्दे केवतियं चक्कवालविक्खंभेणं केवतियं परिक्खेवेणं आहितेति वदेज्जा ता संखेज्जाई जोयणसहस्साइं आयाम-विक्खंभेणं संखेज्जाई जोयणसहस्साइं परिक्खवेणं आहितेति वदेज्जा ता पुक्खरवरोदे णं समुद्दे [दीपरत्नसागर संशोधितः]
[60]
[१७-चंदपन्नत्ति]
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |