Page Text
________________
केवतिया चंदा पभासेंसु वा पुच्छा तहेव ता पुक्खरोदे णं समुद्दे संखेज्जा चंदा पभासेंसु वा जाव संखेज्जाओ तारागणकोडिकोडीओ सोभं सोभेसु वा सोभेति वा सोभिस्संति वा एतेणं आभिलावेणं-वरुणवरेदीवे वरुणोदेसमुद्दे खीरवरेदीवे खीरवरेसमुद्दे घतवरेदीवे घतोदेसमुद्दे खोदवरेदीवे खोदोदेसमुद्दे नंदिस्सरवरे दीवे नंदिस्सरवरे समुद्दे अरुणोदेदीवे अरुणोदेसमुद्दे अरुणवरेदीवे अरुणवरेसमुद्दे अरुणवरोभासेदीवे अरुणवरोभासेसमुद्दे कुंडलेदीवे कुंडलोदेसमुद्दे कुंडलवरेदीवे कुंडलवरोदेसमुद्दे कुंडलवरोभासेदीवे कुंडलवरोभासेसमुद्दे सव्वेसिं विक्खंभपरिक्खवो जोतिसाइं पुक्खरोदसागरसरिसाइं ता कुंडवरोभासण्णं समुदं रुपए दीवे वट्टे वलयागारसंठाणसंठिते सव्वतो जाव चिट्ठति ता रुयए णं दीवे समचक्कवालसंठिते नो विसमचक्कवालसंठिते ता रुयए णं दीवे केवतियं चक्कवालविक्खंभेणं केवतियं परिक्खेवेणं आहितेति वदेज्जा ता असंखेज्जाइं जोयणसहस्साई चक्कवालविक्खंभेणं असंखेज्जाइं जोयणसहस्साइं परिक्खेवेणं आहितेति वदेज्जा ता रूयगे णं दीवे केवतिया चंदा पभासेसुं वा पुच्छा ता रुयगे णं दीवे असंखेज्जा चंदा पभासेंसु वा जाव असंखेज्जाओ तारागणकोडिकोडीओ सोभं सोभेसु वा सोभेति वा सोभिस्संति वा एवं रुयगे समुद्दे रुयगवरेदीवे रुयगवरोदे समुद्दे रुयगवरोभासेदीवे रुयगवरोभासेसमुद्दे एवं तिपडोयारा नेतव्वा जाव सूरेदीवे सूरोदेसमुद्दे सूरवरेदीवे सूरवरेसमुद्दे सूरवरोभासेदीवे सूरवरोभासेसमुद्दे सव्वेसिं विखंभपरिक्खेव-जोतिसाइं रुयगवरदीवसरिसाइं ता सूरवरोभासोदण्णं समुदं देवे नाम दीवे वट्टे वलयागारसंठाणसंठिते सव्वतो समंता संपरिक्खित्ताणं चिट्ठति जाव नो विसमचक्कवालसंठिते ता देवे णं दीवे केवतियं चक्क-वालविक्खंभेणं केवतियं परिक्खेवेणं आहितेति वदेज्जा ता असंखेज्जाइं जोयणसहस्साइं चक्कवाल-विक्खंभेणं असंखेज्जाइं जोयणसहस्साइं परिक्खेवेणं आहितेति वदेज्जा ता देवे णं दीवे केवतिया चंदा पभासेंसु वा पुच्छा तहेव तादेवे णं दीवे असंखेज्जा चंदा पभासेंसु वा जाव असंखेज्जाओ तारागण-कोडिकोडीओ सोभं सोभेसु वा सोभेति वा सोभेस्संति वा एवं देवोदे समुद्दे नागेदीवे नागोदेसमुद्दे जक्खेदीवे जक्खोदेसमुद्दे भूतेदीवे भूतोदेसमुद्दे सयंभुरमणेदीवे सयंभुरमणेसमुद्दे सव्वे देवदीवसरिसा |
• मुनि दीपरत्नसागरेण संशोधितः सम्पादित्तश्च एगूणवीसइमं पाहुडं समत्तं . पाहुडं-२०
। वीसइमं पाहुडं । [१९८] ता कहं ते अनुभावे आहितेति वदेज्जा तत्थ खलु इमाओ दो पडिवत्तीओ पन्नत्ताओ तत्थेगे एवमाहंसु-ता चंदिमसूरिया णं नो जीवा अजीवा नो घणा झुसिरा नो वरबोंदिधरा कलेवरा नत्थि मं तेसिं उट्ठाणेति वा कम्मेति वा वलेति वा वीरिएति वा पुरिसक्कारपरक्कमेति वा ते नोविज्जुलवंति नो असणिं लवंति नो थणितं लवंति अहे णं बादरे वाउकाए संमुच्छति समुच्छित्ता विज्जुपि लवंति असणिंपि लवंति थणितंपि लवंति-एगे पुण एवमाहंसु-ता चंदिमसूरिया णं जीवा नो अजीवा धणा नो झूसिरा वरबोदिंधरा नो कलेवरा अत्थि णं तेसि उट्ठाणेतिवा कम्मेति वा बलेति वा वीरिएति वा पुरिसक्कारपरक्कमेति वा ते विज्जुपि लवंति असणिंपि लवंति थणितंपि लंवति-वयं पुण एवं वदामो-ता चंदिमसूरिया णं देवा महिढिया० जाव महाणुभावा वरत्थधरा वरमल्लधरा वरामभरणधारी अवोच्छित्ति-णयट्ठयाए अण्णे चयंति अण्णे उववज्जंति ।
[१९९] ता कहं ते राहुकम्मे आहितेति वदेज्जा तत्थ खलु इमाओ दो पडिवत्तीओ पन्नत्ताओ तत्थेगे एवमाहंसु-ता अत्यि णं से राहू देवे जे णं चंदं वा सूरे वा गेण्हति-एगे पुण एवमाहंसु-ता नत्थि णं
दीपरत्नसागर संशोधितः]
[61]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |