________________
[१७२] छावत्तरं गहाणं पंतिसयं हवइ मण्यलोयंमि ।
छावढि छावहिँ हवंति य एक्केक्किया पंती । [१७३] ते मेरुमणुचरंता पदाहिणावत्तमंडला सव्वे ।
अणवहितैहिं जोगेहिं चंदा सूरा गहगणा य । [१७४] नक्खत्ततारगाणं अवहिता मंडला मुणेयव्वा ।
तेवि य पदाहिणावत्तमेव मेरुं अनुचरंति । [१७५] रयणिकरदिणकराणं उड्ढं च अहे य संकमो नत्थि ।
मंडलसंकमणं पुणं सब्भंतरबाहिरं तिरिए । [१७६] रयणिकरदिणकराणं नक्खत्ताणं महग्गहाणं च ।
चारविसेसेणं भवे सुहदुक्खविही मणुस्साणं । [१७७] तेसिं पविसंताणं तावक्खेत्तं तु वड्ढते निययं ।
तेणेव कमेणं पणो परिहायति निक्खमंताणं । [१७८] तेसिं कलंबुयापुप्फसंठिता हंति तावखेत्तपहा ।
अंतो य संकुडा बाहिं वित्थडा चंदसूराणं । [१७९] केणं वड्ढति चंदो परिहाणी केण होति चंदस्स ।
कालो वा जोण्हो वा केणणभावेणं चंदस्स । [१८०] किण्हं राहुविमाणं निच्चं चंदेण होइ अविरहियं ।
चउरंगुलमप्पत्तं हिट्ठा चंदस्स तं चरति । [१८१] बावडिं-बावहिँ दिवसे-दिवसे तु सुक्कपक्खस्स ।
जं परिवड्ढति चंदो खवेइ तं चेव कालेणं । [१८२] पन्नरसइभागेण य चंदं पन्नरसमेव तं वरति ।
पाहडं-१९
पन्नरसइभागेण य पुणोवि तं चेव वक्कमति । [१८३] एवं वड्ढति चंदो परिहाणी एव होइ चंदस्स ।
कालो वा जोण्हो वा एयणुभावेणं चंदस्स । [१८४] अंतो मणुस्सखेत्ते हवंति चारोवगा तु उववण्णा ।
पंचविहा जोतिसिया चंदा सूरा गहगणा य । [१८५] तेण परं जे सेसा चंदादिच्चगहतारनक्खत्ता ।
नत्थि गई नवि चारो उवद्वित्ता ते मुणेयव्वा । [१८६] एवं जंबुद्दीवे दुगुणा लवणे चउग्गुणा हुंति ।
लावणगा य तिगुणिता ससिसूरा घायईसंडे । [१८७] दो चंदा इह दीवे चत्तारि य सायरे लवणतोए ।
घायइसंडे दीवे बारस चंदा य सूरा य । [१८८] घायइसंडप्पभिति उद्दिट्ठा तिणिता भवे चंदा ।
आदिल्लचंदसहिता अनंतराणंतरे खेत्ते ।
दीपरत्नसागर संशोधितः]
[59]
[१७-चंदपन्नत्ति
