Page Text
________________
चिट्ठति ताओ णं चंदस्स जोतिसिंदस्स जोतिसरण्णो अण्णेसिं च बहूणं जोतिसियाणं देवाण य देवीण य अच्चणिज्जाओ वंदणिज्जाओ पूयणिज्जाओ सक्कारणिज्जओ सम्माणणिज्जाओ कल्लाणं मंगलं देवयं चेइयं पज्जुवासणिज्जाओ एवं खलु नो पभू चंदे जोतिसिंदे जोतिसराया चंदवडिंसए विमाणे सभा सुधम्मा तुडिएणं सद्धिं दिव्वाइं भोगभोगाई भुंजमाणे विहरित्तए, पभू णं चंदे जोतिसिंदे जोतिसरायाचंदवडिस विमाणे सभाए सुहम्माए चंदंसि सीहासणंसि चउहिं सामाणियसाहस्सीहिं चउहिं अग्गमहिसीहिं सपरिवाराहिं तिहिं परिसाहिं सत्तहिं अणिएहिं सत्तहिं अणियाहिवईहिं सोलसहिं आयरक्खदेवसाहस्सीहिं अण्णेहिं य बहूहिं जोतिसिएहिंदेवेहिं देवीहि य सद्धिं महयाहयनट्ट-गीय-वाइय-तंती-तल-ताल-तुडिय-धणमुइंग-पडुप्पवाइयरेवणं दिव्वाइं भोगभोगाई भुंजमाणे विहरित्तए केवलं परियारणिड्ढीए नो चेव णं मेहुणवत्तियं ता सूरस्स णं जोतिसिंदस्स जोतिसरण्णो चत्तारि अग्गमहिसीओ पन्नत्ताओ तं जहासूरप्पभा आतवा अच्चिमाली पभंकरा सेसं जहा चंदस्स नवरं - सूरवडेंसए विमाणे जावनो चेव णं मेहुणवत्तियाए ।
[१३१] जोतिसिया णं देवाणं केवतियं कालं ठिती पन्नत्ता ता जहण्णेणं अट्ठभागपलिओवमं उक्कोसेणं पलिओवमं वाससतसहस्समब्भहियं ता जोतिसिणीणं देवीणं केवतियं कालं ठिती पन्नत्ता ता जहण्णेणं अट्ठभागपलिओवमं उक्कोसेणं अद्धपलिओवमं पन्नासाए वाससहस्सेहिं अब्भहियं ता चंदविमाणे णं देवाणं केवतियं कालं ठिती पन्नत्ता ता जहण्णेणं चउब्भागपलिओवमं उक्कोसेणं पलिओवमं वाससयसहस्समब्भहियं ता चंदविमाणे णं देवीणं केवतयं कालं ठिती पन्नत्ता ता जहण्णेणं चउब्भागपलिओवमं उक्कोसेणं अद्धपलिओवमं पन्नासाए वाससहस्सेहिं अब्भहियं ता सूरविमाणे णं देवाणं केवतियं कालं ठि पाहुडं-१८
पन्नत्ता ता जहण्णेणं चउब्भागपलिओवमं उक्कोसेणं पलिओवम वाससहस्समब्भहियं ता सूरविमाणे णं देवीणं केवतियं कालं ठिती पन्नत्ता ता जहण्णेणं चउब्भागपलिओवमं उक्कोसेणं अद्धपलिओवमं पंचहिं वाससहि अब्भहियं ता गहविमाणे णं देवाणं केवतियं कालं ठिती पन्नत्ता ता जहणणं चउब्भागपलिओवमं उक्कोसेणं पलिओवमं ता गहविमाणे णं देवीणं केवतियं कालं ठिती पन्नत्ता ता जहण्णेणं चउब्भागपलिओवमं उक्कोसेणं अद्धपलिओवमं ता नक्खत्तविमाणे णंदेवाणं केवतियं कालं ठिती पन्नत्ता ता जहण्णेणं चउब्भागपलिओवमं उक्कोसेणं अद्धपलिओवमं ता नक्खत्तविमाणे णं देवीणं केवतियं कालं ठिती पन्नत्ता ता जहण्णेणं अट्ठभागपलिओवमं उक्कोसेणं चउब्भागपलिओवमं ता ताराविमाण णं देवाणं पुच्छा ता जहण्णेणं अट्ठभागपलपिओवमं उक्कोसेणं चउब्भागपलिओमं ता ताराविमाणे णं देवीणं पुच्छा ता जहण्णेणं अट्ठभागपलिओवमं उक्कोसेणं साइरेगअट्ठभागपलिओवमं । [१३२]ता एएसि णं चंदिम-सूरिय-गह-नक्खत्त-ताराराणं कतरे कतरेहिंतो अप्पा वा बहुया वा तुल्ला वा विसेसाहिया वा ता चंदा य सूरा य - एते णं दोवि तुल्ला सव्वत्थोवा नक्खत्ता संखेज्जगुणा संखेज्जगुणा तारा संखेज्जगुणा ।
मुनि दीपरत्नसागरेण संशोधितः सम्पादित्तश्च अट्ठारसमं पाहुडं समत्तं
O
०
[] एगूणवीसइमं पाहुडं [
[१३३]ता कति णं चंदिमसूरिया सव्वलोयं ओभासंति उज्जोएंति तवेंति पभासेंति आहितेति वएज्जा तत्थ खलु इमाओ दुवालस पडिवत्तीओ पन्नत्ताओ तत्थेगे एवमाहंसु-ता एगे चंदे एगे सूर [दीपरत्नसागर संशोधितः]
[१७-चंदपन्नत्ति]
[54]
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |