Page Text
________________
चंदविमाणे णं केवतियं आयाम-विक्खंभेणं केवतियं परिक्खेवेणं केवतियं बाहल्लेणं पन्नत्ते ता छप्पन्नं एगद्विभागे जोयणस्स आयाम-विक्खंभेणं तं तिगणं सविसेसं परिरएणं अट्ठवीसं एगट्ठिभागे जोयणस्स बाहल्लेणं पन्नत्ते ता सूरविमाणे णं केवतियं आयाम-विक्खंभेणं पुच्छा ता अडयालीसं एगढिभागे जोयणस्स आयाम-विक्खंभेणं तं तिगुणं सविसेसं परिरएणं चउव्वीसं एगट्ठिभागे जोयणस्स बाहल्लेणं पन्नत्ते ता गहविमाणेणं पच्छा ता अद्धजोयणं आयाम-विक्खंभेणं तं तिगुणं सविसेसं परिरएणं कोसं बाहल्लेणं पन्नत्ते ता नक्खत्तविमाणे णं केवतियं पुच्छा ता कोसं आयाम-विक्खंभेणं तं तिगुणं सविसेसं परिरएणं अद्धकोसं बाहल्लेणं पन्नत्ते ता ताराविमाणे णं केवतियं पच्छा ता अद्धकोसं आयाम-विक्खंभेणं तं तिगणं सविसेसं परिररएणं पंच धणसयाई बाहल्लेणं पन्नत्ते ता चंदविमाणं कति देवसाहस्सीओ परिवहति ता सोलस देवसाहस्सीओ परिवहति तं जहा- पुरत्थिमेणं सीहरूवधारीणं चत्तारि देवसाहस्सीओ दाहिणेणं गयरूवधारीणं चत्तारि देवसाहस्सीओ पच्चत्थिमेणं वसहरूवधारीणं चत्तारि देवसाहस्सीओ उत्तरेणं तुरगरूवधारीणं चत्तारि देवसाहस्सीओ परिवहंति एवं सूरविमाणंपि ता गहविमाणं अट्ठ देवसाहस्सीओ परिवहंति तं जहा- पुरत्थिमेणं सीहरुवधारीणं देवाणं दो देवसाहस्सीओ परिवहति एवं जाव उत्तरेणं तुरगरूवधारीणं ता नक्खत्तविमाणं चत्तारि देवसाहस्सीओ परिवहति तं जहा- पुरत्थिमेणं सीहरूवधारीणं देवाणं एक्का देवसाहस्सी परिवहति एवं जाव उत्तरेणं तुरगरूवधारीणं देवाणं ता ताराविमाणं दो देवसाहस्सीओ परिवहति तं जहा- पुरत्थिमेणंसीहरूवधारीणं देवाणं पंच देवसता परिवहति एवं जाव उत्तरेणं तुरगरूवधारीणं । पाहुडं-१८
[१२८] एतेसि णं चंदिम-सूरिय-गहगण-नक्खत्त-तारारूवाणं कयरे कयरेहितो सिग्घगती वा मंदगती वा ता चंदेहितो सूरा सिग्घगती सूरेहितो गहा सिग्घगती गहेहिंतो नक्खत्ता सिग्घगती नक्खत्तेहिंतो तारा सिग्घगती सव्वप्पगती चंदा सव्वसिग्घगती तारा ता एतेसि णं चंदिम-सूरिय-गहगणनक्खत्ता-तारारूवाणं कयरे कयरेहिंतो अप्पिडठिया वा महिडढिया वा ता ताराहिंतो नक्खत्ता महिडढिया नक्खत्तेहिंतो गहा महिढिया गहेहिंतो सूरा महिढिया सूरेहिंतो चंदा महिढिया सव्वप्पिड्ढिया तारा सव्वमहिइढिया चंदा ।
[१२९ता जंबद्दीवे णं दीवे तारारुवस्स य तारारुवस्स य एस णं केवतिए अबाधाए अंतरे पन्नत्ते ता विहे अंतरे पन्नत्ते तं जहा- वाघातिमे य निव्वाघातिमे य तत्थ णं जेसे वाघातिमे से णं जहण्णेणं दोण्णि छावढे जोयणसते उक्कोसेणं बारस जोयणसहस्साइं दोण्णि बाताले जोयणसते तारारुवस्स य अबाधाए अंतरे पन्नत्ते तत्थ णं जेसे निव्वाघातिमे से णं जहण्णेणं पंच धणुतसताई उक्कोसेणं अद्धजोयणं तारारूवस्स य तारारुवस्स य अबाधाए अंतरे पन्नत्ते ।
[१३०]ता चंदस्स णं जोतिसिंदस्स जोतिसरण्णो कति अग्गमहिसीओ ता चत्तारि अग्गमहिसीओ पन्नत्ताओ तं जहा- चंदप्पभा दोसिणाभा अच्चिमाली पभंकरा तत्थ णं एगमेगाए देवीए चत्तारि-चत्तारि देवीसाहस्सी परिवारो पन्नत्तो पभू णं ताओ एगमेगा देवी अण्णाइं चत्तारि-चत्तारि देवीसहस्साइं परिवारं विउव्वित्तए एवामेव सपुव्वावरेणं सोलस देवीसहस्सा सेत्तं तुडिए ता पभू णं चंदे जोतिसिंदे जोतिसराया चंदवडिंसए विमाणे सभाए सुहम्माए तुडएणं सद्धिं दिव्वाइं भोगभोगाइं भंजमाणे विहरित्तए नो इणढे समढे ता कहं ते पुच्छा चंदस्स णं जोतिसिंदस्स जोतदिसरण्णो चंदवडिंसए विमाणे सभाए सुधम्माए माणवए चेतियखंभे वइरामएसु गोलवट्टसमुग्गएसु बहवे जिणसकधा सण्णिक्खित्ता [दीपरत्नसागर संशोधितः]
[53]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |