Page Text
________________
इमीसे रयणप्पभाए पुढवीए बहुसमरमणिज्जाओ भूमिभागओ [सत्तणउते जोयणसते अबाहाए हिडिल्ले तारारूवे चारं चरति अट्ठजोयणसए अबाहाए सूरविमाणे चारं चरति अट्ठअसीते जोयणसते अबाहाए चंदविमाणे चारं चरति नवजोयणसएअबाहए उवरिल्ले तारारूवे चारं चरति ता हेट्ठिलातो णं तारारूवाओ दस जोयणे अबाहाए सूरविमाणे चारं चरति तता णं असीतेजोयणे अबाहाए चंदविमाणे चारं चरति एवं जहेव जीवाभिगमे तहेव नेयव्वं-सव्वब्भंतरिल्लं चारं संठाणं पमाणं वहति सिहगति इइढि तारंतरं अग्गमहिसी ठिति अप्पाबयं जाव तारातो संखेज्जगणातो पा०] सत्तणउतिजोयणसतेउड्ढं उप्पइत्ता हेढिल्ले ताराविमाणे चारं चरति अट्ठजोयणसते उड्ढं उप्पइत्ता सूरविमाणे चारं चरति अट्ठअसीए जोयणसए उड्ढं उप्पइत्ता चंदविमाणे चारं चरति नव जोयणसयाई उड्ढं उप्पइत्ता उवरिल्ले ताराविमाणे चारं चरति हेहिल्लाओ ताराविमाणाओ दसजोयणाई उड्ढं उप्पइत्ता सूरविमाणे चारं चरति नउतिं जोयणाई उड्ढं उप्पइत्ता चंदविमाणे चारं चरति दसोत्तरं जोयणसयं उड्ढं उप्पइत्ता उवरिल्ले तारारूवे चारं चरति ता सूरविमाणाओ असीति जोयणाई उड्ढं उप्पइत्ता चंदविमाणे चारं चरति जोयणसयं उड्ढं उप्पइत्ता उवरिल्ले तारारूवे चारं चरति ता चंदविमाणाओ णं वीसं जोयणाई उड्ढं उप्पइत्ता उवरिल्ले तारारूवे चारं चरति एवामेव सपुव्वावरेणं दसुत्तरजोयणसयं बाहल्ले तिरियमसंखेज्जे जोतिसविसए जोतिसं चारं चरति आहितेति वदेज्जा ।
[१२२]ता अत्थि णं चंदिमसूरियाणं देवाणं हिट्ठपि तारारूवा अनुपि तुल्लावि समंपि तारपाहुडं-१८
रूवा अनुपि तुल्लावि उप्पिंपि तारारूवा अणुंपि तुल्लावि ता अत्थि ता कहं ते चंदिमसूरियाणं देवाणं हिटुंपितारारूवा अणुंपि तुल्लावि समंपि तारारूवा अणुंपि तुल्लावि उप्पिंपि तारारूवा अणुंपि तुल्लावि ता जहा- जहा णं तेसि णं देवाणं तव-नियम-बंभचेराइं उस्सियाइं भवंति तहा-तहा णं तेसि देवाणं एवं भवति तं जहा- अनुत्ते वा तुल्लत्ते वा ता एवं खलु चंदिमसूरियाणं देवाणं हिट्ठपि तारारूवा अणुंपि तुल्लावि तहेव।
[१२३] ता एगमेगस्स णं चंदस्स देवस्स केवतिया गहा परिवारो पन्नत्तो केवतिया नक्खत्ता परिवारो पन्नत्तो केवतिया तारा परिवारो पन्नत्तो ता एगमगस्स णं चंदस्स देवस्स अट्ठासीतिं गहा परिवारो पन्नत्तो अट्ठावीसं नक्खत्ता परिवारो पन्नत्तो ।
[१२४] छावहिँ सहस्साइं नव चेव सताइं पंचसत्तराई ।
___एगससी परिवारो तारागणकोडिकोडीण [परिवरो पन्नत्तो] ।
[१२५]ता मंदरस्स णं पव्वयस्सकेवतियं अबाहए जोतिसेचारं चरति ता एक्कारस एक्कवीसेजोयणसते अंबाहाए जोतिसे चारं चरति ता लोयंताओ णं केवतियं अबाहाए जोतिसे पन्नत्ते ता एक्कारस एक्कारे जोयणसते अबाहाए जोतिसे पन्नत्ते ।।
[१२६]ता जंबुद्दीवे णं दीवे कतरे नक्खत्ते सव्वब्भंतरिल्लं चारं चरति कतरे नक्खत्ते सव्वबाहिरिल्लं चारं चरति कतरे नक्खत्ते सव्वुपरिल्लं चारं चरति कतरे नक्खत्ते सव्वहिडिल्लं चारंचरति ता अभीई नक्खत्तो सव्वब्भंतरिल्लं चारं चरति मूले नक्खत्ते सव्वबाहिरिल्लं चारं चरइ साती नक्खत्ते सव्वुपरिल्लं चारं चरति भरणी नक्खत्ते सव्वहेछिल्लं चारं चरति ।
[१२७] ता चंदविमाणे णं किसंठिते पन्नत्ते ता अद्धकविट्ठगसंठाणसंठिते सव्वफलिहामए अब्भुग्गयमूसियपहसिए विविहमणिरयणभत्तिचित्ते जाव पडिरूवे एवं सूरविमाणे ताराविमाणे ता
[दीपरत्नसागर संशोधितः]
[52]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |