Page Text
________________
पन्नरसमंडलसते चरत ता जुगेणं नक्खत्ते कति मंडलाइं चरति ता अट्ठारस पणतीसे दुभागमंडलसते चरति इच्चेसा मुहुत्तगती रिक्खातिमास-राइंदिय-जुग-मंडलपविभत्ती सिग्धगती वत्थू आहितेति बेमि । ० मुनि दीपरत्नसागरेण संशोधितः सम्पादित्तश्च पन्नरसमं पाहुडं समत्तं .
। सोलसमं पाहडं। ___ [११९]ता कहं ते दोसिणालक्खणे आहितेति वदेज्जा ता चंदलेस्सा इ य दोसिणा इ य दोसिणा इ य चंदलेस्सा इ य के अट्टि किं लक्खणे ता एगढे एगलक्खणे ता सूरलेस्सा इ य आतवे इ य आतवे इ य सुरलेस्सा इ य के अटे किं लक्खणे ता एगटे एगलक्खणे ता अंधकारे इ य छाया इ य छाया य अंधकारे इ य के अटे किं लक्खणे ता एगटे एगलक्खणे । • मुनि दीपरत्नसागरेण संशोधितः सम्पादित्तश्च सोलसमं पाहुडं समत्तं .
सत्तरसमं पाहडं । [१२०]ता कहं ते चयणोववाता आहिताति वदेज्जा तत्थ खलु इमाओ पणवीसं पडिवत्तीओ पन्नत्ताओ तत्थ एगे एवमाहंसु-ता अनुसमयमेव चंदिमसूरिया अन्ने चयंति अण्णे उववज्जंति-एगे पुण एवमाहंसु-ता अनुमुहुत्तमेव चंदिमसूरिया अण्णे चयंति अण्णे उववज्जंति एवं जहेव हेढा तहेव जाव ता पाहुडं-१७
एगे पुण एवमाहंसुता अणुओसप्पिणिउस्सप्पिणिमेव चंदिमसूरिया अण्णे चयंति उववज्जंति-वयं पुण एवं वदामो-ता चंदिमसूरिया णं देवा महिढिया महाजुतीया महाबला महाजसा महाणुभावा महासोक्खा वरवत्थधरा वरमल्लधरा वरगंधधरा वराभरणधरा अव्वोच्छित्तिणयट्ठयाए काले अण्णे चयंति अण्णे उववज्जंति आहिताति वदेज्जा | • मुनि दीपरत्नसागरेण संशोधितः सम्पादित्तश्च सत्तरसमं पाहुडं समत्तं .
। अट्ठारसमं पाहुडं [] [१२१]ता कहं ते उच्चते आहितेति वदेज्जा तत्थ खलु इमाओ पणवीसं पडिवत्तीओ पन्नत्ताओ तत्थेगे एवमाहंसु-ता एग जोयणसहस्सं सूरे उड्ढं उच्चत्तेणं दिवड्ढं चंदे-गे पुणं एवमाहंसु-ता दो जोयणसहस्साइं सूरे उड्ढं उच्चत्तेणं अड्ढाइज्जाइं चंदे-एगे पुण एवमाहंसु-ता तिण्णि जोयणसहस्साइं सूरे उड्ढं उच्चत्तेणं अट्ठाइं चंदे-एगे पुणं एवमाहंसु-ता चत्तारि जोयणसहस्साइं सूरे उड्ढं उच्चत्तेणं अद्धपंचमाइं चंदे-एगे पुण एवमाहंसु-ता पंच जोयणसहस्साइं सूरे उड्ढं उच्चत्तेणं अद्धछट्ठाइं चंदे-एगे पुण एवमाहंसु-ता छ जोयणसहस्साइं सूरे उड्ढं उच्चत्तेणं अद्धसत्तमाइं चंदे-एगे पुण एवमाहंसु-ता सत्त जोयणसहस्साइं सूरे उड्ढं उच्चत्तेणं अट्ठाइं चंदे-एगे पुणं एवमाहंसु-ता अट्ट जोयणसहस्साइं सूरे उड्ढे उच्चत्तेणं अद्धवणमाइं चंदे-एगे पुण एवमाहंसु-ता नव जोयणसहस्साइं सूरे उड्ढं उच्चत्तेणं अद्धएक्कारस चंद-एगेपण एवमाहंस-ता एक्कारस जोयणसहस्साइं सूरे उड्ढे उच्चत्तेणं अद्धबारस चंदे चोद्दस सूरे अद्धपन्नरस चंदे पन्नरस सूरे अद्धसोलस चंदे सोलस सूरे अद्धसत्तरस चंदे सत्तरस सूरे अद्धद्वारस चंदे अट्ठारस सूरे अद्धएकोणवीसं चंदे ओएकोणवीसं सूरे अद्धवीसं चंदे वीसं सूरे अद्धएक्कवीसं चंदे एक्कवीसं सूरे अद्धबावीसं चंद बावीसं सूरे अद्धतेवीसं चंदे तेवीसं सूरे अद्धचउवीसं चंदे चउवीसं सूरे अद्धपणवीसं चंदे एगे पुण एवमाहंसु-ता पणवीसं जोयमसहस्साइं सूरे उड्ढं उच्चत्तेणं अद्धछव्वीसं चंदे-वयं पुण एवं वदामो-ता
[दीपरत्नसागर संशोधितः]
[51]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |