Page Text
________________
गतिसमावण्णं गहे गतिसमावण्णे परत्थिमाते भागाते समासादेति समासादेत्ता चंदेणं सद्धिं अधाजोगं सृजति जुंजित्ता अधाजोगं अनुपरियति जाव विगतजोई यावि भवति ता जया णं सूरं गतिसमावण्णं अभीई नक्खत्ते गतिसमावण्णे पुरित्थिमाते भागाते समासादेति समासादेत्ता चत्तारि अहोरत्ते छच्च मुहुत्ते सूरेणं सद्धिं जोयं जोएति जोएत्ता जोयं अनुपरियट्टति जाव विगतजोई यावि भवति एवं छ अहोरत्ता एक्कवीसं मुहत्ता य तेरस अहोरत्ता बारस मुहत्ता य वीसं अहोरत्ता तिण्णि मुहत्ता य सव्वे भाणितव्वा जाव-जया णं सूरं गतिसमावण्णं उत्तरासाढा नक्खत्ते गतिसमावण्णे पुरत्थिमाते भागाते समासादेति समासादेत्ता वीसं अहोरत्ते तिण्णि य मुहुत्ते सूरेण सद्धिं जोयं जोएति जोएत्ता जोयं अनुपरियट्टति जाव यावि भवति ता जया णं सूरे गतिसमावण्णं गहे गतिसमावण्णे पुरत्थिमाते भागाते समासादेति समासादेत्ता सूरेण सद्धिंअधाजोयं गँजति जुंजित्ता जोयं अनुपरियट्टति जाव विगतजोई यावि भवति ।
[११७] ता नक्खत्तेणं मासेणं चंदे कति मंडलाइं चरति ता तेरस मंडलाइं चरति तेरस य सत्तट्ठिभागे मंडलस्स ता नक्खत्तेणं मासेणं सुरे कति मंडलाइं चरति ता तेरस मंडलाइं चरति चोत्तालीसं च सत्तद्विभागे मंडलस्स ता नक्खत्तेणं मासेणं नक्खत्ते कति मंडलाइं चरति ता तेरस मंडलाइं चरति अद्धसीतालीसं च सत्तद्विभागे मंडलस्स ता चंदेणं मासेणं चंदे कति मंडलाइं चरति ता चोद्दस सचउभागाइंमंडलाइं चरति एगं च चउव्वीससतभागं मंडलस्स ता चंदेणं मासेणं सरे कति मंडलाइं चरति पाहुडं-१५
ता पन्नरस चउभागूणाई मंडलाइं चरति एगं चचठवीससतभागं मंडलस्स ताचंदेणं मासेणं नक्खत्ते कतिमंडलाई चरति ता पन्नरस चउभागूणाई मंडलाइं चरति छच्च चउवीससतभागे मंडलस्स ता उडुणा मासेणं चंदे कति मंडलाइं चरति ता चोद्दस मंडलाइं चरति तीसं च एगद्विभागं मंडलस्स ता उडुणा मासेण सूरे कति मंडलाइं चरति ता पन्नरस मंडलाइं चरति ता उडुणा मासेणं नक्खत्ते कति मंडलाइं चरति ता पन्नरस मंडलाइं चरति पंच य बावीससतभागे मंडलस्स ता आदिच्चेणं मासेणं चंदे चोद्दस मंडलाइं चरति एक्कारस यपन्नरसभागे मंडलस्स ता आदिच्चेणं मासेणं सरे पन्नरस चउभागाहिगाई मंडलाइं चरति ता आदिच्चेणं मासेणं नक्खत्ते पन्नरस चउभागाहिगाई मंडलाइं चरति पंचतीसं च वीससतभागे मंडलस्स चरति ता अभिवढितेणं मासेणं चंदे पन्नरस मंडलाइं चरति तेसीति य छलसीयसतभागे मंडलस्स ता अभिवढितेणं मासेणं सूरे कति मंडलाइचरति ता सोलस मंडलाइं चरति तिहिं भागेहिं ऊणगाइं दोहिं अडयालेसिं सतेहिं मंडलं छेत्ता ता अभिवढितेण मासेणं नक्खत्ते कति मंडलाइं चरति ता सोलस मंडलाइं चरति सीतालीसएहिं भागेहिं आहियाइं चोद्दसहिं अट्ठासीएहिं सतेहिं मंडलं छेत्ता |
[११८] ता एगमेगेणं अहोरत्तेणं चंदे कति मंडलाइं चरति ता एगं अद्धमंडलं चरति एक्कतीसाए भागेहिं ऊणं नवहिं पन्नरसेहिं सतेहिं अद्धमंडलं छेत्ता ता एगमेगेणं अहोरत्तेणं सूरे कति मंडलाइं चरति ता एगं अद्धमंडलं चरति ता एगमेगेणं अहोरत्तेणं सूरे कति मंडलाइं चरति ता एगं अद्धमंडलं चरति ता एगमेगेणं अहोरत्तेणं नक्खत्ते कति मंडलाइं चरति ता एगं अद्धमंडलं चरति दोहिं भागेहिं अहियं सत्तहिं दुवत्तीसेहिं सतेहिं अद्धमंडलं छेत्ता ता एगमेगं मंडलं चंदे कतिहिं अहोरत्तेहिं चरति ता दोहिं अहोरत्तेहिं चरति एक्कतीसाए भागेहिं अहिएहिं चउहिं बातालेहिं सतेहिं राइंदियं छेत्ता ता एगमेगं मंडलं सूरे दोहिं अहोरत्तेहिं चरति ता एगमेगं मंडलं नक्खत्त दोहिं अहोरत्तेहिं चरति दोहिं भागेहिं ऊणेहिं तिहिं सत्तसद्धेहिं सतेहिं राइंदियं छेत्ता ता जगेणं चंदे अट्ठ चुलसीते मंडलसते चरति ता जुगेणं सूरे नव [दीपरत्नसागर संशोधितः]
[50]
[१७-चंदपन्नत्ति]
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |