Page Text
________________
दोसिणापक्खे० ता कहं ते अंधाकरपक्खातो दोसिणापक्खे दोसिणा बहू आहिताति वदेज्जा ता अंधकारपक्खाओ णं दोसिणापक्खं अयमाणे चंदे चत्तारि बाताले मुहत्तसए छत्तालीसं च बावट्ठिभागे मुहत्तस्स जाइं चंदे विरज्जति तं जहा- पढमाए पढम भागं बितियाए बितियं भागं जाव पन्नरसीए पन्नरसमं भागं एवं खलु अंधकारपक्खताओदोसिणापक्खे दोसिणा बहू आहिताति वदेज्जा, ता केवतिया णं दोसिणापक्खे दोसिणा बहू आहिताति वदेज्जा ता परित्ता असंखेज्जा भागा, ता कया ते अंधकारे बहू आहितेति वदेज्जा ता अंधकारपक्खे णं अंधकारे बहू आहितेति वदेज्जा ता कहं ते अंधकारपक्खे अंधकारे बहू आहितेति वदेज्जा ता दोसिणापक्खातो णं अंधकारपक्खे अंधकारे बहू आहितेति वदेज्जा ता कहं ते दोसिणापक्खातो अंधकारपक्खे अंधकारे बहू आहितेति वदेज्जा ता दोसिणापक्खातो णं अंधकारपक्खं अयमाणे चंदे चत्तारि बाताले मुहुत्तसते छायालीसं च बावट्ठिभागे मुहुत्तस्स जाइं चंदे रज्जति तं जहा- पढमाए पढमं बागं बितियाए बितियं भागं जाव पन्नरसीए पन्नरसमं भागं एवं खलु दोसिणापक्खातो अंधकारपक्खे० अंधकारे ता केवतिए णं अंधकारपक्खे अंधकारे बहू आहितेति वदेज्जा ता परिता असंखेज्जा भागा ।
० मुनि दीपरत्नसागरेण संशोधितः सम्पादित्तश्च चउद्दसमं पाहुडं समत्तं .
पाहुडं-१५
[] पन्नरसमं पाहुडं। [११५]ता कहं ते सिग्धगती वत्थू आहितेति वदेज्जा ता एतेसि णंचंदिम-सूरिय-गहनक्खत्त-तारारूवाणं चंदेहितो सूरा सिग्धगती सूरेहिंतो गहा सिग्घगती गहेहिंतो नक्खत्ता सिग्धगती नक्खत्तेहिंतो तारा सिग्धगती सव्वप्पगती चंदा सव्वसिग्धगती तारा, ता एगमेगेणं मुहत्तेणं चंदे केवतियाइं भागसताइं गच्छति ता जं-जं मंडलं उवसंकमित्ता चारं चरति तस्स-तस्स मंडलपरिक्खेवस्स सत्तरसम अडसहि भागसते गच्छति मंडलं सतसहस्सेणं अट्ठाणउतीए सतेहिं छेत्ता ता एगमेगेणं मुहुत्तेणं सूरिए जं-जं मंडलं उवसंकमित्ताचारं चरति तस्स-तस्स मंडलपरिक्खेवस्स अट्ठारस तीसे भागसते गच्छति मंडलं सतसहस्सेणं अट्ठाणउतीए सतेहिं छेत्ता ता एगमेगेणं मुहुत्तेमं नक्खत्ते जं-जं मंडलं उवसंकमित्ता चारं चरति तस्स-तस्स मंडलपरिक्खेस्स अट्ठारस पणतीसे भागसते गच्छति मंडलं सतसहस्सेण अट्ठाणउतीए सतेहिं छेत्ता ।
[११६] ता जया णं चंदं गतिसमावण्णं सूरे गतिसमावण्णे भवति से णं गतिमाताए केवतियं विसेसेति ता बावट्ठिभागे विसेसेति ता जया णं चंदं गतिसमावण्णं नक्खत्ते गतिसमावण्णे भवति से णं गतिमाताए केवतियं विसेसति ता सत्तद्विभागे विसेसेति ता जया णं सूरं गतिसमावण्णं नक्खत्ते गतिसमावण्णे भवति से णं गतिमाताएकेवतियं विसेसेति ता पंच भागे विसेसेति ता जया णं चंदं गतिसमावण्णं अभीई नक्खत्ते गतिसमावण्णे पुरत्थिमाते भागाते समासादेति समासादेत्ता नव मुहुत्ते सत्तीवासं च सत्तट्ठिभागे मुहुत्तस्स चंदेणं सद्धिं जोयं जोएति जोएत्ता जोयं अनुपरियट्टति अनुपरियाट्टित्ता विजहतिविप्पजहतिविगतजोई याविभवति ताजयाणं चंदं गतिसमावण्णं सवणे नक्खत्तेगतिसमावण्णे पुरत्थिमाते भागाते समासादेति समासादेत्ता तीसंमुहुत्ते चंदेणं सद्धिं जोयं जोएति जोएत्ता जोयंअनुपरियट्टति अनुपरियट्टित्ता विजहति विप्पजहति विगतजोई यावि भवति एवं एतेणं अभिलावेणं नेतव्वं-पन्नरसमुहुत्ताइं तीसइमुहुत्ताई पणयालीसमुहुत्ताइं भणितव्वाइं जाव उत्तरासाढा ता जया णं चंदं
दीपरत्नसागर संशोधितः]
[49]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |