Page Text
________________
सव्वलोयं ओभासति जाव पभासेति- एगे पुण एवमाहंसु-ता तिण्णि चंदा तिण्णि सूरा सव्वलोयं ओभासंति जाव पभासेंति-एगे पुण एवमाहंसु-ता आहुट्ठि चंदा आहुट्ठि सूरा सव्ववोयं ओभासंति जाव पभासेंति-एगे पुण एवमाहंसु-एतेणं अभिलावेण नेतव्वं सत्तं चंदा सत्त सूरा दस चंदा दस सूरा बारस चंदा बारस सूरा बातालीसं चंदा बातालीसं सूरा बावत्तरिं चंदा बावत्तरिं सूरा बातालीस चंदसतं बातालीसं सूरसतं बावत्तरं चंदसतं बावत्तरं सूरसतं बातालीसं चंदसहस्सं बातालीसं सूरसहस्सं बावत्तरं चंदसहस्सं बावत्तरं सूरसहस् सव्वलोयं ओभासंति जाव पभासेंति-वयं पुण एवं वदामो-ता अयण्णं जंबुद्दीवे दीवे सव्वदीवसमुद्दाणं सव्वब्भंतराए जाव परिक्खेवेणं पन्नत्ते ता जंबुद्दीवे दीवे दो चंदा पभासेंसु वा पभासेंति वा पभासिस्संति वा दो सूरिया तवइंसु वा तवइंति वा तवइस्संति वा छप्पन्नं नक्खत्ता जोयं जोएंसु वा जोएंति वा जोइस्संति वा छावत्तरिं गहसत्तं चारं चरिंसु वा चरंति वा चरिस्संति वा एगं सयसहस्सं तेत्तीसंच सहस्सा नव यसया पन्नासा तारागणकोडिकोडीणं सोभं सोभेसुं वा सोमे॑ति वा सोभिस्संति वा ।
[१३४] दो चंदा दो सूरा नक्खत्ता खलु हवंति छप्पण्णा । छावत्तरं गहसतं जंबुद्दीवे विचारी णं
[१३५] एगं च सयसहस्सं तेत्तीसं खलु भवे सहस्साइं । नव य सया पन्नासा तारागणकोडिकोडीणं ।
[१३६ ]ता जंबुद्दीवं णं दीवं लवणे नामं समुद्दे वट्टे वलयागारसंठाणसंठिते सव्वतोसमंता संपरिक्खित्ताणं चिट्ठति ता लवणे णं समुद्दे किं समचक्कवालसंठिते विसमचक्कवालसंठिते ता लवणसमुद्दे समचक्कवालसंठिते नो विसमचक्कवालसंठिते ता लवणसमुद्दे केवतियं चक्कवालविक्खंभेणं केवतियं पाहुडं-१९
परिक्खेवेणं आहितेति वदेज्जा ता दो जोयणसतसहस्साइं चक्कवालविक्खंभेणं पन्नरसजोयणसयसहस्साइं एक्कासीइं च सहस्साई सतं च ऊतालं किंचिविसेसूणं परिक्खेवेणं आहितेति वदेज्जा ता लवणसमुद्दे केवतिया चंदा पभासेंसु वा एवं पुच्छा जाव केवतियाओ तारागणकोडिकोडीओ सोभिंसु वा सो सोभिस्संति वा ता लवणे णं समुद्दे चत्तारि चंदा पभासेंसु वा पभासेंति वा पभासिस्संति वा च सूरिया तवइंसु वा तवइंति वा तवइस्संति वा बारस नक्खत्तसतं जोयं जोएंसु वा जोएंति वा जोइस्संति वा तिण्णि बावण्णा महग्गहसता चारं चरिसुं वा चरंति वा चरिस्संति वा दो सतसहस्सा सतट्ठि च सहसा नव य सता तारागणकोडिकोडीणं सोभं सोभिंसु वा सोर्भेति वा सोभिस्संति वा ।
[१३७] पन्नरस सतसहस्सा एक्कासीतं सतं च ऊतालं । किंचिविसेसेणूणो लवणो-दधिणो परिक्खेवो |
[१३८] चत्तारि चेव चंदा चत्तारि य सूरिया लवणतोए । बारस नक्खत्तसयं गहाण तिण्णेव बावण्णा
[१३९] दो चेव सतसहस्सा सत्तट्ठि खलु भवे सहस्साइं । नव य सता लवणजले तारागणकोडिकोडीणं ।
[१४०]ता लवणसमुद्दं धायईसंडे नामं दीवे वट्टे वलयागारसंठाणसंठिते तहेव जाव नो विसमचक्कवालसंठिते धायईसंडे णं दीवे केवतियं चक्कवालविक्खंभेणं केवतियं परिक्खेवेणं आहितेति वदेज्जा ता चत्तारि जोयणसतसहस्साइं चक्कवालविक्खंभेणं ईतालीसं जोयणसतसहस्साइं दस य सहस्साइं नव यएगट्ठे जोयणसते किंचिविसेसूणे परिक्खेवेणं आहितेति वदेज्जा घायईसंडे दीवे केवतिया चंदा पभासेंसु [दीपरत्नसागर संशोधितः ]
[55]
[१७-चंदपन्नत्ति]
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |