Page Text
________________
[६९] उत्तमा य सुनक्खत्ता एलावच्चा जसोधरा ।
सोमणसा चेव तहा सिरिसंभूया य बोद्धव्वा । [७०] विजया य वेजयंति जयंति अपराजिया य इच्छा य ।
समाहारा चेव तहा तेया य तहा य अतितेया । [७१] देवाणंदा राति रयणीणं नामधेज्जाई
० दसमे पाहुड़े चउद्दसमं पाहुडपाहुई समत्तं .
[] पन्नरसमं पाहुडपाहुडं । [७२] ता कहं ते तिही आहितेति वदेज्जा तत्थ खलु इमा दुविहा तिही पन्नत्ता तं जहादिवसतिही य रातितिही य ता कहं ते दिवसतिही ता एगमेगस्स णं पक्खस्स पन्नरस-पन्नरस दिवसतिही तं जहा- नंदे भद्दे जए तुच्छे पुण्णे पक्खस्सपंचमी पुणरवि णंदे भद्दे जए तुच्छे पुन्ने पक्खस्स दसमी पुणरवि-णंदे भद्दे जए तुच्छे पुन्ने पक्खस्स पन्नरसी एवं ते तिगुणा तिहीओ सव्वेसिं दिवसाणं ता कहं ते रातितिही ता एगमेगस्स णं पक्खस्स पन्नरस-पन्नरस रातितिही तं जहा- उग्गवई भोगवई जसवई सव्वसिद्धा सुहनामा पुणरवि-उग्गवई भोगवई जाव सुहणामा पुणरवि-उग्गवई भोगवई जाव सुहनामा एवं एते तिगुणा तिहीओ सव्वासिं रातिणं ।।
० दसमे पाहुडे पन्नरसमं पाहुडपाहुई समत्तं .
सोलसमं पाहुडपाहुडं । [७३] ता कहं ते गोत्ता आहिताति वदेज्जा ता एतेसि णं अट्ठावीसाए नक्खत्ताणं अभीई नक्खत्ते किंगोत्ते पन्नत्ते ता मोग्गलायणसगोत्ते पन्नत्ते ता सवणे नक्खत्ते संखायणसगोत्ते पन्नत्ते ता धणिट्ठा नक्खत्ते अग्गभावसगोत्ते पन्नत्ते ता सतभिसया नक्खत्ते कण्णिलायसगोत्तेपन्नत्ते ता पुव्वापोद्ववया नक्खत्ते जाउकण्णियसगोत्ते पन्नत्ते ता उत्तरापोद्ववया नक्खत्ते धणंजयसगोत्ते पन्नत्ते ता रेवती नक्खत्ते पुस्सायणसगोत्ते पन्नत्ते ता अस्सिणी नक्खत्ते अस्सायणसगोत्ते पन्नत्ते ता भरणी नक्खत्ते भग्गवेससगोत्ते पन्नत्ते ता कत्तिया नक्खत्ते अग्गिवेससगोत्ते पन्नत्ते ता रोहिणी नक्खत्ते गोयमस-गोत्ते पन्नत्ते ता संठाणा नक्खत्ते भारद्दायसगोत्ते पन्नत्ते ता अद्दा नक्खत्ते लोहिच्चायणसगोत्ते पन्नत्ते ता पुणव्वसू नक्खत्ते वासिट्ठसगोत्ते पन्नत्ते ता पुस्से नक्खत्ते ओमज्जायणसगोत्ते पन्नत्ते ता अस्सेसा नक्खत्ते मंडव्वयणसगोत्ते पन्नत्ते ता महा नक्खत्ते पिंगायणसगोत्ते पन्नत्ते ता पुव्वाफग्गुणी नक्खत्ते गोवल्लायणसगोत्ते पन्नत्ते ता उत्तराफग्गुणी नक्खत्ते कासवसगोत्ते पन्नत्ते ता हत्थे नक्खत्ते कोसियसगोत्ते पन्नत्ते ता चित्ता नक्खत्ते पाहुडं-१०, पाहुडपाहुडं-१६
दब्भियायणसगोत्ते पन्नत्ते ता साती नक्खत्ते चामरच्छायणसगोत्ते पन्नत्ते ता जेट्ठा नक्खत्ते तिगिच्छायण-सगोत्ते पन्नत्ते ता मूले नक्खत्ते कच्चायणसगोत्ते पन्नत्ते ता पुव्वा साढा नक्खत्ते वज्झियायणसगोत्ते पन्नत्ते ता उत्तरासाढा नक्खत्ते वग्घावच्चसगोत्ते पन्नत्ते ।
० दसमे पाहुडे सोलसमं पाहुडपाहुडं समत्तं .
दीपरत्नसागर संशोधितः]
[33]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |