Page Text
________________
सतं - ५, वग्गो, सत्तंसत्तं-, उद्देसो-७
समयं, उक्कोसेणं आवलियाए असंखेज्जइभागं ।
[२५८] एयस्स णं भंते! दव्वट्ठाणाउयस्स खेत्तट्ठाणाउयस्स ओगाहणट्ठाणाउयस्स भावट्ठाणाउयस्स कयरे कयरेहिंतो जाव विसेसाहिया वा? गोयमा ! सव्वत्थोवे खेत्तट्ठाणाउए, ओगाहणट्ठाणाउए असंखेज्जगुणे, दव्वट्ठाणाउए असंखेज्जगुणे, भावट्ठाणाउए असंखेज्जगुणे । खेत्तोगाहण-दव्वे भावट्ठाणाउयं च अप्पबहुं । खेत्ते सव्वत्थोवे सेसा ठाणा असंखेज्जा ।।
[२५९]
[२६०]नेरइया णं भंते! किं सारंभा सपरिग्गहा ? उदाहु अणारंभा अपरिग्गहा? गोयमा ! नेरइया सारंभा सपरिग्गहा, नो अणारंभा णो अपरिग्गहा ।
से केणट्ठेणं जाव अपरिग्गहा? गोयमा ! नेरइया णं पुढविकायं समारंभंति जाव तसकायं समारंभंति, सरीरा परिग्गहिया भवंति, कम्मा परिग्गहिया भवंति, सचित्त- अचित्त-मीसयाइं दव्वाइं परिग्गहियाइं भवंति; से तेणट्ठेणं तं चेव ।
असुरकुमारा णं भंते! किं सारंभा सपरिग्गहा ? उदाहु अणारंभा अपरिग्गहा? गोयमा ! असुरकुमारा सारंभा सपरिग्गहा, नो अणारंभा अपरिग्गहा ।
से केणट्ठेणं.? गोयमा! असुरकुमारा णं पुढविकायं समारंभंति जाव तसकायं समारंभंति, सरीरा परिग्गहिया भवंति, कम्मा परिग्गहिया भवंति भवणा परि. भवंति देवा देवीओ मणुस्सा मणुस्सीओ तिरिक्खजोणिया तिरिक्खजोणिणीओ परिग्गहियाओ भवंति, आसण-सयण- भंडमत्तोवगरणा परिग्गहिया भवंति, सचित्त-अचित्त-मीसयाइं दव्वाइं परिग्गहियाइं भवंति से तेणट्ठेणं तहेव ।
एवं जाव थणियकुमारा ।
एगिंदिया जहा नेरइया ।
बेइंदिया णं भंते! किं सारंभा सपरिग्गहा ? तं चेव जाव सरीरा परिग्गहिया भवंति, बाहिरया भंडमत्तोवगरणा परि. भवंति, सचित्तअचित्त. जाव भवति ।
एवं जाव चउरिंदिया ।
पंचेंदियतिरिक्खजोणिया णं भंते! तं चेव जाव कम्मा परिग्गहिया भवंति, टंका कूडा सेला सिहरी पब्भारा परिग्गहिया भवंति, जल-थल - बिल-गुहलेणा परिग्गहिया भवंति, उज्झर-निज्झर-चिल्ललपल्लल-वप्पिणा परिग्गहिया भवंति, अगड-तडाग- दह- नदीओ वावि-पुक्खरिणी-दीहिया गुंजालिया सरा सरपंतियाओ सरसरपंतियाओ बिलपंतियाओ परिग्गहियाओ भवंति, आराम-उज्जाणा काणणा वणाई वणसंडाई वणराईओ परिग्गहियाओ भवंति, देवउल सभा - पवा थूभा खातिय परिखाओ परिग्गहियाओ भवंति, पागारऽट्टालग-चरिया-दार गोपुरा परिग्गहिया भवंति, पासाद-घर-सरण - लेण-आवणा परिग्गहिता भवति, सिंघाडगतिग-चठक्क-चच्चर - चउम्मुह-पहपहा परिग्गहिया भवंति, सगड-रह- जाण - जुग्गगिल्लि - थिल्लि-सीयसंदमाणियाओ परिग्गहियाओ भवंति, लोही-लोहकडाह - कडच्छ्रया परिग्गहिया भवंति भवणा परिग्गहिया भवंति, देवा देवीओ मणुस्सा मणुस्सीओ तिरिक्खजोणिया तिरिक्खजोणिणीओ आसण-सयण-खंभ-भंडसचित्त- अचित्त-मीसयाइं दव्वाइं परिग्गहियाइं भवंति से तेणट्ठेणं. ।
जहा तिरिक्खजोणिया तहा मणुस्सा वि भाणियव्वा । वाणमंतर जोतिस-वेमाणिया जहा भवणवासी तहा नेयव्वा ।
[95]
[दीपरत्नसागर संशोधितः ]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |