Page Text
________________
सतं - ५, वग्गो, सत्तंसत्तं-, उद्देसो-७
[२६१] पंच हेतू पण्णत्ता, तं जहा-हेतुं जाणति, हेतुं पासति हेतुं बुज्झति, हेतुं अभिसमागच्छति, हेतुं छउमत्थमरणं मरति।
पंचेव हेतू पण्णत्ता, तं जहा - हेतुणा जाणति जाव हेतुणा छुमत्थमरणं मरति । जहा - हेतुं न जाणइ जाव हेतुं अण्णाणमरणं मरति ।
पंच हेतू पण्णत्ता, तं पंच हेतू पण्णत्ता, तं जहा - हेतुणा ण जाणति जाव हेतुणा अण्णाणमरणं मरति । पंच अहेऊ पण्णत्ता, तं जहा अहे जाणइ जाव अहे केवलिमरणं मरति । पंच अहेऊ पण्णत्ता, तं जहा - अहेउणा जाणइ जाव अहेउणा केवलिमरणं मरइ । पंच अहेऊ पण्णत्ता, तं जहा अहेठं न जाणइ जाव अहेठं छउमत्थमरणं मरइ । पंच अहेऊ पण्णत्ता, तं जहा अहेउणा न जाणइ जाव अहेउणा छउमत्थमरणं मरइ । सेवं भंते! सेवं भंते! त्ति ।
* पंचमे सए सत्तमो उद्देसो समत्तो*
० अट्ठमो उद्देसो 0
[२६२]तेणं कालेणं तेणं समएणं जाव परिसा पडिगता । तेणं कालेणं तेणं समएणं समणस्स भगवओ महावीरस्स अंतेवासी नारयपुत्ते नामं अणगारे पगतिभद्दए जाव विहरति ।
तेणं कालेणं तेणं समएणं समणस्स भगवओ महावीरस्स अंतेवासी नियंठिपुत्ते णामं अणगारे पगतिभद्दए जाव विहरति ।
तणं से नियंठिपुत्ते अणगारे जेणामेव नारयपुत्ते अणगारे तेणेव उवागच्छति, उवागच्छित्ता नारयपुत्तं अणगारं एवं वदासी- सव्वपोग्गला ते अज्जो! किं सअड्ढा समज्झा सपदेसा? उदाहु अड्ढा अमज्झा अपएसा? 'अज्जो' त्ति नारयपुत्ते अणगारे नियंठिपुत्तं अणगारं एवं वदासीसव्वपोग्गला मे अज्जो ! सअड्ढा समज्झा सपदेसा, नो अणड्ढा अमज्झा अपएसा ।
तणं से नियंठिपुत्ते अणगारे नारदपुत्तं अणगारं एवं वदासी-जति णं ते अज्जो ! सव्वपोग्गला सअड्ढा समज्झा सपदेसा, नो अणड्ढा अमज्झा अपदेसा; किं दव्वादेसेणं अज्जो ! सव्वपोग्गला सअड्ढा समज्झा सपदेसा, नो अणड्ढा अमज्झा अपदेसा? खेत्तादेसेणं अज्जो ! सव्वपोग्गला सअड्ढा समज्झा सपदेसा? तह चेव । कालादेसेणं.? तं चेव । भावादेसेणं अज्जो !.? तं चेव ।
तए णं से नारयपुत्ते अणगारे नियंठिपुत्तं अणगारं एवं वदासीदव्वादेसेण वि मे अज्जो! सव्वपोग्गला सअड्ढा समज्झा सपदेसा, नो अणड्ढा अमज्झा अपदेसा; खेत्ता
सेण वि सव्वपोग्गला सअड्ढा. ; तह चेव कालादेसेण वि; तं चेव भावादेसेण वि ।
तए णं से नियंठिपुत्ते अणगारे नारयपुत्तं अणगारं एवं वयासी - जति णं अज्जो ! दव्वादेसेणं सव्वपोग्गला सअड्ढा समज्झा सपएसा, नो अणड्ढा अमज्झा अपएसा; एवं ते परमाणुपोग्गले वि सअड्ढे समज्झे सपएसे, णो अणड्ढे अमज्झे अपएसे; जति णं अज्जो ! खेत्तासेण वि सव्वपोग्गला सअ०३, जाव एवं ते एगपदेसोगाढे वि पोग्गले सअड्ढे समज्झे सपदेसे; जति णं अज्जो ! कालादेसेणं सव्वपोग्गला सअड्ढा समज्झा सपएसा, एवं ते एगसमयठितीए वि पोग्गले ३ तं चेव; जति णं अज्जो ! भावादेसेणं सव्वपोग्गला सअड्ढा समज्झा सपएसा ३ एवं ते एगगुणकालए वि पोग्गले सअड्ढे ३ [दीपरत्नसागर संशोधितः ]
[५-भगवई]
[96]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |