Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 94

सतं-५, वग्गो- ,सत्तंसत्तं- , उद्देसो-७
से णं तत्थ छिज्जेज्ज वा भिज्जेज्ज वा? गोयमा! अत्थेगइए छिज्जेज्ज वा भिज्जेज्ज वा, अत्थेगइए नो छिज्जेज्ज वा नो भिज्जेज्ज वा।
एवं अगणिकायस्स मज्झंमज्झेणं। तहिं णवरं 'झियाएज्जा' भाणितव्वं। एवं पुक्खलसंवट्टगस्स महामेहस्स मज्झंमज्झेणं। तहिं उल्ले सिया'।
एवं गंगाए महाणदीए पडिसोतं हव्वमागच्छेज्जा। तहिं 'विणिघायमावज्जेज्जा, उदगावतं वा उदगबिंद् वा ओगाहेज्जा, से णं तत्थ परियावज्जेज्जा'।
[२५५]परमाणुपोग्गले णं भंते! किं सअड्ढे समज्झे सपदेसे? उदाह अणड्ढे अमज्झे अपदेसे? गोतमा! अणड्ढे अमज्झे अपदेसे, नो सअड्ढे नो समज्झे नो सपदेसे।
दुपदेसिए णं भंते! खंधे किं सअद्धे समज्झे सपदेसे? उदाह अणद्धे अमज्झे अपदेसे? गोयमा! सअद्धे अमज्झे सपदेसे, णो अणद्धे णो समज्झे णो अपदेसे।
तिपदेसिए णं भंते! खंधे. पुच्छा। गोयमा! अणद्धे समज्झे सपदेसे, नो सअद्धे णो अमज्झे णो अपदेसे।
जहा दुपदेसिओ तहा जे समा ते भाणियव्वा। जे विसमा ते जहा तिपएसिओ तहा भाणियव्वा।
संखेज्जपदेसिए णं भंते! खंधे किं सअड्ढे ६, पुच्छा। गोयमा! सिय सअद्धे अमज्झे सपदेसे, सिय अणड्ढे समज्झे सपदेसे।
जहा संखेज्जपदेसिओ तहा असंखेज्जपदेसिओ वि, अणंतपदेसिओ वि।
[२५६]परमाणुपोग्गले णं भंते! परमाणुपोग्गलं फुसमाणे किं देसेणं देसं फुसति? देसेणं देसे फुसति? देसेणं सव्वं फुसति? देसेहिं देसं फुसति? देसेहिं देसे फुसति? देसेहिं सव्वं फुसति? सव्वेणं देसं फुसति? सव्वेणं देसे फुसति? सव्वेणं सव्वं फुसति? गोयमा! नो देसेणं देसं फुसति, नो देसेणं देसे फुसति, नो देसेणं सव्वं फुसति, णो सव्वेणं देसं फुसति, णो सव्वेणं देसे फुसति, सव्वेणं सव्वं फुसति।
एवं परमाणुपोग्गले दुपदेसियं फुसमाणे सत्तम-णवमेहिं फुसति। परमाणुपोग्गले तिपदेसियं फुसमाणे निप्पच्छिमएहिं तिहिं फुसति। जहा परमाणपोग्गलो तिपदेसियं फसाविओ एवं फसावेयव्वो जाव अणंतपदेसिओ। दुपदेसिए णं भंते! खंधे परमाणुपोग्गलं फुसमाणे. पुच्छा? ततिय-नवमेहिं फुसति। दुपएसिओ दुपदेसियं फुसमाणो पढम-तइय-सत्तम-णवमेहिं फुसति।
दुपएसिओ तिपदेसियं फुसमाणो आदिल्लएहि य पच्छिल्लएहि य तिहिं फुसति, मज्झिमएहिं तिहिं वि पडिसेहेयव्वं।
दुपदेसिओ जहा तिपदेसियं फुसावितो एवं फुसावेयव्वो जाव अणंतपदेसियं। तिपदेसिए णं भंते! खंधे परमाणुपोग्गलं फुसमाणे. पुच्छा। ततिय-छट्ठ-नवमेहिं फुसति। तिपदेसिओ दुपदेसियं फुसमाणो पढमएणं ततियएणं चउत्थ-छट्ठसत्तम-णवमेहिं फुसति। तिपदेसिओ तिपदेसियं फुसमाणो सव्वेसु वि ठाणेसु फुसति। जहा तिपदेसिओ तिपदेसियं फुसावितो एवं तिपदेसिओ जाव अणंतपएसिएणं संजोएयव्वो। जहा तिपदेसिओ एवं जाव अणंतपएसिओ भाणियव्वो।
[दीपरत्नसागर संशोधितः]
[93]
[५-भगवई