________________
सतं-५, वग्गो- ,सत्तंसत्तं- , उद्देसो-६
एतेणं गमेणं नेयव्वं-कीयकडं ठवियगं रइयगं कंतारभत्तं दुब्भिक्खभतं वद्दलियाभत्तं गिलाणभत्तं सिज्जातरपिंडं रायपिंडं।
आहाकम्मं णं अणवज्जेत्ति बहुजणमज्झे भासित्ता सयमेव परि जित्ता भवति, से णं तस्स ठाणस्स जाव अत्थि तस्स आराहणा।
एयं पि तह चेव जाव रायपिंडं।
आहाकम्मं णं अणवज्जे' ति सयं अन्नमन्नस्स अणुप्पदावेत्ता भवति, से णं तस्स. एयं तह चेव जाव रायपिंडं।
आहाकम्मं णं अणवज्जे' ति बहुजणमज्झे पन्नवइत्ता भवति, से णं तस्स जाव अत्थि आराहणा जाव रायपिंडं।
[२५१]आयरिय-उवज्झाए णं भंते! सविसयंसि गणं अगिलाए संगिण्हमाणे अगिलाए उवगिण्हमाणे कतिहिं भवग्गहणेहिं सिज्झति जाव अंतं करेति? गोतमा! अत्थेगइए तेणेव भवग्गहणेणं सिज्झति, अत्थेगइए दोच्चेणं भवग्गहणेणं सिज्झति, तच्चं पुण भवग्गहणं नातिक्कमति।
[२५२] जे णं भंते! परं अलिएणं असब्भूएणं अब्भक्खाणेणं अब्भक्खाति तस्स णं कहप्पगारा कम्मा कज्जति? गोयमा! जे णं परं अलिएणं असंतएणं अब्भक्खाणेणं अब्भक्खाति तस्स णं तहप्पगारा चेव कम्मा कज्जंति, जत्थेव णं अभिसमागच्छति तत्थेव णं पडिसंवेदेति, ततो से पच्छा वेदेति। सेवं भंते! २ ति.।
*पंचम सए छठ्ठो उद्देसो समत्तो
0 सत्तमो उद्देसो 0 [२५३]परमाणुपोग्गले णं भंते! एयति वेयति जाव तं तं भावं परिणमति? गोयमा! सिय एयति वेयति जाव परिणमति, सिय णो एयति जाव णो परिणमति।
दुपदेसिए णं भंते! खंधे एयति जाव परिणमइ? गोयमा! सिय एयति जाव परिणमति, सिय णो एयति जाव णो परिणमति; सिय देसे एयति, देसे नो एयति।
तिपदेसिए णं भंते! खंधे एयति.? गोयमा! सिय एयति, सिय नो एयति, सिय देसे एयति, नो देसे एयति, सिए देसे एयति, नो देसा एयंति, सिय देसा एयंति, नो देसे एयति।
चठप्पएसिए णं भंते! खंधे एयति.? गोयमा! सिय एयति, सिय नो एयति, सिय देसे एयति, णो देसे एयति, सिय देसे एयति, णो देसा एयंति, सिय देसा एयंति, नो देसे एयति, सिय देसा एयंति, नो देसा एयंति।
जहा चप्पदेसिओ तहा पंचपदेसिओ, तहा जाव अणंतपदेसिओ। [२५४]परमाणुपोग्गले णं भंते! असिधारं वा खुरधारं वा ओगाहेज्जा? हंता, ओगाहेज्जा।
से णं भंते! तत्थ छिज्जेज्ज वा भिज्जेज्ज वा? गोतमा! णो इणढे समठे, नो खलु तत्थ सत्थं कमति।
एवं जाव असंखेज्जपएसिओ। अणंतपदेसिए णं भंते! खंधे असिधारं वा खुरधारं वा ओगाहेज्जा? हंता, ओगाहेज्जा।
[दीपरत्नसागर संशोधितः]
[92]
[५-भगवई]
