Page Text
________________
सतं-५, वग्गो- ,सत्तंसत्तं- , उद्देसो-५
भूयं वेदणं वेदेति। से तेणठेणं. एवं जाव वेमाणिया। संसारमंडलं नेयव्वं।
[२४३]जंबुद्दीवे णं भंते इह भारहे वासे इमीसे ओसप्पिणीए समाए कइ कुलगरा होत्था, गोयमा! सत्त एव तित्थयरमायरो पियरो पढमा सिस्सिणीओ चक्कवट्टिमायरो इत्थिरयणं बलदेवा वासुदेवा वासुदेवमारो बलदेव वासुदेव पियरो एएसिं पडिसत्तु जहा समवाए परिवाडी तहा नेयव्वा सेवं भंते! सेवं भंते! ति जाव विहरइ।।
पंचम सए पंचमो उद्देसो समतो.
0 छट्ठो उद्देसो0 [२४४]कहं णं भंते! जीवा अप्पाउयत्ताए कम्म पकरेंति? गोतमा! तिहिं ठाणेहिं, तं जहा-पाणे अइवाएता, मुसं वइत्ता, तहारूवं समणं वा माहणं वा अफासुएणं अणेसणिज्जेणं असण-पाण-खाइम-साइमेणं पडिलाभेत्ता, एवं खलु जीवा अप्पाउयत्ताए कम्म पकरेंति।
कहं णं भंते! जीवा दीहाउयत्ताए कम्मं पकरेंति? गोयमा! तिहिं ठाणेहिं-नो पाणे अतिवाइत्ता, नो मुसं वदिता, तहारूवं समणं वा माहणं वा फासुएसणिज्जेणं असण-पाण-खाइम-साइमेणं पडिलाभेत्ता, एवं खलु जीवा दीहाउयत्ताए कम्मं पकरेंति।
___कहं णं भंते! जीवा असुभदीहाउयत्ताए कम्मं पकरेंति? गोयमा! पाणे अतिवाइत्ता, मुसं वइत्ता, तहारूवं समणं वा माहणं वा हीलित्ता निंदिता खिसित्ता गरहिता अवमन्निता, अन्नतरेणं अमणुण्णेणं अपीतिकारएणं असण-पाणखाइमसाइमेणं पडिलाभेत्ता, एवं खलु जीवा असुभदीहाउयत्ताए कम्म पकरेंति।
कहं णं भंते! जीवा सुभदीहाउयत्ताए कम्म पकरेंति? गोयमा! नो पाणे अतिवातिता, नो मुसं वइत्ता, तहारूवं समणं वा माहणं वा वंदित्ता नमंसित्ता जाव पज्जुवासित्ता, अन्नतरेणं मणुण्णेणं पीतिकारएणं असण-पाण-खाइमसाइमेणं पडिलाभेत्ता, एवं खलु जीवा सुभदीहाउयत्ताए कम्म पकरेंति।
[२४५]गाहावतिस्स णं भंते! भंडं विक्किणमाणस्स केइ भंडं अवहरेज्जा, तस्स णं भंते! तं भंडं अणुगवेसमाणस्स किं आरंभिया किरिया कज्जइ? पारिग्गहिया., मायावत्तिया., अपच्चक्खा., मिच्छांदसण.? गोयमा! आरंभिया किरिया कज्जइ, पारि., माया., अपच्च.; मिच्छादंसणकिरिया सिय कज्जति, सिय नो कज्जति। अह से भंडे अभिसमन्नागते भवति ततो से पच्छा सव्वाओ ताओ पयुणुईभवंति।
गाहावतिस्स णं भंते! भंडं विक्किणमाणस्स कइए भंडं सातिज्जेज्जा, भंडे य से अणुवणीए सिया, गाहावतिस्स णं भंते! ताओ भंडाओ किं आरंभिया किरिया कज्जइ जाव मिच्छादसणवत्तिया किरिया कज्जइ? कइयस्स वा ताओ भंडाओ किं आरंभिया किरिया कज्जइ जाव मिच्छादंसणवत्तिया किरिया कज्जइ? गोयमा! गाहावतिस्स ताओ भंडाओ आरंभिया किरिया कज्जइ जाव अपच्चक्खाणिया; मिच्छादसणवत्तिया किरिया सिय कज्जइ, सिय नो कज्जइ। कइयस्स णं ताओ सव्वाओ पयणुईभवंति।
गाहावतिस्स णं भंते! भंडं विक्किणमाणस्स जाव भंडे से उवणीए सिया, कइयस्स णं भंते! ताओ भंडाओ किं आरंभिया किरिया कज्जति.? गाहावतिस्स वा ताओ भंडाओ किं आरंभिया किरिया कज्जति.? गोयमा! कइयस्स ताओ भंडाओ हेट्ठिल्लाओ चत्तारि किरियाओ कज्जति, मिच्छादसणकिरिया भयणाए। गाहावतिस्स णं ताओ सव्वाओ पयणुईभवंति।
गाहावतिस्स णं भंते! भंडं जाव धणे य से अणुवणीए सिया.? एयं पि जहा 'भंडे उवणीते'
[दीपरत्नसागर संशोधितः]
[90]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |