Page Text
________________
सतं-५, वग्गो- ,सत्तंसतं- , उद्देसो-४
तिरि., मणु., देवाऽयं वा। नेरइयाउयं पकरेमाणे सत्तविहं पकरेइ, तं जहा-रयणप्पभापुढविनेरइयाउयं वा जाव अहेसत्तमापुढविनेरइयाउयं वा। तिरिक्खजोणियाउयं पकरेमाणे पंचविहं पकरेइ, तं जहा-एगिंदिय तिरिक्खजोणियाउयं वा, भेदो सव्वो भाणियव्यो। मणुस्साउयं दुविहं। देवाऽयं चठव्विहं। सेवं भंते! सेवं भंते! त्ति.।
पंचम सए तइओ उद्देसो समतो.
0चउत्थो उद्देसो [२२५]छउमत्थे णं भंते! मणुस्से आइडिज्जमाणाइं सद्दाइं सुणेति, तं जहा-संखसद्दाणि वा, सिंगसदाणि वा, संखियसहाणि वा, खरमहिसहाणि वा, पोयासदाणि वा, परिपिरियासदाणि वा, पणवसाणि पडहसद्दाणि वा, भंभासदाणि वा, होरंभसद्दाणि वा, भेरिसद्दाणि वा, झल्लरिसदाणि वा, दुंदुभिसद्दाणि वा, तताणि वा, वितताणि वा, घणाणि वा, झुसिराणि वा? हंता, गोयमा! छठमत्थे णं मणूसे आउडिज्जमाणाई सद्दाई सुणेति, तं जहा-संखसद्दाणि वा जाव झुसिराणि वा।
ताई भंते! किं पुट्ठाई सुणेति? अपुट्ठाई सुणेति? गोयमा! पुट्ठाई सुणेति, नो अपुट्ठाई सुणेति जाव णियमा छद्दिसिं सुणेति।।
छउमत्थे णं भंते! मणुस्से किं आरगताइं सद्दाइं सुणेइ? पारगताई सद्दाइं सुणेइ? गोयमा! आरगयाइं सद्दाइं सुणेइ, नो पारगयाइं सद्दाइं सुणेइ।
जहा णं भंते! छठमत्थे मणुस्से आरगयाइं सद्दाइं सुणेइ, नो पारगयाइं सद्दाइं सुणेइ तहा णं भंते! केवली किं आरगयाइं सद्दाई सुणेइ, नो पारगयाइं सद्दाइं सुणेइ? गोयमा! केवली णं आरगयं वा पारगयं वा सव्वदूरमूलमणंतियं सदं जाणइ पासइ।
__ से केणठेणं तं चेव केवली णं आरगयं वा जाव पासइ? गोयमा! केवली णं पुरत्थिमेणं मियं पि जाणइ, अमियं पि जाणइ; एवं दाहिणेणं, पच्चत्थिमेणं, उत्तरेणं, उड्ढं, अहे मियं पि जाणइ, अमियं पि जाणइ, सव्वं जाणइ केवली, सव्वं पासइ केवली, सव्वतो जाणइ पासइ, सव्वकालं जा. पा., सव्वभावे जाणइ केवली, सव्वभावे पासइ केवली, अणंते नाणे केवलिस्स, अणंते दंसणे केवलिस्स, निव्वुडे नाणे केवलिस्स, निव्वुड़े दंसणे केवलिस्स। से तेणठेणं जाव पासइ।
[२२६] छउमत्थे णं भंते! मणुस्से हसेज्ज वा? उस्सुआएज्ज वा? हंता, हसेज्ज वा, उस्सुयाएज्ज वा।
जहा णं भंते! छठमत्थे मणुस्से हसेज्ज वा उस्सु. तहा णं केवली वि हसेज्ज वा, उस्सुयाएज्ज वा? गोयमा! नो इणठे समठे।
से केणठेणं भंते! जाव नो णं तहा केवली हसेज्ज वा, उस्सुयाएज्ज वा? गोयमा!
जं णं जीवा चरित्तमोहणिज्जकम्मस्स उदएणं हसंति वा उस्सुयायंति वा, से णं केवलिस्स नत्थि, से तेणठेणं जाव नो णं तहा केवली हसेज्ज वा, उस्सुयाएज्ज वा।
जीवे णं भंते! हसमाणे वा उस्सुयमाणे वा कति कम्मपगडीओ बंधति? गोयमा! सत्तविहबंधए वा अट्ठविहबंधए वा।
एवं जाव वेमाणिए।
[दीपरत्नसागर संशोधितः]
[85]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |