Page Text
________________
सतं-५, वग्गो- ,सत्तंसतं- , उद्देसो-२
अह भंते! अट्ठी अट्ठिज्झामे, चम्मे चम्मज्झामे, रोमे रोमज्झामे, सिंगे सिंगज्झामे, खुरे खुरज्झामे, नखे नखज्झामे, एते णं किंसरीरा ति वत्तव्वं सिया? गोयमा! अट्ठी चम्मे रोमे सिंगे खुरे नहे, एए णं तसपाणजीवसरीरा। अट्ठीज्झामे चम्मज्झामे रोमज्झामे सिंगज्झामे खुरज्झामे णहज्झामे, एए णं पुव्वभावपण्णवणं पडुच्च तसपाणजीवसरीरा, ततो पच्छा सत्थातीता जाव अगणि. जाव सिया।
अह भंते! इंगाले छारिए भुसे गोमए, एए णं किंसरीरा ति वत्तव्वं सिया? गोयमा! इंगाले छारिए भुसे गोमए एए णं पुव्वभावपण्णवणाए एगिंदियजीवसरीरप्पओगपरिणामिया वि जाव पंचिंदियजीवसरीरप्पओगपरिणामिया वि, तओ पच्छा सत्थातीया जाव अगणिजीवसरीरा ति वत्तव्वं सिया।
२२२]लवणे णं भंते! समुद्दे केवतियं चक्कवालविक्खंभेणं पन्नते? एवं नेयव्वं जाव लोगढ़िती लोगाणुभावे। सेवं भंते! सेवं भंते! ति भगवं जाव विहरति।
*पंचम सए बिडओ उदेसो समत्तो .
0 तइओ उद्देसो0 [२२३]अण्णउत्थिया णं भंते! एवमाइक्खंति भा. प. एवं परूवेंति-से जहानामए जालगंठिया सिया आणुपुध्विगढिया अणंतरगढिया परंपरगढिता अन्नमन्नगढिता अन्नमन्नगुरुयत्ताए अन्नमन्नभारियत्ताए अन्नमन्नगुरुयसंभारियताए अन्नमन्नघडताए चिट्ठति, एवामेव बहूणं जीवाणं बहूसु आजाति सहस्सेसु बहूई आउयसहस्साई आणुपुस्विगढियाई जाव चिट्ठति। एगे वि य णं जीवे एगेणं समएणं दो आउयाई पडिसंवेदयति, तं जहा-इहभवियाऽयं च परभवियाउयं च; जं समयं इहभवियाऽयं पडिसंवेदेइ तं समयं परभवियाऽयं पडिसंवेदेइ, जाव से कहमेयं भंते! एवं? गोतमा! जं णं ते अन्नउत्थिया तं चेव जाव परभवियाउयं च; जे ते एवमाहंस मिच्छा ते एवमाहंस।
अहं पुण गोयमा! एवमाइक्खामि जाव परूवेमि-जहानामए जालगंठिया सिया जाव अन्नमन्नघडताए चिट्ठति, एवामेव एगमेगस्स जीवस्स बहहिं आजातिसहस्सेहिं बहूई आउयसहस्साई आणुपुव्विगढियाइं जाव चिट्ठति। एगे वि य णं जीवे एगेणं समएणं एगं आठयं पडिसंवेदेइ, तं जहाइहभवियाउयं वा परभवियाऽयं वा, जं समयं इहभवियाउयं पडिसंवेदेइ नो तं समयं पर. पडिसंवेदेति, जं समयं प. नो तं समयं इहभवियाउयं प., इहभवियाउयस्स पडिसंवेयणाए नो परभवियाउयं पडिसंवेदेइ, परभवियाउयस्स पडिसंवेयणाए नो इहभवियाउयं पडिसंवेदेति। एवं खलु एगे जीवे एगेणं समएणं एगं आउयं प.,तं जहा-इहभवियाउयं वा, परभवियाउयं वा।
[२२४]जीवे णं भंते! जे भविए नेरइएसु उववज्जितए से णं भंते! किं साउए संकमति, निराठए संकमति? गोयमा! साउए संकमति, नो निराठए संकमति।
से णं भंते! आठए कहिं कडे? कहिं समाइण्णे? गोयमा! पुरिमे भवे कडे, पुरिमे भवे
समाइण्णे।
एवं जाव वेमाणियाणं दंडओ।
से नूणं भंते! जे जं भविए जोणिं उववज्जित्तए से तमाउयं पकरेइ, तं जहा-नेरतियाऽयं वा जाव देवाउयं वा? हंता, गोयमा! जे जं भविए जोणिं उववज्जित्तए से तमाउयं पकरेइ, तं जहा-नेरइयाउयं वा,
[दीपरत्नसागर संशोधितः]
[84]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |