Page Text
________________
सतं-३, वग्गो - ,सत्तंसत्तं- , उद्देसो-६
0 छट्ठो उद्देसो0 [१९१] अणगारे णं भंते! भावियप्पा मायी मिच्छद्दिट्ठी वीरियलद्धीए वेठब्वियलद्धीए विभंगनाणलद्धीए वाणारसिं नगरिं समोहए, समोहण्णिता रायगिहे नगरे रूवाइं जाणति पासति? हंता, जाणइ पासइ।
से भंते! किं तहाभावं जाणइ पासइ? अन्नहाभावं जाणइ पासइ? गोयमा! णो तहाभावं जाणइ पासइ, अण्णहाभावं जाणइ पासइ।
से केणढेणं भंते! एवं वुच्चइ नो तहाभावं जाणइ पासइ, अन्नहाभावं जाणइ पासइ?। गोयमा! तस्स णं एवं भवति-एवं खलु अहं रायगिहे नगरे समोहए, समोहण्णिता वाणारसीए नगरीए रूवाई जाणामि पासामि, से से दंसणे विवच्चासे भवति, से तेणठेणं जाव पासति।
अणगारे णं भंते! भावियप्पा मायी मिच्छद्दिट्ठी जाव रायगिहे नगरे समोहए, समोहण्णिता वाणारसीए नगरीए रूवाइं जाणइ पासइ? हंता, जाणइ पासइ। तं चेव जाव तस्स णं एवं होइ-एवं खलु अहं वाणारसीए नगरीए समोहए, २ रायगिहे नगरे रूवाइं जाणामि पासामि, से से दंसणे विवच्चासे भवति, से तेणठेणं जाव अन्नहाभावं जाणइ पासइ।
अणगारे णं भंते! भावियप्पा मायी मिच्छद्दिट्ठी वीरियलद्धीए वेठव्वियलद्धीए विभंगणाणलद्धीए वाणारसिं नगरिं रायगिहं च नगरं अंतरा य एगं महं जणवयवग्गं समोहए, २ वाणारसिं नगरिं रायगिहं च नगरं तं च अंतरा एगं महं जणवयवग्गं जाणति पासति? हंता, जाणति पासति।
से भंते! किं तहाभावं जाणइ पासइ? अन्नहाभावं जाणइ पासइ? गोयमा! णो तहाभावं जाणति पासइ, अन्नहाभावं जाणइ पासइ।
से केणठेणं जाव पासइ? गोयमा! तस्स खलु एवं भवति-एस खलु वाणारसी नगरी, एस खलु रायगिहे नगरे, एस खलु अंतरा एगे महं जणवयवग्गे, नो खलु एस महं वीरियलद्धी वेठव्वियलद्धी विभंगनाणलद्धी इड्ढी जुती जसे बले वीरिए पुरिसक्कारपरक्कमे लद्धे पत्ते अभिसमन्नागए, से से दंसणे विवच्चासे भवति, से तेणठेणं जाव पासति।
[१९२]अणगारे णं भंते! भावियप्पा अमायी सम्मद्दिट्ठी वीरियलद्धीए वेठब्वियलद्धीए ओहिनाणलद्धीए रायगिहे नगरे समोहए, २ वाणारसीए नगरीए रूवाइं जाणइ पासइ? हंता।
से भंते! किं तहाभावं जाणइ पासइ? अन्नहाभावं जाणति पासति? गोयमा! तहाभावं जाणति पासति, नो अन्नहाभावं जाणति पासति।
से केणठेणं भंते! एवं बुच्चइ? गोयमा! तस्स णं एवं भवति-एवं खलु अहं रायगिहे नगरे समोहए, समोहण्णिता वाणारसीए नगरीए रूवाइं जाणामि पासामि, से से दंसणे अविवच्चासे भवति, से तेणठेणं गोयमा! एवं वच्चति।
बीओ वि आलावगो एवं चेव, नवरं वाणारसीए नगरीए समोहणावेयव्वो, रायगिहे नगरे रूवाइं जाणइ पासइ।
अणगारे णं भंते! भावियप्पा अमायी सम्मद्दिट्ठी वीरियलद्धीए वेठव्वियलद्धीए ओहिनाणलद्धीए रायगिहं नगरं वाणारसिं च नगरि अंतरा य एगं महं जणवयवग्गं समोहए,२
[दीपरत्नसागर संशोधितः]
[73]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |