________________
सतं-३, वग्गो - ,सत्तंसत्तं- , उद्देसो-५
अणगारेणं भंते! भावियप्पा केवतियाइं पभू एगओपडागहत्थकिच्चगयाइं रूवाइं विकुवित्तए? एवं चेव जाव विकुव्विंसु वा |
एवं दुहओपडागं पि। से जहानामए केइ पुरिसे एगओजण्णोवइतं काउं गच्छेज्जा, एवामेव अणगारे वि भा० एगओजण्णोवइतकिच्चगएणं अप्पाणेणं उड्ढं वेहासं उप्पतेज्जा? हंता, उप्पतेज्जा।
अणगारे णं भंते! भावियप्पा केवतियाइं पभू एगतो जण्णोवतित किच्चगयाइं रूवाई विकुवित्तए? तं चेव जाव विकुव्विंसु वा ३।
एवं दुहओजण्णोवइयं पि।
से जहानामए केइ पुरिसे एगओपल्हत्थियं काउं चिट्ठज्जा एवामेव अणगारे वि भावियप्पा? तं चेव जाव विकुव्विंसु वा ३।
एवं दुहओपल्हत्थियं पि। से जहानामए केयि पुरिसे एगओप लियंकं काठ चिठेज्जा.? तं चेव जाव विकुट्विंसु वा ३| एवं दुहओपलियंक पि।
अणगारे णं भंते! भावियप्पा बाहिरए पोग्गले अपरियाइता पभू एणं महं आसरूवं वा हत्थिरूवं वा सहि-वग्घ-वग-दीविय-अच्छ-तरच्छ-परासरूवं वा अभिमुंजित्तए? णो इणढे समठे, अणगारे णं एवं बाहिरए पोग्गले परियादिता पभू।
अणगारे णं भंते! भावियप्पा एगं महं आसरूवं वा अभिजुजिता [? पभू] अणेगाइं जोयणाई गमित्तए? हंता, पभू।
से भंते! किं आयड्ढीए गच्छति, परिड्ढीए गच्छति? गोयमा! आयड्ढीए गच्छइ, नो परिड्ढीए गच्छड़।
एवं आयकम्मुणा, नो परकम्मुणा। आयप्पयोगेणं, नो परप्पयोगेणं। उस्सिओदगं वा गच्छइ पतोदगं वा गच्छद। से णं भंते! किं अणगारे आसे? गोयमा! अणगारे णं से, नो खलु से आसे। एवं जाव परासररूवं वा।
से भंते! किं मायी विकुव्वति? अमायी विकुव्वति? गोयमा! मायी विकुव्वति, नो अमायी विकुव्वति।
माई णं तस्स ठाणस्स अणालोइयपडिक्कंते कालं करेइ अन्नयरेसु आभिओगिएसु देवलोगेसु देवत्ताए उववज्जइ।
अमाई णं तस्स ठाणस्स आलोइयपडिक्कंते कालं करेइ अन्नयरेसु अणाभिओगिएस् देवलोगेसु देवताए उववज्जइ। सेवं भंते २ ति.।
[१९०] इत्थी असी पडागा जण्णोवइते य होइ बोद्धव्वे । पल्हत्थिय पलियंके अभियोगविक्व्वणा मायी ।।
*तइए सए पंचमो उद्देसो समत्तो*
[दीपरत्नसागर संशोधितः]
[72]
[५-भगवई
