Page Text
________________
सतं-३, वग्गो - ,सत्तंसत्तं- , उद्देसो-४
पभू णं भंते! वाउकाए एगं महं पडागासंठियं रूवं विउव्वित्ता अणेगाई जोयणाई गमित्तए? हंता, पभू।
से भंते! किं आयड्ढीए गच्छइ, परिड्ढीए गच्छइ? गोयमा! आतड्ढीए गच्छइ, णो परिड्ढीए गच्छड़। जहा आयड्ढीए एवं चेव आयकम्मुणा वि, आयप्पओगेण वि भाणियव्वं।
से भंते! किं ऊसिओदयं गच्छइ, पतोदयं गच्छइ? गोयमा! ऊसिओदयं पि गच्छइ, पतोदयं पि गच्छइ।
से भंते! किं एगओपडागं गच्छइ, दुहओपडागं गच्छइ? गोयमा! एगओपडागं गच्छइ, नो दुहओपडागं गच्छइ।
से णं भंते! किं वाउकाए पडागा? गोयमा! वाउकाए णं से, नो खलु सा पडागा।
[१८६] पभू णं भंते! बलाहगे एगं महं इत्थिरूवं वा जाव संदमाणियरूवं वा परिणामेत्तए? हंता, पभू।
पभू णं भंते! बलाहए एगं महं इत्थिरूवं परिणामेत्ता अणेगाई जोयणाई गमित्तए? हंता, पभू।
से भंते! किं आयड्ढीए गच्छइ, परिड्ढीए गच्छइ? गोयमा! नो आतिड्ढीए गच्छति, परिड्ढीए गच्छइ।
एवं नो आयकम्मुणा, परकम्मुणा। नो आयपयोगेणं, परप्पयोगेणं। ऊसितोदयं वा गच्छइ पतोदयं वा गच्छड़।
से भंते! किं बलाहए इत्थी? गोयमा! बलाहए णं से, णो खलु सा इत्थी। एवं पुरिसे, आसे, हत्थी ।
पभू णं भंते! बलाहए एगं महं जाणरूवं परिणामेत्ता अणेगाइं जोयणाई गमित्तए जहा इत्थिरूवं तहा भाणियव्वं। णवरं एगओचक्कवालं पि, दुहओचक्कवालं पि भाणियव्वं।
जुग्ग-गिल्लि-थिल्लि-सीया-संदमाणियाणं तहेव।
[१८७]जीवे णं भंते! जे भविए नेरइएसु उववज्जित्तए से णं भंते! किंलेसेसु उववज्जति? गोयमा! जल्लेसाइं दव्वाइं परियाइता कालं करेइ तल्लेसेसु उववज्जइ, तं.-कण्हलेसेसु वा नीललेसेसु वा काउलेसेसु वा।
___ एवं जस्स जा लेस्सा सा तस्स भाणियव्वा जाव जीवे णं भंते! से भविए जोतिसिएसु उववज्जित्तए. पुच्छा। गोयमा! जल्लेसाई दव्वाइं परियाइत्ता कालं करेइ तल्लेसेसु उववज्जइ, तं.-तेउलेस्सेसु।
जीवे णं भंते! जे भविए वेमाणिएसु उववज्जित्तए से णं भंते! किंलेस्सेसु उववज्जइ?
गोयमा! जल्लेसाई दव्वाई परियाइता कालं करेइ तल्लेसेसु उववज्जइ, तं.-तेउलेस्सेसु वा पम्हलेसेसु वा सुक्कलेसेसु वा।
[१८८]अणगारे णं भंते! भावियप्पा बाहिरए पोग्गले अपरियाइत्ता पभू वेभारं पव्वयं उल्लंघेत्तए वा पलंघेत्तए वा? गोयमा! णो इणढे समढे।
अणगारे णं भंते! भावियप्पा बाहिरए पोग्गले परियाइत्ता पभू वेभारं पव्वयं उल्लंघेत्तए वा पलंघेत्तए वा? हंता, पभू।अणगारे णं भंते! भावियप्पा बाहिरए पोग्गले अपरियाइता जावइयाइं रायगिहे नगरे रूवाई एवइयाई विकुवित्ता वेभारं पव्वयं अंतो अणुप्पविसित्ता पभू समं वा विसमं करेत्तए, विसमं वा समं
[दीपरत्नसागर संशोधितः]
[70]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |