Page Text
________________
सतं-३, वग्गो- ,सत्तंसत्तं- , उद्देसो-३
सा पढमसमयबद्धपुट्ठा बितियसमयवेतिता ततियसमयनिज्जरिया, सा बद्धा पुट्ठा उदीरिया वेदिया निज्जिण्णा सेयकाले अकम्मं चावि भवति।
से तेणट्टेणं मंडियपुत्ता! एवं वुच्चति-जावं च णं से जीवे सया समितं नो एयति जाव अंते अंतकिरिया भवति।
[१८२] पमत्तसंजयस्स णं भंते! पमत्तसंजमे वट्टमाणस्स सव्वा वि य णं पमत्तद्धा कालतो केवच्चिरं होति? मंडियपुत्ता! एगजीवं पडुच्च जहन्नेणं एक्कं समयं उक्कोसेणं देसूणा पुव्वकोडी। णाणाजीवे पडुच्च सव्वद्धा।
अप्पमत्तसंजयस्स णं भंते! अप्पमत्तसंजमे वट्टमाणस्स सव्वा वि य णं अप्पमत्तद्धा कालतो केवच्चिरं होति? मंडियपुत्ता! एगजीवं पइच्च जहन्नेणं अंतोमुहतं, उक्कोसेणं पुव्वकोडी देसूणा। णाणाजीवे पडुच्च सव्वद्धं।
सेवं भंते! २ ति भगवं मंडियपत्ते अणगारे समणं भगवं महावीरं वंदइ नमसइ, संजमेणं तवसा अप्पाणं भावेमाणे विहरइ।
[१८३] भंते!'त्ति भगवं गोतमे समणं भगवं महावीरं वंदइ नमसइ, २ ता एवं वदासि-कम्हा णं भंते! लवणसमुद्दे चाउद्दस-ऽट्ठमुद्दिट्ठपुण्णमासिणीसु अतिरेयं वड्ढति वा हायति वा? लवणसमुद्दवत्तव्वया नेयव्वा जाव लोयट्ठिती। जाव लोयाणुभावे। सेवं भंते! एवं भंते! ति विहरति।
*तइय सए तइओ उद्देसो समतो.
0 चउत्थो उद्देसो [१८४] अणगारे णं भंते! भावियप्पा देवं वेठब्वियसमुग्घाएणं समोहयं जाणरूवेणं जायमाणं जाणइ पासइ? गोयमा! अत्थेगइए देवं पासइ, णो जाणं पासइ; अत्थेगइए जाणं पासइ, नो देवं पासइ; अत्थेगइए देवं पि पासइ, जाणं पि पासइ; अत्थेगइए नो देवं पासइ, नो जाणं पासइ ।
अणगारे णं भंते! भावियप्पा देविं वेठब्वियसमुग्घाएणं समोहयं जाणरूवेणं जायमाणिं जाणइ पासइ? गोयमा! एवं चेव।
अणगारे णं भंते! भावियप्पा देवं सदेवीयं वेठव्वियसमग्घाएणं समोहयं जाणरूवेणं जायमाणं जाणइ पासइ? गोयमा! अत्थेगइए देवं सदेवीयं पासइ, नो जाणं पासइ। एएणं अभिलावेणं चत्तारि भंगा।
अणगारे णं भंते! भावियप्पा रुक्खस्स किं अंतो पासइ, बाहिं पासइ? चउभंगो। एवं किं मूलं पासइ, कंदं पा०? चउभंगो। मूलं पा० खंधं पा०? चउभंगो।
एवं मूलेणं बीजं संजोएयव्वं। एवं कंदेण वि समं संजोएयव्वं जाव बीयं। एवं जाव पुप्फेण समं बीयं संजोएयव्वं।
अणगारे णं भंते! भावियप्पा रुक्खस्स किं फलं पा. बीयं पा०? चउभंगो।
[१८५] पभू णं भंते! वाउकाए एगं महं इत्थिरूवं वा पुरिसरूवं वा हत्थिरूवं वा जाणरूवं वा एवं जग्ग-गिल्लि-थिल्लि-सीय-संदमाणियरूवं वा विउव्वित्तए? गोयमा! णो इणठे समठे। वाउक्काए णं विकुव्वमाणे एगं महं पडागासंठियं रूवं विकव्वइ।
[दीपरत्नसागर संशोधितः]
[69]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |