Page Text
________________
सतं-३, वग्गो- ,सत्तंसत्तं- , उद्देसो-१
हंता, अत्थि।
से कहमिदाणिं पकरेंति? गोयमा! ताहे चेव णं से सक्के देविंदे देवराया ईसाणस्स देविंदस्स देवरण्णो अंतियं पाउब्भवति, ईसाणे वा देविंदे देवराया सक्कस्स देविंदस्स देवरण्णो अंतियं पाउब्भवइ-इति भो! सक्का! देविंदा! देवराया! दाहिणड्ढलोगाहिवती!; इति भो! ईसाणा! देविंदा! देवराया! उत्तरड्ढलोगाहिवती!। इति भो!, इति भो'त्ति ते अन्नमन्नस्स किच्चाई करणिज्जाई पच्चणुभवमाणा विहरंति।
[१६६]अत्थि णं भंते! तेसिं सक्कीसाणाणं देविंदाणं देवराईणं विवादा समुप्पज्जंति? हंता, अत्थि ।
से कहमिदाणिं पकरेंति? गोयमा! ताहे चेव णं ते सक्कीसाणा देविंदा देवरायाणो सणंकुमारं देविंदं देवरायं मणसीकरेंति। तए णं से सणंकुमारे देविंदे देवराया तेहिं सक्कीसाणेहिं देविंदेहिं देवराईहिं मणसीकए समाणे खिप्पामेव सक्कीसाणाणं देविंदाणं देवराईणं अंतियं पाब्भवति। जं से वदइ तस्स आणाववाय-वयण-निद्देसे चिट्ठति।
[१६७] सणंकुमारे णं भंते! देविंदे देवराया किं भवसिद्धिए, अभवसिद्धिए? सम्मद्दिट्ठी, मिच्छद्दिट्ठी? परित्तसंसारए, अणंतसंसारए? सुलभबोहिए, दुलभबोहिए? आराहए, विराहए? चरिमे अचरिमे? गोयमा! सणंकुमारे णं देविंदे देवराया भवसिद्धीए नो अभवसिद्धीए, एवं सम्मद्दिट्ठी परित्तसंसारए सुलभबोहिए आराहए चरिमे, पसत्थं नेयव्वं।
से केणढेणं भंते!? गोयमा! सणंकुमारे देविंदे देवराया बहूणं समणाणं बहूणं समणीणं बहूणं सावगाणं बहूणं साविगाणं हियकामए सुहकामए पत्थकामए आणुकंपिए निस्सेयसिए हिय-सुहनिस्सेसकामए, से तेणठेणं गोयमा! सणंकुमारे णं भवसिद्धिए जाव नो अचरिमे।
सणंकुमारस्स णं भंते! देविंदस्स देवरण्णो केवतियं कालं ठिती पण्णता? गोय मा! सत्त सागरोवमाणि ठिती पण्णता।
से णं भंते! ताओ देवलोगातो आउक्खएणं जाव कहिं उववज्जिहिति? गोयमा! महाविदेहे वासे सिज्झिहिति जाव अंतं करेहिति। सेवं भंते!२,।
[१६८] छट्ठऽट्ठम मासो अद्धमासो वासाइं अट्ठ छम्मासा।
तीसग-कुरुदत्ताणं तव भत्तपरिण्ण परियाओ ।। [१६९] उच्चत्त विमाणाणं पादुब्भव पेच्छणा य संलावे। किच्च विवादुप्पत्ती सणंकुमारे य भवियत्तं ।।
तइय सए पढमो उद्देसो समतो.
0 बिइओ उद्देसो0 [१७०] तेणं कालेणं तेणं समएणं रायगिहे नामं नगरे होत्था जाव परिसा पज्जुवासइ।
तेणं कालेणं तेणं समएणं चमरे असुरिंदे असुरराया चमरचंचाए रायहाणीए सभाए सुहम्माए चमरंसि सीहासणंसि चठसठ्ठीए सामाणियसाहस्सीहिं जाव नट्टविहिं उवदंसेत्ता जामेव दिसिं पाउब्भूए तामेव दिसिं पडिगए।
भंते! ति भगवं गोयमे समणं भगवं महावीरं वंदति नमंसति,२ एवं वदासी-अत्थि णं भंते!
[दीपरत्नसागर संशोधितः]
[60]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |