Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 60

सतं-३, वग्गो-, सत्तंसत्तं-, उद्देसो-१
तए णं ते बलिचंचारायहाणिवत्थव्वया बहवे असुरकुमारा देवा य देवीओ य ईसाणं देविंदं देवरायं परिकुवियं जाणित्ता ईसाणस्स देविंदस्स देवरण्णो तं दिव्वं देविड्ढि दिव्वं देवज्जुतिं दिव्वं देवाणुभागं दिव्वं तेयलेस्सं असहमाणा सव्वे सपक्खिं सपडिदिसिं ठिच्चा करयलपरिग्गहियं दसनहं सिरसावत्तं मत्थए अंजलिं कट्टु जएणं विजयेणं वद्धाविति, २ एवं वयासी - अहो णं देवाणुप्पिएहिं दिव्वा देविड्ढी जाव अभिसमन्नागता, तं दिट्ठा णं देवाणुप्पियाणं दिव्वा देविड्ढी जाव लद्धा पत्ता अभिसमन्नागया। तं खामेमो णं देवाणुप्पिया!, खमंतु णं देवाणुप्पिया !, खंतुमरिहंति णं देवाणुप्पिया!, णाइ भुज्जो एवंकरणया त्ति कट्टु एयमट्ठे सम्मं विणयेणं भुज्जो २ खामेंति ।
तणं से ईसा देविंदे देवराया तेहिं बलिचंचारायहाणीवत्थव्वएहिं बहूहिं असुर- कुमारेहिं देवेहिं देवीहि य एयमट्ठे सम्मं विणएणं भुज्जो २ खामिए समाणे तं दिव्वं देविड्ढि जाव तेयलेस्सं पडिसाहरइ । तप्पभितिं च णं गोयमा ! ते बलिचंचारायहाणिवत्थव्वया बहवे असुरकुमारा देवा य देवीओ य ईसाणं देविंदं देवरायं आढंति जाव पज्जुवासंति, ईसाणस्स य देविंदस्स देवरण्णो आणा उववाय-वयणनिद्देसे चिट्ठति।
एवं खलु गोयमा! ईसाणेणं देविंदेणं देवरण्णा सा दिव्वा देविड्ढी जाव अभिसमन्नागया। ईसाणस्स णं भंते! देविंदस्स देवरण्णो केवतियं कालं ठिती पण्णत्ता? गोयमा ! सातिरेगाई दो
सागरोवमाइंठिती पन्नता ।
ईसाणे णं भंते! देविंदे देवराया ताओ देवलोगाओ आउक्खएणं जाव कहिं गच्छिहिति? कहिं उववज्जिहिति ? गो. ! महाविदेहे वासे सिज्झिहिति जाव अंतं काहिति ।
[१६४] सक्क्स्स णं भंते! देविंदस्स देवरण्णो विमाणेहिंतो ईसाणस्स देविंदस्स देवरणो विमाणा ईसिं उच्चयरा चेव ईसिं उन्नयतरा चेव? ईसाणस्स वा देविंदस्स देवरण्णो विमाणेहिंतो सक्कस्स देविंदस्स देवरण्णो विमाणा ईसिं नीययरा चेव ईसिं निण्णयरा चेव? हंता, गोतमा ! सक्कस्स तं चेव सव्वं नेयव्वं ।
से केणट्ठेणं? गोयमा! से जहानामए करतले सिया देसे उच्चे देसे उन्नये, देसे णीए देसे निण्णे, से तेणट्ठेणं गोयमा ! सक्कस्स देविंदस्स देवरण्णो जाव ईसिं निण्णयरा चेव ।
[ १६५ ] पभू णं भंते! सक्के देविंदे देवराया ईसाणस्स देविंदस्स देवरण्णो अंतियं पाठब्भवित्तए? हंता, पभू ।
से णं भंते! किं आढामीणे पभू, अणाढामीणे पभू? आढामीणे पभू, नो अणाढामीणे पभू । पभू णं भंते! ईसाणे देविंदे देवराया सक्कस्स देविंदस्स देवरण्णो अंतियं पाठब्भवित्तए? हंता, पभू से भंते! किं आढामीणे पभू, अणादामीणे पभू? गोयमा! आढामीणे वि पभू, अणाढामीणे वि पभू । पभू णं भंते! सक्के देविंदे देवराया ईसाणं देविंदं देवरायं सपक्खिं सपडिदिसिं समभिलोएत्तए? जहा पादुब्भवणा तहा दो बि आलावगा नेयव्वा ।
पभू णं भंते! सक्के देविंदे देवराया ईसाणेणं देविंदेणं देवरण्णा सद्धिं आलावं वा संलावं वा करेत्तए? हंता, पभू । जहा पादुब्भवणा ।
अत्थि णं भंते! तेसिं सक्कीसाणाणं देविंदाणं देवराईणं किच्चाई करणिज्जाई समुप्पज्जंति?
[५-भगवई
[दीपरत्नसागर संशोधितः ]
[59]