Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 62

सतं-३, वग्गो - ,सत्तंसत्तं- , उद्देसो-२
इमीसे रयणप्पभाए पुढवीए अहे असुरकुमारा देवा परिवसंति? गोयमा! नो इणढे समठे।
एवं जाव अहेसत्तमाए पुढवीए, सोहम्मस्स कप्पस्स अहे जाव अत्थि णं भंते! ईसिपब्भाराए पुढवीए अहे असुरकुमारा देवा परिवति?णो इणठे समठे।
से कहिं खाई णं भंते! असुरकुमारा देवा परिवसंति? गोयमा! इमीसे रयणप्पभाए पुढवीए असीउत्तरजोयणसतसहस्सबाहल्लाए, एवं असुरकुमारदेववत्तव्वया जाव दिव्वाइं भोगभोगाइं भुंजमाणा विहरंति।
अत्थि णं भंते! असुरकुमाराणं देवाणं अहे गतिविसए प.? हंता, अत्थि।
केवतियं च णं भंते! असुरकुमाराणं देवाणं अहेगतिविसए पण्णते? गोयमा! जाव अहेसत्तमाए पुढवीए, तच्चं पुण पुढविं गता य, गमिस्संति य।
किंपत्तियं णं भंते! असुरकुमारा देवा तच्चं पुढविं गता य, गमिस्संति य? गोयमा! पुव्ववेरियस्स वा वेदणउदीरणयाए, पुव्वसंगतियस्स वा वेदणउवसामणयाए। एवं खलु असुरकुमारा देवा तच्चं पुढविं गता य, गमिस्संति य।
अत्थि णं भंते! असुरकुमाराणं देवाणं तिरियं गतिविसए पण्णत्ते? हंता, अत्थि।
केवतियं णं भंते! असुरकुमाराणं देवाणं तिरियं गतिविसए पण्णते? गोयमा! जाव असंखेज्जा दीव-समुद्दा, नंदिस्सरवरं पुण दीवं गता य, गमिस्संति य।
किंपत्तियं णं भंते! असुरकुमारा देवा नंदीसरवरदीवं गता य, गमिस्संति य? गोयमा! जे इमे अरहंता भगवंता एतेसिं णं जम्मणमहेस वा निक्खमणमहेस वा णाणप्पत्तिमहिमास वा परिनिव्वाणमहिमासु वा एवं खलु असुरकुमारा देवा नंदीसरवरं दीवं गता य, गमिस्संति य।
अत्थि णं भंते! असुरकुमाराणं देवाणं उड्ढं गतिविसए प.? हंता, अत्थि।
केवतियं णं भंते! असुरकुमाराणं देवाणं उड्ढं गतिविसए? गोयमा! जाव अच्चुतो कप्पो। सोहम्मं पुण कप्पं गता य, गमिस्संति य।
किंपत्तियं णं भंते! असुरकुमारा देवा सोहम्मं कप्पं गता य, गमिस्संति य? गोयमा! तेसि णं देवाणं भवपच्चइए वेराणुबंधे। ते णं देवा विकुव्वेमाणा परियारेमाणा वा आयरक्खे देवे वित्तासेंति। अहालहस्सगाई रयणाई गहाय आयाए एगंतमंतं अवक्कमंति।
अत्थि णं भंते! तेसिं देवाणं अहालहस्सगाई रयणाइं? हंता, अत्थि। से कहमिदाणिं पकरेंति? तओ से पच्छा कायं पव्वहंति।
पभू णं भंते! ते असुरकुमारा देवा तत्थगया चेव समाणा ताहिं अच्छराहिं सद्धिं दिव्वाई भोगभोगाइं भुंजमाणा विहरित्तए? णो इणठे समठे, ते णं तओ पडिनियतंति, तओ पडिनियत्तित्ता इहमागच्छंति, २ जति णं ताओ अच्छराओ आढायंति परियाणंति, पभू णं ते असुरकुमारा देवा ताहिं अच्छराहिं सद्धिं दिव्वाइं भोगभोगाई भुंजमाणा विहरित्तए, अह णं ताओ अच्छराओ नो आढायंति नो परियाणंति णो णं पभू ते असुरकुमारा देवा ताहिं अच्छराहिं सद्धिं दिव्वाइं भोगभोगाइं भुंजमाणा विहरितए।
एवं खलु गोयमा! असुरकुमारा देवा सोहम्मं कप्पं गता य, गमिस्संति य।
[१७१] केवतिकालस्स णं भंते! असुरकुमारा देवा उड्ढे उप्पयंति जाव सोहम्मं कप्पं गया य, गमिस्संति य? गोयमा! अणंताहिं ओसप्पिणीहिं अणंताहिं उस्सप्पिणीहिं समतिक्कंताहिं, अत्थि णं एस [दीपरत्नसागर संशोधितः]
[61]
[५-भगवई