Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 540

सतं-३५, वग्गो- ,सत्तंसत्तं-१, उद्देसो-१
एवं सव्वेसिं आउयवज्जाणं, आउयस्स बंधगा वा, अबंधगा वा। ते णं भंते! जीवा नाणावरणिज्जस्स0 पुच्छा। गोयमा! वेदगा, नो अवेदगा। एवं सव्वेसिं। ते णं भंते! जीवा किं सातावेदगा0 पुच्छा। गोयमा! सातावेयगा वा असातावेयगा
वा। एवं उप्पलुद्देसगपरिवाडी सव्वेसिं कम्माणं उदई, नो अणुदई। छण्हं कम्माणं उदीरगा, नो अणुदीरगा। वेयणिज्जा-SSउयाणं उदीरगा वा, अणुदीरगा वा।
ते णं भंते! जीवा किं कण्ह0 पुच्छा। गोयमा! कण्हलेस्सा वा नीललेस्सा वा काउलेस्सा वा तेउलेस्सा वा। नो सम्मद्दिट्ठी, मिच्छद्दिट्ठी, नो सम्मामिच्छद्दिट्ठी। नो नाणी, अन्नाणी; नियमं दुअन्नाणी, तं जहा-मतिअन्नाणी य, सुयअन्नाणी य। नो मणजोगी, नो वइजोगी, कायजोगी। सागारोवत्ता वा, अणागारोवठत्ता वा।
तेसि णं भंते! जीवाणं सरीरमा कतिवण्णाo? जहा उप्पलुद्देसए सव्वत्थ पुच्छा। गोयमा! जहा उपलुद्देसए। ऊसासगा वा, नीसासगा वा, नो ऊसासगनीसासगा। आहारगा वा, अणाहारगा वा। नो विरया, अविरया, नो विरयाविरया। सकिरिया, नो अकिरिया। सत्तविहबंधगा वा, अट्ठविहबंधगा वा। आहारसन्नोवठत्ता वा जाव परिग्गहसन्नोवत्ता वा। कोहकसाई वा जाव लोभकसाई वा। नो इत्थिवेदगा, नो पुरिसवेदगा, नपुंसगवेदगा। इत्थिवेदबंधगा वा, पुरिसवेदबंधगा वा, नपुंसगवेदबंधगा वा। नो सण्णी, असण्णी। सइंदिया, नो अणिंदिया।
ते णं भंते! कडजुम्मकडजुम्मएगिंदिय' त्ति कालओ केवचिरं होंति? गोयमा! जहन्नेणं एक्कं समयं, उक्कोसेणं अणंतं कालं--अणंतो वणस्सतिकालो। संवेहो न भण्णइ आहारो जहा उप्पलुद्देसए नवरं निव्वाघाएणं छद्दिसिं, वाघायं पइच्च सिय तिदिसिं, सिय चतुदिसिं, सिय पंचदिसिं। सेसं तहेव। ठिती जहन्नेणं एक्कं समयं (अंतोमुहत्तं), उक्कोसेणं बावीसं वाससहस्साइं। समुग्घाया आइल्ला चत्तारि, मारणंतियसमुग्घाएणं समोहया वि मरंति, असमोहया वि मरंति। उव्वाणा जहा उप्पलुद्देसए|
अह भंते! सव्वपाणा जाव सव्वसत्ता कडजुम्मकडजुम्मएगिदियत्ताए उववन्नपुव्वा? हंता, गोयमा! असई अदुवा अणंतखुत्तो।
कडजुम्मतेयोयएगिदिया णं भंते! कओ उववज्जति? उववातो तहेव।
ते णं भंते! जीवा एगसमए0 पुच्छा। गोयमा! एक्कूणवीसा वा, संखेज्जा वा, असंखेज्जा वा, अणंता वा उववज्जंति। सेसं जहा कडजुम्मकडजुम्माणं जाव अणंतखुत्तो।
कडजुम्मदावरजुम्मएगिंदिया णं भंते! कओहिंतो उववज्जंति? उववातो तहेव।
ते णं भंते! जीवा एगसमएणं0 पुच्छा। गोयमा! अट्ठारस वा, संखेज्जा वा, असंखेज्जा वा, अणंता वा उववज्जति। सेसं तहेव जाव अणंतखुत्तो।
कडजुम्मकलियोगएगिंदिया णं भंते! कओ उवव0? उववातो तहेव। परिमाणं सत्तरस वा, संखेज्जा वा, असंखेज्जा वा, अणंता वा उववज्जंति। सेसं तहेव जाव अणंतखुत्तो।
तेयोगकडजुम्मएगिंदिया णं भंते! कओ उववज्जंति? उववातो तहेव। परिमाणं--बारस वा, संखेज्जा वा, असंखेज्जा वा, अणंता वा उववज्जंति। सेसं तहेव जाव अणंतखुत्तो।
तेयोयतेयोयएगिंदिया णं भंते! कतो उववज्जति? उववातो तहेव। परिमाणं--पन्नरस वा,
[दीपरत्नसागर संशोधितः]
[539]
[५-भगवई