Page Text
________________
सतं - ३५, वग्गो-, सत्तंसत्तं - १, उद्देसो- १
संखेज्जा वा, असंखेज्जा वा अणंता वा । सेसं तहेव जाव अणंतखुत्तो ।
एवं एएसु सोलससु महाजुम्मेसु एक्को गमओ, नवरं परिमाणे नाणत्तं तयोयदावरजुम्मे
परिमाणं चोद्दस वा संखेज्जा वा, असंखेज्जा वा अणंता वा उववज्जंति । तेयोगकलियोगेसु तेरस वा, संखेज्जा वा, असंखेज्जा वा, अणंता वा उववज्जंति । दावरजुम्मकडजुम्मेसु अट्ठ वा, संखेज्जा वा, असंखेज्जा वा, अणंता वा उववज्जंति । दावरजुम्मतेयोगेसु एक्कारस वा संखेज्जा वा, असंखेज्जा वा, अनंता वा उववज्जंति। दावरजुम्मदावरजुम्मेसु दस वा, संखेज्जा वा, असंखेज्जा वा अणंता वा उववज्जंति । दावरजुम्मकलियोगेसु नव वा, संखेज्जा वा, असंखेज्जा वा अणंता वा उववज्जंति । कलियोगकडजुम्मे [?] चत्तारि वा, संखेज्जा वा, असंखेज्जा वा अणंता वा उववज्जंति । कलियोगतेयोगेसु सत्त वा संखेज्जा वा, असंखेज्जा वा, अणंता वा उववज्जंति । कलियोगदावरजुम्मेसु छ वा संखेज्जा वा, असंखेज्जा वा, अणंता वा उववज्जति ।
कलियोगकलियोगएगिंदिया णं भंते! कओ उववज्जंति? उववातो तहेव । परिमाणं पंच वा, संखेज्जा वा, असंखेज्जा वा अणंता वा उववज्जंति । सेसं तहेव जाव अनंतखुतो ।
सेवं भंते! सेवं भंते! ति० ।
*३५/१- पढ़मो उद्देसो समत्तो* ० [३५ / १] बिइओ उद्देसो ०
[१०४६]पढमसमयकडजुम्मकडजुम्मएगिंदिया णं भंते! कओ उववज्जंति ? गोयमा ! तहेव ।
एवं जहेव पढमो उद्देसओ तहेव सोलसखुत्तो बितियो वि भाणियव्वो । तहेव सव्वं । नवरं इमाणि दस नाणत्ताणि ओगाहणा जहन्नेणं अंगुलस्स असंखेज्जइभागं, उक्कोसेण वि अंगुलस्स असंखेज्जइभागं। आउयकम्मस्स नो बंधगा, अबंधगा । आउयस्स नो उदीरगा, अणुदीरगा । नो उस्सासगा, नो निस्सासगा, नो उस्सासनिस्सासगा । सत्तविहबंधगा, नो अट्ठविहबंधगा ।
ते णं भंते! `पढमसमयकडजुम्मकडजुम्मएगिंदिय'त्ति कालतो केवचिरं ? गोयमा ! एक्कं
समयं ।
एवं ठिती वि। समुग्घाया आइल्ला दोन्नि। समोहया न पुच्छिज्जंति। उव्वट्→णा न पुच्छिज्जइ। सेसं तहेव सव्वं निरवसेसं सोलससु वि गमएसु जाव अणंतखुत्तो।
सेवं भंते! सेवं भंते! ति० ।
*३५/१ - बीइओ उहेसो समतो*
० [ ३५ / १ ] तइओ उद्देसो ०
[१०४७]अपढमसमयकडजुम्मकडजुम्मएगिंदिया णं भंते! कओ उववज्जंति? एसो जहा पढमुद्देसो सोलसहि वि जुम्मेसु तहेव नेयव्वो जाव कलियोगकलियोगत्ताए जाव अणंतखुत्तो।
सेवं भंते! सेवं भंते! ति० ।
*३५/१- तइओ उद्देसो समत्तो* ० [३५/१] चउत्थो उद्देसो ०
[१०४८]चरिमसमयकडजुम्मकडजुम्मएगिंदिया णं भंते! कतो उववज्जंति ?
[दीपरत्नसागर संशोधितः ]
[540]
एवं जहेव
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |