________________
सतं-२५, वग्गो- ,सत्तंसत्तं- , उद्देसो-७
सुक्के झाणे।
अटो झाणे चठविहे पण्णत्ते, तं जहा--अमणुण्णसंपयोगसंपठत्ते तस्स विप्पयोगसतिसमन्नागते यावि भवति, मणुण्णसंपयोगसंपठत्ते तस्स अविप्पयोगसतिसमन्नागते यावि भवति, आयंकसंपयोगसंपठत्ते तस्स विप्पयोगसतिसमन्नागते यावि भवति, परिझुसियकामभोगसंपत्ते तस्स अविप्पयोगसतिसमन्नागते यावि भवति।
अटास्स णं झाणस्स चतार लक्खणा पन्नत्ता, तं जहा--कंदणया सोयणया तिप्पणया परिदेवणया।
रोद्दे झाणे चव्विधे पन्नते, तं जहा--हिंसाणुबंधी मोसाणुबंधी, तेयाणुबंधी, सारक्खणाणुबंधी। रोद्दस्स झाणस्स चत्तारि लक्खणा पन्नत्ता, तं जहा--उस्सन्नदोसे बहुदोसे अण्णाणदोसे
धम्मे झाणे चठविहे चउपडोयारे पन्नते, तं जहा--आणाविजये, अवायविजये विवागविजये संठाणविजये।
धम्मस्स णं झाणस्स चत्तारि लक्खणा पन्नता, तं जहा--आणारुयी निसग्गरुयी सुत्तरुयी ओगाढरुयी।
धमस्स णं झाणस्स चत्तारि आलंबणा पन्नत्ता, तं जहा--वायणा पडिपुच्छणा परियाणा धम्मकहा।
धम्मस्स णं झाणस्स चत्तारि अणुपेहाओ पन्नत्ताओ, तं जहा--एगत्ताणुपेहा अणिच्चाणुपेहा असरणाणुपेहा संसाराणुपेहा।
सुक्के झाणे चठव्विधे चउपडोयारे पन्नते, तं जहा--पुहत्तवियक्के सवियारी, एगत्तवियक्के अवियारी, सुहमकिरिए अनियटशी, समोछिन्नकिरिए अप्पडिवाई।
सुक्कस्स णं झाणस्स चत्तारि लक्खणा पन्नता, तं जहा--खंती मुत्ती अज्जवे मद्दवे।
सुक्कस्स णं झाणस्स चत्तारि आलंबणा पन्नता, तं जहा--अव्वहे असम्मोहे विवेगे विओसग्गे।
सुक्कस्स णं झाणस्स चत्तारि अणुपेहाओ पन्नताओ, तं जहा--अणंतवत्तियाणुप्पेहा विप्परिणामाणुप्पेहा असुभाणुपेहा अवायाणुपेहा। से तं झाणे।
[९६९]से किं तं विओसग्गे? विओसग्गे दुविधे पन्नते, तं जहा--दव्वविओसग्गे य भावविओसग्गे य।
से किं तं दव्वविओसग्गे? दव्वविओसग्गे चठविधे पन्नते, तं जहा--गणविओसग्गे सरीरविओसग्गे उवधिविओसग्गे भत्त-पाणविओसग्गे। से तं दव्वविओसग्गे।
से किं तं भावविओसग्गे? भावविओसग्गे तिविहे पन्नते, तं जहा--कसायविओसग्गे संसारविओसग्गे कम्मविओसग्गे।
से किं तं कसायविओसग्गे? कसायविओसग्गे चठव्विधे पन्नते, तं जहा-कोहविओसग्गे माणविओसग्गे मायाविओसग्गे लोभविओसग्गे। से तं कसायविओसग्गे।
से किं तं संसारविओसग्गे? संसारविओसग्गे चठव्विधे पन्नते, तं जहा-- नेरड्यसंसारविओसग्गे जाव देवसंसारविओसग्गे। से तं संसारविओसग्गे।
[दीपरत्नसागर संशोधितः]
[501]
[५-भगवई
