Page Text
________________
सतं -२, वग्गो, सत्तंसत्तं-, उद्देसो-८
भेणं, पन्नासं जोयणसहस्साइं पंच य सत्ताणउए जोयणसए किंचिविसेसूणे परिक्खेवेणं, सव्वप्पमाणं वेमाणियप्पमाणस्स अद्धं नेयव्वं । सभा सुहम्मा उत्तरपुरत्थिमेणं, जिणघरं, ततो उववायसभा हरओ अभिसेय. अलंकारो जहा विजयस्स ।
उववाओ संकप्पो अभिसेय विभूसणा य ववसाओ। अच्चणिय सुहगमो वि य चमर परिवार इड्ढत्तं ।। * बितीएसए अमो उद्देसो समत्तो *
0 नवमो उद्देसो ०
[१४१] किमिदं भंते! 'समयखेत्ते 'ति पवुच्चति ? गोयमा ! अड्ढाइज्जा दीवा दो य समुद्दा एस णं एवतिए `समयखेत्ते 'त्ति पवुच्चति। `तत्थ णं अयं जंबुद्दीवे दीवे सव्वदीव-समुद्दाणं सव्वब्भंतरए' एवं जीवाभिगमवत्तव्वया नेयव्वा जाव अब्भिंतरं पुक्खरद्धं जोइसविहूणं ।
• बितीएसए नवमो उहेसो समतो
० दसमो उद्देसो ०
[१४२] कति णं भंते! अत्थिकाया पण्णत्ता ? गोयमा ! पंच अत्थिकाया पण्णत्ता, तं जहाधम्मत्थिकाए अधम्मत्थिकाए आगासत्थिकाए जीवत्थिकाए पोग्गलत्थिकाए ।
धम्मत्थिकाए णं भंते! कतिवण्णे कतिगंधे कतिरसे कतिफासे? गोयमा ! अवण्णे अगंधे अरसे अफासे अरूवी अजीवे सासते अवट्ठिते लोगदव्वे से समासतो पंचविहे पण्णत्ते, तं जहा दव्वतो खेत्ततो कालतो भावतो गुणतो। दव्वतो णं धम्मत्थिकाए एगे दव्वे । खेत्ततो णं लोगप्पमाणमेत्ते। कालतो न कदायि न आसि, न कयाइ नत्थि, जाव निच्चे। भावतो अवणे अगंधे अरसे अफासे । गुणतो गमणगुणे ।
नवरं गुणतो ठाणगुणे ।
अधम्मत्थिकाए वि एवं चेव आगासत्थिका वि एवं चेव
नवरं खेत्तओ णं आगासत्थिकाए लोयालोयप्पमाणमेत्ते अनंते
चेव जाव गुणओ अवगाहणागुणे ।
जीवत्थिकाए णं भंते! कतिवण्णे कतिगंधे कतिरसे कइफासे? गोयमा! अवण्णे जाव अरुवी जीवे सासते अवट्ठिते लोगदव्वे । से समासओ पंचविहे पण्णत्ते; तं जहा दव्वतो जाव गुणतो । दव्वतो गं जीवत्थिकाए अणंताई जीवदव्वाई। खेत्तओ लोगप्पमाणमेत्ते । कालतो न कयाइ न आसि जाव निच्चे । भावतो पण अवणे अगंधे अरसे अफासे । गुणतो उवयोगगुणे ।
पोग्गलत्थिकाए णं भंते! कतिवण्णे कतिगंधे रसे फास? गोयमा ! पंचवण्णे पंचरसे दुगंधे अट्ठफासे रूवी अजीवे सासते अवट्ठिते लोगदव्वे से समासओ पंचविहे पण्णत्ते; तं जहा दव्वतो खेत्तओ कालतो भावतो गुणतो । दव्वतो णं पोग्गलत्थिकाए अणंताई दव्वाइं । खेत्ततो लोगप्पमाणमेत्ते । कालतो न कयाइ न आसि जाव निच्चे। भावतो वण्णमंते गंध. रस. फासमंते । गुणतो गहणगुणे।
[१४३] एगे भंते! धम्मत्थिकायपदेसे 'धम्मत्थिकाए त्ति वत्तव्वं सिया? गोयमा ! णो इणट्ठे
समट्ठे।
एवं दोण्णि तिण्णि चत्तारि पंच छ सत्त अट्ठ नव दस संखेज्जा असंखेज्जा भंते! धम्मत्थिकायप्पदेसा `धम्मत्थिकाए 'त्ति वत्तव्वं सिया ? गोयमा ! णो इणट्ठे समट्ठे । [दीपरत्नसागर संशोधितः ]
[48]
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |