Page Text
________________
सतं-२५, वग्गो- ,सत्तंसत्तं- , उद्देसो-४
अपएसठ्ठयाए भाणियव्वा। संखिज्जपएसिया खंधा निरेया पएसठ्ठयाए असंखेज्जगुणा, सेसं तं चेव।
दव्वट्ठपएसट्ठयाए-सव्वत्थोवा अणंतपएसिया खंधा सव्वेया दव्वट्ठयाए १, ते चेव पएसट्ठयाए अणंतगुणा २, अणंतपएसिया खंधा निरेया दव्वट्ठयाए अणंतगुणां ३, ते चेव पएसट्ठयाए अणंतगुणा ४, अणंतपएसिया खंधा देसेया दव्वळुयाए अणंतगुणा ५, ते चेव पदेसठ्ठयाए अणंतगुणा ६, असंखेज्जपएसिया खंधा सव्वेया दव्वट्ठयाए अणंतगुणा ७, ते चेव पएसट्ठयाए असंखेज्जगुणा ८, संखेज्जपएसिया खंधा सव्वेया दव्वट्ठयाए असंखेज्जगुणा ९, ते चेव पएसट्ठयाए असंखेज्जगुणा १0, परमाणुपोग्गला सव्वेया दव्वट्ठअपएसट्ठयाए असंखेज्जगुणा ११, संखेज्जपएसिया खंधा देसेया दव्वट्ठयाए असंखेज्जगुणा १२, ते चेव पएसठ्ठयाए असंखेज्जगुणा १३, असंखेज्जपएसिया खंधा देसेया दव्वट्ठयाए असंखेज्जगुणा १४, ते चेव पदेसट्ठयाए असंखेज्जगुणा १५, परमाणुपोग्गला निरेया दव्वट्ठअपएसट्ठयाए असंखेज्जगुणा १६, संखेज्जपएसिया खंधा निरेया दव्वट्ठयाए संखेज्जगुणा १७, ते चेव पएसट्ठयाए संखेज्जगुणा १८, असंखेज्जपएसिया खंधा निरेया दव्वठ्ठयाए असंखेज्जगुणा १९, ते चेव पएसठ्ठयाए असंखेज्जगुणा २०।
[८९२]कति णं भंते! धम्मत्थिकायस्स मज्झपएसा पन्नत्ता? गोयमा! अट्ठ धम्मत्थिकायस्स मज्झपएसा पन्नता।
कति णं भंते! अधम्मत्थिकायस्स मज्झपएसा पन्नत्ता? एवं चेव। कति णं भंते! आगासत्थिकायस्स मज्झपएसा पन्नता? एवं चेव।
कति णं भंते! जीवत्थिकायस्स मज्झपएसा पन्नता? गोयमा! अट्ठ जीवत्थिकायस्स मज्झपएसा पन्नत्ता।
एए णं भंते! अट्ठ जीवत्थिकायस्स मज्झपएसा कतिसु आगासपएसेस् ओगाहंति? गोयमा! जहन्नेणं एक्कंसि वा दोहि वा तीहि वा चरहिं वा पंचहिं वा छहिं वा, उक्कोसेणं अट्ठस्, नो चेव णं सतसु। सेवं भंते! सेवं भंते! ति।
पंचवीसहमे सते चइत्थो हेसो समतो.
0 पंचमो उद्देसो0 [८९३]कतिविहा णं भंते! पज्जवा पन्नत्ता? गोयमा! दुविहा पज्जवा पन्नता, तं जहाजीवपज्जवा य अजीवपज्जवा य। पज्जवपयं निरवसेसं भाणितव्वं जहा पण्णवणाए।
[८९४]आवलिया णं भंते! किं संखेज्जा समया, असंखेज्जा समया, अणंता समया? गोयमा! नो संखेज्जा समया, असंखेज्जा समया, नो अणंता समया।
आणापाणू णं भंते! किं संखेज्जा0? एवं चेव। थोवे णं भंते! किं संखेज्जा0? एवं चेव।
एवं लवे वि, मुहुते वि। एवं अहोरते। एवं पक्खे मासे उडू अयणे संवच्छरे जुगे वाससते वाससहस्से वाससयसहस्से पुव्वंगे पुव्वे, तुडियंगे तुडिए, अडडंगे अडडे, अववंगे अववे, हूहुयंगे हूहुए, उप्पलंगे उप्पले, पउमंगे पउमे, नलिणंगे नलिणे, अत्थनिऊरंगे अत्थनिऊरे, अठयंगे अठये, नउयंगे नठए, पठयंगे पठए, चूलियंगे, चूलिए, सीसपहेलियंगे, सीसपहेलिया, पलिओवमे, सागरोवमे, ओसप्पिणी, एवं उस्सप्पिणी वि।
दीपरत्नसागर संशोधितः]
[473]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |