Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 473

सतं-२५, वग्गो-,सत्तंसत्तं-, उद्देसो-४
निरेयस्स केवतियं अंतरं होइ ? सट्ठाणंतरं पडुच्च जहन्नेणं एक्कं समयं, उक्कोसेणं आवलियाए असंखेज्जतिभागं; परट्ठाणंतरं पडुच्च जहन्नेणं एक्कं समयं उक्कोसेणं असंखेज्जं कालं । दुपएसियस्स णं भंते! खंधस्स देसेयस्स केवतियं कालं अंतरं होइ ? सट्ठाणंतरं पडुच्च जहन्नेणं एक्कं समयं उक्कोसेणं असंखेज्जं कालं; परट्ठाणंतरं पडुच्च जहन्नेणं एक्कं समयं, उक्कोसेणं अनंतं कालं ।
सव्वेयस्स केवतियं कालं ? एवं चेव जहा देसेयस्स ।
निरेयस्स केवतियं0? सट्ठाणंतरं पडुच्च जहन्नेणं एक्कं समयं उक्कोसेणं आवलियाए असंखेज्जतिभागं; परट्ठाणंतरं पडुच्च जहन्नेणं एक्कं समयं उक्कोसेणं अनंतं कालं । एवं जाव अणतपएसियस्स ।
परमाणुपोग्गलाणं भंते! सव्वेयाणं केवतियं कालं अंतरं होइ ?, नत्थंतरं ।
निरेयाणं केवतियं0? नत्थंतरं ।
दुपएसियाणं भंते! खंधाणं देसेयाणं केवतियं कालं ? नत्थंतरं ।
सव्वेयाणं केवतियं कालं ? नत्थंतरं ।
निरेयाणं केवतियं कालं ? नत्थंतरं ।
एवं जाव अणतपएसियाणं ।
एएसि णं भंते! परमाणुपोग्गलाणं सव्वेयाणं निरेयाण य कयरे कयरेहिंतो जाव विसेसाहिया वा? गोयमा! सव्वत्थोवा परमाणुपोग्गला सव्वेया, निरेया असंखेज्जगुणा।
एएसि णं भंते! दुपएसियाणं खंधाणं देसेयाणं सव्वेयाणं निरेयाण य कयरे कयरेहिंतो जाव विसेसाहिया वा? गोयमा! सव्वत्थोवा दुपएसिया खंधा सव्वेया, देसेया असंखेज्जगुणा, निरेया असंखेज्जगुणा।
एवं जाव असंखेज्जपएसियाणं खंधाणं ।
एएसि णं भंते! अणंतपएसियाणं खंधाणं देसेयाणं सव्वेयाणं निरेयाण य कयरे कयरेहिंतो जाव विसेसाहिया वा? गोयमा ! सव्वत्थोवा अणतपएसिया खंधा सव्वेया, निरेया अणंतगुणा, देसेया
गुणा
एणि णं भंते! परमाणुपोग्गलाणं, संखेज्जपएसियाणं असंखेज्जएसियाणं अणतपएसियाण य खंधाणं देसेयाणं सव्वेयाणं निरेयाणं दव्वट्ट्याए परसट्ठयाए दव्वट्ठपएसट्ट्याए कयरे कयरेहिंतो जाव विसेसाहिया वा? गोयमा ! सव्वत्थोवा अणतपएसिया खंधा सव्वेया दव्वट्ठयाए १, अणतपएसिया खंधा निरेया दव्वट्ठयाए अनंतगुणा २, अणतपएसिया
खंधा देसेया दव्वट्ठयाए अनंतगुणा ३, असंखेज्जपएसिया खंधा सव्वेया दव्वट्ठयाए अणंतगुणा ४, संखेज्जपएसिया खंधा सव्वेया दव्वट्ठयाए असंखेज्जगुणा ५, परमाणुपोग्गला सव्वेया दव्वट्ठयाए असंखेज्जगुणा ६, संखेज्जपएसिया खंधा देसेया दव्वट्ट्याए असंखेज्जगुणा ७, असंखेज्जपएसिया खंधा देसेया दव्वट्ट्याए असंखेज्जगुणा ८, परमाणुपोग्गला निरेया दव्वट्ठयाए असंखेज्जगुणा ९, संखेज्जपएसिया खंधा निरेया दव्वट्ठया संखेज्जगुणा १०, असंखेज्जपएसिया खंधा निरेया दव्वट्ठयाए असंखेज्जगुणा ११ ।
पदेसट्ठयाए-सव्वत्थोवा अणतपदेसिया । एवं पएसट्ट्याए वि, नवरं परमाणुपोग्गला [दीपरत्नसागर संशोधितः ]
[472]
[५-भगवई]