Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 472

सतं-२५, वग्गो- ,सत्तंसत्तं- , उद्देसो-४
खंधा निरेया दव्वट्ठयाए १, ते चेव पएसट्ठयाए अणंतगुणा २, अणंतपएसिया खंधा सेया दव्वट्ठयाए अणंतगुणा ३, ते चेव पएसट्ठयाए अणंतगुणा ४, परमाणुपोग्गला सेया दव्वट्ठअपएसट्ठयाए अणंतगुणा ५, संखेज्जपएसिया खंधा सेया दव्वट्ठयाए असंखेज्जगुणा ६, ते चेव पएसट्ठयाए असंखेज्जगुणा ७ असंखेज्जपएसिया खंधा सेया दव्वट्ठयाए असंखेज्जगुणा ८, ते चेव पएसट्ठयाए असंखेज्जगुणा ९, परमाणुपोग्गला निरेया दव्वट्ठअपएसट्ठयाए असंखेज्जगुणा १0, संखेज्जपएसिया खंधा निरेया दव्वट्ठयाए असंखेज्जगुणा ११, ते चेव पएसट्ठयाए असंखेज्जगुणा १२, असंखेज्जपएसिया खंधा निरेया दव्वट्ठयाए असंखेज्जगुणा १३, ते चेव पएसट्ठयाए असंखेज्जगुणा १४।
परमाणुपोग्गले णं भंते! किं देसेए, सव्वेए, निरेए? गोयमा! नो देसेए, सिय सव्वेए, सिय निरेये । दुपदेसिए णं भंते! खंधे0 पुच्छा। गोयमा! सिय देसेए, सिय सव्वेए, सिय निरेये। दुपदेसिए णं भंते! खंधे0 पुच्छा। गोयमा! सिय देसेए, सिय सव्वेए, सिय निरेये। एवं जाव अणंतपदेसिए। परमाणुपोग्गला णं भंते! किं देसेया, सव्वेया, निरेया? गोयमा! नो देसेया, सव्वेया वि, निरेया वि। दुपदेसिया णं भंते! खंधा0 पुच्छा। गोयमा! देसेया वि, सव्वेया वि, निरेया वि। एवं जाव अणंतपएसिया।
परमाणुपोग्गले णं भंते! सव्वेए कालतो केवचिरं होति? गोयमा! जहन्नेणं एक्कं समयं, उक्कोसेणं आवलियाए असंखेज्जतिभागं।
निरेये कालतो केवचिरं होति? गोयमा! जहन्नेणं एक्कं समयं, उक्कोसेणं असंखेज्जं कालं।
दुपएसिए णं भंते! खंधे देसेए कालतो केवचिरं होति? गोयमा! जहन्नेणं एक्कं समयं, उक्कोसेणं आवलियाए असंखेज्जतिभागं।
सव्वेए कालतो केवचिरं होति? जहन्नेणं एक्कं समयं, उक्कोसेणं आवलियाए असंखेज्जइभागं।
निरेए कालतो केवचिरं होति? जहन्नेणं एक्कं समयं, उक्कोसेणं असंखेज्जं कालं। एवं जाव अणंतपदेसिए। परमाणुपोग्गला णं भंते! सव्वेया कालतो केवचिरं होति? गोयमा! सव्वद्धं । निरेया कालतो केवचिरं? सव्वद्धं । दुप्पदेसिया णं भंते! खंधा देसेया कालतो केवचिरं होंति? सव्वद्धं । सव्वेया कालतो केवचिरं? सव्वद्धं । निरेया कालओ केवचिरं? सव्वद्धं । एवं जाव अणंतपदेसिया।
परमाणुपोग्गलस्स णं भंते! सव्वेयस्स केवतियं कालं अंतरं होति? सट्ठाणंतरं पइच्च जहन्नेणं एक्कं समयं, उक्कोसेणं असंखेज्जं कालं; परठाणंतरं पइच्च जहन्नेणं एक्कं समयं, उक्कोसेणं एवं चेव।
[दीपरत्नसागर संशोधितः]
[471]
[५-भगवई]