________________
सतं-२५, वग्गो-,सत्तंसत्तं-, उद्देसो-४
कलियोगसमयट्ठितीया; विहाणादेसेणं कडजुम्मसमयट्ठितीया वि जाव कलियोगसमयट्ठितीया वि। एवं जाव वेमाणिया ।
सिद्धा जहा जीवा ।
[८८४] जीवे णं भंते! कालवण्णपज्जवेहिं किं कडजुम्मे० पुच्छा। गोयमा ! जीवपएसे पडुच्च नो कडजुम्मे जाव नो कलियोगे; सरीरपएसे पडुच्च सिय कडजुम्मे जाव सिय कलियोगे।
एवं जाव वेमाणिए ।
सिद्धो ण चेव पुच्छिज्जति ।
जीवा णं भंते! कालवण्णपज्जवेहिं० पुच्छा। गोयमा ! जीवपएसे पडुच्च ओघादेसेण वि विहाणादेसेण वि नो कडजुम्मा जाव नो कलियोगा; सरीरपएसे पडुच्च ओघादेसेणं सिया कडजुम्मा जाव सिय कलियोगा, विहाणादेसेणं कडजुम्मा वि जाव कलियोगा वि।
एवं जाव वेमाणिया ।
एवं नीलवण्णपज्जवेहि वि दंडओ भाणियव्वो एगत्त-पुहत्तेणं ।
एवं जाव लुक्खफासपज्जवेहिं ।
जीवे णं भंते! आभिणिबोहियनाणपज्जवेहिं किं कडजुम्मे० पुच्छा। गोयमा ! सिय कडजुम्मे जाव सिय कलियोगे ।
एवं एगिंदियवज्जं जाव वेमाणिए ।
जीवा णं भंते! आभिणिबोहियणाणपज्जवेहिं० पुच्छा। गोयमा ! ओघादेसेणं सिय कडजुम्मा जाव सिय कलियोगा, विहाणादेसेणं कडजुम्मा वि जाव कलियोगा वि ।
एवं एगिंदियवज्जं जाव वेमाणिया ।
एवं सुयनाणपज्जवेहि वि।
ओहिनाणपज्जवेहि वि एवं चेव, नवरं विगलिंदियाणं नत्थि ओहिनाणं । मणपज्जवनाणं पि एवं चेव, नवरं जीवाणं मणुस्साण य, सेसाणं नत्थि।
जीवे णं भंते! केवलनाणपज्जवेहिं किं कडजुम्मे० पुच्छा। गोयमा ! कडजुम्मे, नो तेयोए, नो दावरजुम्मे, णो कलियोए ।
एवं मस्से वि
एवं सिद्धे वि।
जीवा णं भंते! केवलनाण० पुच्छा। गोयमा ! ओघादेसेण वि विहाणादेसेण वि कडजुम्मा, नो तेयोगा, नो दावर0, नो कलियोगा ।
दो दंडगा ।
एवं मणुस्सा वि
एवं सिद्धा वि
जीवे णं भंते! मतिअन्नाणपज्जवेहिं किं कडजुम्मे० ? जहा आभिणिबोहियनाणपज्जवेहिं तहेव
एवं सुयअन्नाणपज्जवेहि वि। एवं विभंगनाणपज्जवेहि वि
[दीपरत्नसागर संशोधितः ]
[463]
[५-भगवई
