Page Text
________________
सतं-२५, वग्गो-,सत्तंसत्तं-, उद्देसो-४
चक्खुदंसण-अचक्खुदंसण - ओहिदंसणपज्जवेहि वि एवं चेव, नवरं जस्स जं अत्थि तं
केवलदंसणपज्जवेहिं जहा केवलनाणपज्जवेहिं ।
[८८५]कति णं भंते! सरीरगा पन्नत्ता ? गोयमा ! पंच सरीरगा पन्नत्ता, तं जहा ओरालिय जाव कम्मए। एत्थ सरीरगपदं निरवसेसं भाणियत्वं जहा पण्णवणाए ।
भाणियव्वं ।
[८८६ ] जीवा णं भंते! किं सेया, निरेया? गोयमा ! जीवा सेया वि, निरेया वि।
से केणट्ठेणं भंते! एवं वुच्चइ - जीवा सेया वि, निरेया वि? गोयमा ! जीवा दुविहा पन्नत्ता, तं जहा--संसारसमावन्नगा य, असंसारसमावन्नगा य। तत्थ णं जे ते असंसारसमावन्नगा ते णं सिद्धा, सिद्धा णं दुविहा पन्नत्ता, तं जहा -- अणंतरसिद्धा य, परंपरसिद्धा य। तत्थ णं जे ते परंपरसिद्धा ते णं निरेया। तत्थ णं जे ते अणंतरसिद्धा ते णं सेया ।
ते णं भंते! किं देसेया, सव्वेया? गोयमा ! नो देसेया, सव्वेया ।
तत्थ णं जे ते संसारसमावन्नगा ते दुविहा पन्नत्ता, तं जहा- सेलेसिपडिवन्नगा य, असेलेसिपडिवन्नगा य। तत्थ णं जे ते सेलेसिपडिवन्नगा ते णं निरेया। तत्थ णं जे ते असेलेसिपडिवन्नगा ते णं सेया ।
णं भंते! किं देया, सव्वेया? गोयमा ! नो देसेया, सव्वेया वि। सेतेणट्ठेणं जाव निरेया
वि।
नेरइया णं भंते! किं देसेया, सव्वेया? गोयमा ! देसेया वि, सव्वेया वि।
से केणट्ठेणं जाव सव्वेया वि? गोयमा ! नेरइया दुविहा पन्नत्ता, तं जहा-विग्गहगतिसमावन्नगा य, अविग्गहगतिसमावन्नगा य। तत्थ णं जे ते विग्गहगतिसमावन्नगा ते णं सव्वेया, तत्थ जे ते अविग्गहगतिसमावन्नगा ते णं देसेया, सेतेणट्ठेणं जाव सव्वेया वि।
एवं जाव वेमाणिया ।
[८८७] परमाणुपोग्गला णं भंते! किं संखेज्जा, असंखेज्जा, अणंता ? गोयमा ! नो संखेज्जा, नो
असंखेज्जा, अनंता ।
एवं जाव अणतपदेसिया खंधा ।
एगपएसोगाढा णं भंते! पोग्गला किं संखेज्जा, असंखेज्जा, अणंता? एवं चेव ।
एवं जाव असंखेज्जपदेसोगाढा ।
एगसमयट्ठितीया णं भंते! पोग्गला किं संखेज्जा, असंखेज्जा ०? एवं चेव ।
एवं जाव असंखेज्जसमयट्ठितीया ।
एगगुणकालगा णं भंते! पोग्गला किं संखेज्जा ०? एवं चेव ।
एवं जाव अनंतगुणकालगा।
एवं अवसेसा वि वण्ण-गंध-रस- फासा नेयव्वा जाव अनंतगुणलुक्ख त्ति ।
एएसि णं भंते! परमाणुपोग्गलाणं दुपएसियाण य खंधाणं दव्वट्ट्याए कयरे कयरेहिंतो बहुया? गोयमा! दुपदेसिएहिंतो खंधेहिंतो परमाणुपोग्गला दव्वट्ठयाए बहुगा ।
एएसि णं भंते! दुपएसियाणं तिपएसियाण य खंधाणं दव्वट्ठताए कयरे कयरेहिंतो बहुगा? [दीपरत्नसागर संशोधितः ]
[464]
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |