________________
सतं-२५, वग्गो- ,सत्तंसत्तं- , उद्देसो-३
[८७७]इमीसे णं भंते! रयणप्पभाए पुढवीए केवतिया निरयावाससयसहस्सा पन्नत्ता? गोयमा! तीसं निरयावाससयसहस्सा पन्नता। एवं जहा पढमसते पंचमुद्देसए जाव अणुत्तरविमाण ति।
[८७८]कतिविधे णं भंते! गणिपिडए पन्नते? गोयमा! दवालसंगे गणिपिडए पन्नत्ते, तं जहाआयारो जाव दिठ्ठिवाओ।
से किं तं आयारो? आयारे णं समणाणं निग्गंथाणं आयारगो0 एवं अंगपरूवणा भाणियव्वा जहा नंदीए। जाव[८७९] सुत्तत्थो खलु पढमो बीओ निजुत्तिमीसओ भणिओ।
तइओ य निरवसेसो एस विही होइ अणुयोगे ।। [८८०]एएसि णं भंते! नेरतियाणं जाव देवाणं सिद्धाण य पंचगतिसमासेणं कयरे कतरेहिंतो0 पुच्छा। गोयमा! अप्पाबहुयं जहा बहुवतव्वताए अट्ठगइसमासऽप्पाबहुगं च।।
एएसि णं भंते! सइंदियाणं एगिंदियाणं जाव अणिंदियाण य कतरे कतरेहिंतो0? एय पि जहा बह्वत्तव्वयाए तहेव ओहियं पयं भाणितव्वं।
सकाइयअप्पाबगं तहेव ओहियं भाणितव्वं।
एएसि णं भंते! जीवाणं पोग्गलाणं जाव सव्वपज्जवाण य कतरे कतरेहिंतो? जहा बहुवत्तव्वयाए।
एएसि णं भंते! जीवाणं आउयस्स कम्मगस्स बंधगाणं अबंधगाणं0? जहा बह्वत्तव्वयाए जाव आउयस्स कम्मस्स अबंधगा विसेसाहिया। सेवं भंते! सेवं भंते! ति।
पंचवीसइमे सते तइओ उद्देसो समतो.
०चउत्थो उद्देसो
[८८१]कति णं भंते! जुम्मा पन्नत्ता? गोयमा! चत्तारि जुम्मा पन्नत्ता, तंजहा-कडजुम्मे जाव कलियोए।
से केणठेणं भंते! एवं वुच्चइ--चत्तारि जुम्मा पन्नता तं जहा कडजुम्मे0? जहा अट्ठारसमसते चउत्थे उद्देसए तहेव जाव सेतेणठेणं गोयमा! एवं वुच्चइ0।
नेरतियाणं भंते! कति जुम्मा0? गोयमा! चत्तारि जुम्मा पन्नता, तं जहा-कडजुम्मे जाव कलियोए।
से केणढेणं भंते! एवं वुच्चइ--नेरतियाणं चत्तारि जुम्मा पन्नत्ता तंजहा कडजुम्मे0? अट्ठो तहेव।
एवं जाव वाउकाइयाणं।
वणस्सतिकाइयाणं भंते!0 पुच्छा। गोयमा! वणस्सतिकाइया सिय कडजुम्मा, सिय तेयोया, सिय दावरजुम्मा, सिय कलियोया।
से केणठेणं भंते! एवं वुच्चइ-वणस्सइकाइया जाव कलियोगा? गोयमा! उववायं पइच्च, सेतेणठेणं, तं चेव।
[दीपरत्नसागर संशोधितः]
[460]
[५-भगवई
